TARA JAHPRANG 8:2 - Jinghpaw Common Language Bible 2009

² Nanhte hpe chyam yu na nga, yak hkak jam jau lam ni hpe dat dat nna shi a hkang da ai ga ni hpe hkan sa madat mara let hkan galaw mayu ai myit rawng n rawng chye lu hkra nga, lai mat wa sai mali shi ning tup dai Madu nanhte a Karai Kasang kaning rai woi hkawm ai nam mali lam galu hpe myit dum nga mu.

Jinghpaw Hanson Version Bible

² Na a Karai Kasang Yehowa nang hpe shagrit chyam yu nna, shi a hkang da ai ga hpe hkan nang mayu ai myit rawng ai n rawng ai chye lu hkra; lai mat wa sai mali shi ning tup woi hkawm ai nam mali lam dingdung hpe dum nga u.

TARA JAHPRANG 8:2 ပူးပေါင်းရင်းမြစ်များ

NINGPAWT NINGHPANG 22:1

Ya aten ram ram na mat ai hpang, Karai Kasang gaw Abraham hpe chyam yu na nga shi hpe, “Abraham!,” ngu nna shaga wu ai. Abraham mung, “Rai sa, ngai nang e nga nga nngai!,” ngu nna htan wu ai.

2 HKAWHKAM LABAU 32:31

Babelon dat kasa ni dai lamu ga kata byin ai laklai mabyin masa hte seng ai hpe sa sagawn yu ai shaloi pyi shi a arawn alai chyam yu na nga, Karai Kasang gaw Hezekia hpe shi a lam hku sha sa shangun nga ai.

2 HKAWHKAM LABAU 33:12

Shi nni nkri hkrum wu ai majaw shagrit shanem ai myit hte dai Madu shi a Karai Kasang hpang de kayin wa nhtawm hpyi nem wu ai.

2 HKAWHKAM LABAU 33:19

Hkawhkam wa a akyu hpyi ga hte dai hte seng ai Karai Kasang a mahtai, shi myit malai garai n lu yang, n hkru ai amu galaw nna shi shut hpyit kau ai yubak mara ni a lam, tara maigan masha ni nawku ai shara ni, shi tawk galaw ai Ashera karai num a hkrang sumla ni hte shi nawku ai hpara sumla ni yawng a lam hpe Myihtoi ni a Labau Laika hta ka matsing da nga ai.

NEHEMIA 9:19

Rai ti mung na a matsan dum ai myit galu kaba nga ai majaw nang shanhte hpe nam mali hkan e kau da ndai n rai.

YOBA 33:17

Karai Kasang gaw shanhte yubak galaw nga ai hpe jahkring kau shangun na matu mung; gumrawng gumtawng ai masha ni tai wa nga ai kaw nna hkye la na matu mung tsun nga ai.

SHAKAWN KUNGDAWN 103:2

Nye a wenyi e, Madu hpe shakawn u! Shi a chyeju yawng hte hpe hkum malap kau nga et!

SHAKAWN KUNGDAWN 106:7

Egutu mung hta shanu nga ai anhte a kaji kawa ni gaw Karai Kasang a mauhpa magam amu ni hpe n chye na kau mu ai; shanhte hpe law law lang shi madun dan sai shi a tsaw ra myit hpe shanhte malap kau nna, shanhte gaw, dai Chyahtum Chyalai n-gun rawng ai Madu hpe pyi, dai Nawng Hkyen e gumlau ma ai.

SHAKAWN KUNGDAWN 136:16

Shi a amyu masha ni hpe nam mali hku shi woi wa nu ai; shi a tsaw ra myit htani htana agrin nga ai.

SHAKAWN KUNGDAWN 77:11

Madu e, na a galu kaba ai magam amu ni hpe ngai myit dum nga na nngai; nang galaw lai wa sai mauhpa amu ni hpe ngai bai myit dum nga na nngai.

SHAKAWN KUNGDAWN 81:7

Nang ru tsang hkrum nga ai shaloi, ngai hpe shaga manit dai hte; ngai nanhte hpe hkye hkrang la ni ai. Nbung laru kata na, nye a makoi nga ai shara kaw nna ngai nanhte hpe htan ya mani ai. Meriba hka hpawk e, ngai nanhte hpe chyam yu made ai.

