TARA JAHPRANG 8:17 - Jinghpaw Common Language Bible 2009

¹⁷ Dai rai nna nanhte a n-gun hte marai a jaw e, ndai sut gan lu la ga ai, nga nna nanhte galoi mung myit nawn la lu na myit dai n rai.

Jinghpaw Hanson Version Bible

¹⁷ Nye a marai nye a atsam hte ndai sutgan ngai lu nngai, nga nna na a kraw kata e myit kau ai yubak n pru lit ga sadi nga u.

TARA JAHPRANG 8:17 ပူးပေါင်းရင်းမြစ်များ

YOBA 31:25

nye a sut gan hta galoi mung gumrawng nngai n rai.

SHAKAWN KUNGDAWN 44:3

Na a amyu masha ni gaw dai lamu ga hpe shanhte a nhtu ni hte gasat dang la lu ma ai n rai; shanhte a n-gun atsam hte dai mung hpe lu la ai n rai. Dai gaw na a daru magam atsam hte na a chyalai n-gun shanhte hpe na a tsaw ra myit madun sai ngu ai nang shanhte hte rau shanu nga ai ga sadi ni a majaw rai nga ai.

HPAJI NINGLI 3:6

Shi gaw mu tam la ai aten hte shamat kau ai aten hpe mung, mahkawng da ai aten hte kabai kau ai aten hpe mung,

HPAJI NINGLI 9:11

Ndai mungkan ga hta kagat chyang ai ni shingjawng poi hta tut nawng dang ai n rai; share shagan hpyenla ni hpyen majan hta tut nawng dang ai n rai; hpaji rawng ai ni lusha shahpa tut nawng lu ma ai n rai, zai hpaji rawng ai ni tut nawng sut su ai n rai; atsam rawng ai ni tsaw ai madang de tut nawng rawt lung wa ai n rai. N kaja ai gam maka gaw masha shagu hta nga ai lam hpe ngai dum chye nngai.

YEREMIA 9:22

Masha si mang ni gaw hkauna pa hkan sumpum nga ai namhpun ni hte man dan ai wa a hpang e, lahkawn shinggyin la ai wa n nga ai hkauling zawn shara shagu hkan ayai taw nga ai. Ndai gaw dai Madu ngai hpe tsun shangun mayu ai ga rai nga ai,” ngu nna tsun ai.

EZEKELA 28:5

Nang gaw hpaga amu ni hta myit sam ai hte galaw nna hpaga amyat law law galaw shapraw nit dai. Na a sut gan a majaw, nang kade wa myit kaba gumrawng nga n hka!

Daniela 4:27

Dai rai nna madu hkawhkam e, nye a hpaji jaw ga hta hkan u. Yubak lam hpe kau da nna jaw ai amu galaw u. Matsan mayan masha ni hpe matsan dum u. Shaloi nang gaw matut nna ngamu ngamai wa na rai ndai.”

Daniela 4:30

shi gaw, “Yu u, Babelon mung gaw kade wa galu kaba nga a hka! Dai gaw nye a hpung dagu, n-gun atsam, hpung shingkang dan hkung ai hte hpung rawng ai lam madun dan na matu nye a mare daju shatai na ngu, ngai de da ai mare rai nga ai,” ngu nna tsun wu ai.

HOSEA 12:8

Shanhte gaw, ‘Anhte lu su ai ni rai ga ai; anhte gaw ngamu ngamai hkra galaw saga ai. Kadai mung anhte hpe n teng n man ai hku sut su nga ai nga nna mara shagun lu nga ma ai n rai,’ ngu nna tsun ma ai.

HABAKU 1:16

Shanhte gaw shanhte a sumgawn ni hpe pyi nawku ai hte dai ni hpe shagu hkungga nawng ya ma ai, hpa majaw nga yang shanhte a sumgawn ni gaw kaja htum ai arung arai shagu hte shanhte hpe madi shadaw nga ai.

1 KORINHTU 4:7

Kadai wa mi nang hpe masha kaga hta grau shangun nga a ta? Nanhte lu ai yawng mayawng hte gaw Karai Kasang jaw ai n rai ni? Dai re ai mi nanhte hkam la lu ai arai ni gaw Karai Kasang kaw na hkam la lu ai chyeju kumhpa n re ai zawn nanhte gumrawng ai gaw, kaning re ai rai ta?

TARA JAHPRANG 7:17

“Ndai masha amyu ni nanhte hta grau law ai mi, shanhte hpe kaning di gawt shapraw kau lu na rai a hka!, nga nna nanhte nan hkum tsun myit.

TARA JAHPRANG 9:4

“Dai Madu nanhte a Karai Kasang gaw nanhte a matu shanhte hpe shaden kau ya ai hpang, nanhte dai hpe lu la ging saga ai majaw sha shi anhte hpe woi shawn nna dai mungdan hpe madu la shangun mani ai, ngu nna nanhte nan n tsun hkrup myit ga. Dai hku n rai law, shanhte nan n hkru n shawp ai ni rai nga ma ai majaw sha, Madu gaw dai masha ni hpe nanhte a matu shaden kau ya na rai nga ai.

TARA AGYI 7:2

Dai Madu gaw Gidon hpe, “Nang hta nga ai masha ni gaw nye a matu nau wa law nga ai majaw Midian masha ni hpe shanhte a lata hta n ap ya lu na nngai; shanhte a majaw sha dang kau lu ga ai nga, myit nawn la nna nye a arawng sadang hpe jahpoi ya na rai ma ai.

1 SAMUELA 2:7

Shi gaw masha nkau mi hpe matsan kau shangun nna, kaga ni hpe lu su shangun nga ai; shi gaw masha nkau mi hpe shagrit kau nna kaga ni hpe galu kaba shangun nga ai.

1 SAMUELA 30:23

Rai ti mung, Dawi chyawm gaw, “Nye a hpu nau ni e, dai Madu anhte hpe jaw ya sai dai lanep arai hpe nanhte dai hku lu galaw na myit dai n rai! Shi she anhte hpe shim lum ai hte bau sin nna, shang hpya la ai masha ni hpe dang kau lu na awng padang jaw ya mi ai re.