TARA JAHPRANG 8:3 - Jinghpaw Common Language Bible 2009

³ Shi gaw nanhte hpe kawsi jahkrum nhtawm nanhte hte nanhte a nji nwa ni galoi mung garai n lu sha yu ai Manna nanhte hpe jaw nu ai. Masha gaw muk hte sha asak hkrung nga lu ai n rai; lam magup hta dai Madu tsun ai mungga hte sha asak hkrung lu nga ai hpe sharin la lu myit ga nga, ndai lam shi galaw nu ai.

Jinghpaw Hanson Version Bible

³ Shi nang hpe shagrit nna kawsi jahkrum ai hte, shinggyim masha gaw muk hte sha hkrung nga lu ai n rai, Karai Kasang a n-gup na pru mapru hte hkrung nga lu ai gaw nang chye lu hkra nga, nang mung n mu yu, na nji nwa ni mung n mu yu ai manna hte nang hpe bau nit dai.

TARA JAHPRANG 8:3 ပူးပေါင်းရင်းမြစ်များ

SHAKAWN KUNGDAWN 105:40

Shanhte hpyi mu ai hte maren, u preng ni hpe dat dat ya nna; shanhte myit dik hkra sha lu na matu, lamu na lusha shanhte hpe jahkrat jaw ya wu ai.

SHAKAWN KUNGDAWN 37:3

Dai Madu hta kam hpa nga let mai kaja ai amu hpe galaw nga u; dai lamu ga hta shanu nga nna shim nga u.

MAHTE 4:4

Rai ti mung Yesu gaw, “Masha gaw muk hte sha hkrung nga lu na n rai, Karai Kasang a n-gup hta na pru ai mungga nlang hte hte hkrung nga lu na ra ai, nga nna chyum laika hta tsun nga ai,” ngu nna htan wu ai.

LUKA 4:4

Rai ti mung, Yesu gaw, “Masha gaw muk hte sha hkrung nga lu na n rai, nga nna ka da nga ai,” ngu nna htan wu ai.

1 KORINHTU 10:3

Shanhte yawng gaw, wenyi shahpa hte luhpa myu mi sha lu sha ma ai.

TARA JAHPRANG 29:5

Dai Madu nanhte hpe nam mali hku mali shi ning tup woi wa myit dai shaloi, nanhte a hpun palawng hte hkyepdin ni, galoi mung n tsam n htum mat myit dai.

TARA JAHPRANG 29:6

Nanhte gaw sha na matu muk, lu na matu sabyi ntsin hte chyaru n lu myit dai rai ti mung, shi gaw nanhte a Karai Kasang rai nga ai lam nanhte hpe sharin shaga na nga nanhte hta ra kadawn nga ai lam ni hpe dai Madu jaw ya nu ai.

TARA JAHPRANG 32:47

Ndai sharin shaga ai ga ni gaw kaman nmai nhkai re ai ga ni sha n rai; dai gaw nanhte a asak hkrun lam rai nga ai; nanhte madu la hkyen ai dai Yawdan hka wora hkran na mungdan hta asak galu nga malit ga gaw, dai ga ni hpe madat mara hkan sa nga mu,” ngu nna tsun wu ai.

TARA JAHPRANG 9:9

Dai Madu nanhte hte tawn da ai ga shaka ka da ai lungpa wa la na matu bum de ngai lung wa ai shaloi dai yang e nhtoi mali shi ya, mali shi na, shat n sha, hka n lu ai sha wa nga nga nngai.