TARA JAHPRANG 8:10 - Jinghpaw Common Language Bible 2009

¹⁰ Nanhte sha mayu ai lusha yawng lu la na rai nna, dai Madu nanhte a Karai Kasang nanhte hpe jaw ya nu ai dai ga sau hte hpring nna ningru ningja ai lamu ga a majaw shi hpe chyeju dum na rai myit dai.

Jinghpaw Hanson Version Bible

¹⁰ Shing rai nang hkru hkru kat kat sha lu na ra ai rai nna, nang hpe jaw da ai kaja htum ai mungdan a majaw, na a Karai Kasang Yehowa hpe shagrau sha a na rin dai.

TARA JAHPRANG 8:10 ပူးပေါင်းရင်းမြစ်များ

1 HKAWHKAM LABAU 29:14

“Rai tim, lam magup gaw nang kaw na kumhpa hkrai rai nga ai majaw nye a amyu masha ni hte ngai mung n lu jaw nga ga ai. Nang jaw ya nit dai hpe chyu sha anhte htang jaw nga ga ai.

SHAKAWN KUNGDAWN 103:2

Nye a wenyi e, Madu hpe shakawn u! Shi a chyeju yawng hte hpe hkum malap kau nga et!

GA SHAGAWP 3:9

Na a lamu ga hta na pru ai sut gan yawng mayawng hta na kaja htum ai ni hpe hkungga shatai nna, dai Madu hpe shagrau sha-a u.

ESAIA 5:1

Ndai mahkawn ga, na a matu ngai mahkawn nga yang madat la u. dai gaw nye manang a mahkawn hte shi a sabyi sun a lam rai nga ai: Nye a manang wa gaw namhpun grai kaja ai kawng langai a ntsa e sabyi sun langai lu ai.

YOELA 2:26

Ya chyawm gaw, nanhte sha na lusha law law lu nna, hkru hkru kat kat sha lu na rai manit dai. Nanhte a matu mauhpa amu galaw ya sai dai Madu nanhte a Karai Kasang hpe shakawn kungdawn mu. Nye a amyu masha ni gaw galoi mung n kaw n law bai di hkrum na masai n rai.

MAHTE 14:19

Shawa masha ni tsingdu pa e hkrawn taw nga mu ga shi hkang da wu ai; shaloi dai muk manga hte nga lahkawng hpe shi la nna, lamu de mada yu let, Karai Kasang kaw chyeju shakawn nhtawm ahkyep alep di nna sape ni hpe jaw dat wu ai: sape ni mung shawa masha ni hpe gam jaw ma ai.

YAWHAN 6:23

Rai ti mung Tiberi Mare na sa ai li ni gaw Yesu Karai Kasang a chyeju hpe shakawn nna shawa masha ni hpe muk daw jaw ai shara de du sa wa ma ai.

ROMA 14:6

Nhtoi langai hpe shareng ai wa kadai mung dai Madu a hpung shingkang hpe shakawn shagrau na matu galaw nga ai. Hpa baw sha hpa hpe rai tim sha ai wa mung dai Karai Kasang a hpung shingkang hpe shagrau sha-a na matu sha ai rai nga ai, hpa majaw nga yang shi gaw dai Karai Kasang a chyeju hpe shakawn kungdawn let sha nga ai. Lusha nkau mi hpe koi gam ai wa mung, Madu a hpung shingkang hpe shakawn shagrau na matu koi gam ai rai nga ai. Shi mung shing rai koi gam ai majaw Karai Kasang a chyeju hpe shakawn kungdawn nga ai.

1 KORINHTU 10:31

Rai sa! Dai majaw, nanhte sha ti mung, lu ti mung, hpa galaw ti mung, nga manga hta Karai Kasang a hpung shingkang hpe tam let, a galaw nga mu.

TARA JAHPRANG 31:20

Ngai gaw shanhte a kaji kawa ni hpe ga sadi jaw da sai hte maren, dai ngamu ngamai ai sut hte hpring nna ningru ningja ai mungdan de shanhte hpe woi wa ai shaloi, dai mung e shanhte sha mayu, lu mayu ai lusha hkum dingnum sha lu nna, ngwi pyaw sim sa ai hte nga lu na mara ai. Rai ti mung, shanhte mahtang lam dam mat nhtawm hpara shaje ni hpe nawku daw jau mat na mara ai; ngai hpe ningdang kau ma ai majaw nye a ga shaka hpe jahten kau na mara ai;

TARA JAHPRANG 8:9

Nanhte gaw dai mung e ra kadawn ai lam n nga hkra, galoi mung hkru hkru kat kat sha lu na rai myit dai. Dai mung na lunghkrung ni hta hpri hkrai chyat rai nna bum kata na magri hkyeng htu shaw la lu na rai myit dai.

1 HTESALONI 5:18

Lam shagu hta chyeju dum shakawn kungdawn nga mu. Dai gaw Hkristu hta e nanhte a asak hkrung lam hte seng nna Karai Kasang a myit ra ai lam rai nga ai.