PRU MAT 15:25

Mawshe gaw dai Madu hpe akroi anoi hpyi jahtau wu ai rai nna, dai Madu mung shi hpe hpun langai mi madun wu ai. Dai hpe hka de kabai bang dat wu yang, hka dai gaw lu mai nga sai. Dai yang e dai Madu gaw shanhte hkan sa na Tara ni hpe jaw nhtawm shanhte hpe mung chyam yu wu ai.

PRU MAT 16:35

Israela masha ni gaw Hkanan mung de wa shang nga ai aten du hkra mali shi ning tup manna muk sha ma ai.

PRU MAT 16:4

Shaloi dai Madu gaw Mawshe hpe, “Ya chyawm gaw nanhte yawng a matu lamu kaw na malu masha ngai jahtu ya na made ai. Amyu masha ni gaw shani shagu pru sa nna, lani mi na matu ram tup hta shinggyin la lu na rai myit dai. Ndai lam hku nna, nye a ga matsun hpe shanhte hkan nga ma ai hpe mu lu hkra, shanhte hpe ngai chyam yu na nngai.

PRU MAT 20:20

Mawshe gaw, “Hkum hkrit myit; Karai Kasang gaw nanhte hpe chyam yu na matu du sa nu ai rai nna, shi a ga hpe tut nawng madat shangun mayu nga ai, shaloi nanhte yubak n galaw hkrup na rai myit dai,” ngu nna htan wu ai.

GA SHAGAWP 17:3

Aja hte gumhpraw hpe wan hta ju nna jen yu ai zawn, dai Madu gaw masha a myit masin hpe mung, chyam dinglik yu nga ai.

ESAIA 2:17

Masha a gumrawng gumtawng ai gaw htum mat na ra ai, masha a myit tsaw myit dap ai gaw jahten kau ai hkrum na ra ai. Hpara sumla ni tsep kawp mat mat nna, dai Madu chyu sha dai shani e shagrau shatsaw ai hkrum na ra ai.

YEREMIA 2:6

Ngai gaw shanhte hpe Egutu mung kaw nna hkye mawai la nhtawm kadai mung n nga ai hte kadai mung pyi n lai hkawm yu ai dai zaibru jang ga hte zaibru nhkun ni, hkun hkraw ai hte hkrit tsang hpa lamu ga ngu ai nam mali hku shanhte hpe woi wa tim pyi shanhte ngai hpe hpa zawn n nawn ma ai.

EZEKELA 20:19

Ngai gaw dai Madu nanhte a Karai Kasang rai nga nngai. Nye a tara ni hte nye a hkang da ai ga ni hpe madat mara nga mu.

AMO LAIKA (AMOS) 2:10

Ngai gaw nanhte Amori masha ni a lamu ga hpe madu la lu hkra nanhte hpe Egutu mung kaw na woi shapraw wa nhtawm nam mali kata e mali shi ning tup ngai woi lakawn wa ni ai.

BU HKAWM 14:33

Nanhte hta na hpang jahtum ngam ai wa si mat ai aten du hkra sadi sahka n nga ai amu a majaw hkrum sha ai nni nkri hte nanhte a kashu kasha ni mung dai nam mali hta mali shi ning tup brak hkawm na rai myit dai.

LUKA 18:14

Ngai nanhte hpe tsun made ga, Hparishe n re ai sha kang hta ai wa gaw Karai Kasang a man e, jaw ai hku galaw nna nta de wa lu nu ai. Hpa majaw nga yang, tinang hkum hpe shagrau ai wa kadai mung shagrit kau ai hkrum nna, tinang hkum hpe shagrit ai chyawm gaw shagrau ai hkrum na ra ai,” ngu mu ai.

YAWHAN 2:25

Madu shi nan masha kraw lawang na myit masin a maw mawn ai lam ni hpe chye ya nga ai majaw, shanhte a lam masha gade e me shi hpe tsun dan ra ai n rai.

TARA JAHPRANG 1:3

Egutu mung kaw nna shanhte pru mat wa ai hpang, mali shi ning a shata shi langai a praw langai ya ngu na shani e, dai Madu shi hpe hkang da mada hte maren, Israela amyu masha ni hpe tsun na lam Mawshe htawn tsun wu ai.

TARA JAHPRANG 2:7

“Dai Madu nanhte a Karai Kasang gaw nanhte galaw sai lam magup hta kaning rai shaman ya manit dai hpe adum nga mu. Ndai htat ai nam mali kata hkan nanhte hkawm sa nga myit yang, nanhte hpe lanu lahku la manit dai. Shing rai nanhte hta ra kadawn nga ai lam magup lu la hkra, ndai shaning mali shi ning tup nanhte hte rau nga lai wa nu ai.

TARA JAHPRANG 29:5

Dai Madu nanhte hpe nam mali hku mali shi ning tup woi wa myit dai shaloi, nanhte a hpun palawng hte hkyepdin ni, galoi mung n tsam n htum mat myit dai.

TARA JAHPRANG 32:7

“Lai mat wa sai moi chyaloi nhkoi prat na lam hpe myit sawn yu u; kaning rai byin lai wa sai lam nang hpe tsun dan lu u ga; na a kawa hpe san u. Moi na lam tsun dan lu mu ga, nanhte a dingla ni hpe san mu.

TARA JAHPRANG 7:18

Shanhte hpe hkum hkrit myit; dai Madu nanhte a Karai Kasang gaw Egutu hkawhkam wa hte shi a masha ni yawng hpe kaning di kau nu ai hpe adum nga mu.

TARA JAHPRANG 8:16

Nanhte a nji nwa ni pyi galoi mung garai n sha yu ai Manna lusha hpe nam mali e jaw ya wu ai. Nanhte hpe chyam yu na nga, yak hkak jam jau jahkrum nhtawm jahtum e nanhte hpe mai kaja ai sut rai ni hte shaman ya wu ai.

YAKU 1:3

Hpa majaw nga yang, nanhte a kam sham ai myit hte shing re ai agung alau ni hpe dang kau lu myit dai shaloi e, tinang hta hkam jan lu ai n-gun grau nna jat wa ai hpe nanhte chye nga myit dai.

YAKU 4:10

Nanhte gaw nanhte a hkum hpe dai Madu a man e shagrit shanem nga mu; shing rai yang shi nanhte hpe shagrau shatsaw na marin dai.

YAKU 4:6

Rai ti mung Karai Kasang anhte hpe jaw ya ai dai chyeju mahtang gaw grau nna n gun atsam rawng nga ai. “Karai Kasang gaw gumrawng gumtawng ai ni hpe nhtan shai ninghkap nna myit shagrit shanem ai ni hpe chyeju jaw nga ai,” nga nna Chyum Laika hta tsun ai hte maren rai nga ai.

1 PETRU 1:7

Dai chyam dinglik hkrum ai lam gaw Karai Kasang hpe nanhte kam sham ai myit gaw jet nga ai kun? jen yu na matu rai nga ai. Jahten kau lu ai ja hpe pyi gaw wan hta ju shabyawng nna jen kau ra ai rai nna ja hta grau hpu reng ai nanhte a makam masham hpe mung ngang grin nga na matu jen kau hkrum lu na rai nga ai. Shing rai yang Yesu Hkristu bai dan pru ai nhtoi hta shakawn kungdawn ai, hpung shingkang hte arawng sadang hpe nanhte hkam la na marin dai.

SHINGRAN 2:23

Shi a hpang hkan nang ai ni hpe mung ngai sat kau na mawe ai. Dai shaloi ngai gaw, masha shagu a myit mang ai lam ni hte maw mawn ai lam ni hpe yawng chye ya ai Madu ngai rai nga nngai gaw, hpung ni chye lu na mara ai. Nanhte hta na langai hte langai hpe, tinang galaw sai amu hte maren ngai htang jaw na made ai.

TARA AGYI 2:22

Shanhte a kaji kawa ni hkan shatup ai zawn ndai Israela amyu masha ni nye a lam ni hta hkan sa na ma ai kun, n hkan na ma ai kun, ngai shanhte hpe lang nna mahtai tam shapraw ya na we ai,” ngu nna tsun wu ai.

TARA AGYI 3:4

Mawshe hku nna shanhte a kaji kawa ni hpe dai Madu hkang da nu ai ga ni hpe Israela masha ni hkan sa, n hkan sa chye lu hkra nga, Israela hpe chyam yu na matu shanhte ngam da ai hkrum nga ma ai.