TARA JAHPRANG 7:8 - Jinghpaw Common Language Bible 2009

⁸ Rai ti mung nanhte a kaji kawa ni hte tawn da ai shi a ga sadi hpe shatup mayu wu ai majaw, dai Madu nanhte hpe tsaw ra nga manit dai. Dai rai nna Egutu hkawhkam a mayam tai nga ai kaw na shi a galu kaba ai n-gun hte nanhte hpe shalawt la nhtawm hkye la manit dai.

Jinghpaw Hanson Version Bible

⁸ Yehowa nanhte hpe tsawra ai majaw mung, na nji nwa ni hpe dagam da ai ga shaka shatup mayu wu ai majaw mung, nang yam nga ai Egutu mung na hkawhkam Hpara-u a lata na, shi a n-gun ja ai lata hte nang hpe hkye la nna woi wa nit dai.

TARA JAHPRANG 7:8 ပူးပေါင်းရင်းမြစ်များ

NINGPAWT NINGHPANG 19:16

Lawt chyawm gaw ung ang ai hte htingnai nga wu ai. Hpa mi rai tim, dai Madu shi hpe matsan dum nga ai majaw dai masha yan gaw shi hte shi a madu jan hpe mung, shi a shayi sha yan hpe mung lata hte dun nhtawm shanhte hpe mare shinggan de woi shapraw da mu ai.

NINGPAWT NINGHPANG 19:29

Rai ti mung Lawt shanu nga yu sai dai kadit na mare ni hpe Karai Kasang jahten kau ai majaw, Abraham hpe shi dum wu ai rai nna Lawt hpe shim ai shara de shalawt dat na ahkang jaw wu ai.

2 SAMUELA 22:20

Shi gaw ngai hpe hkrit hpa shara kaw na mung karum la nga ai; shi gaw ngai hta awng sharawng nga ai majaw ngai hpe hkye hkrang la nga sai.

1 HKAWHKAM 10:9

Dai Madu na a Karai Kasang hpe shakawn kungdawn ga law! Shi gaw nang hpe Israela hkawhkam shatai nhtawm shi hte nang rau rai nga ai hpe gade sha yu awng sharawng nga ai hpe madun dan nga nu ai. Shi gaw Israela hpe prat dingsa tsaw ra nga ai majaw teng man ai tara hte tara daw dan lu na matu shi nang hpe shanhte a hkawhkam shatai ya nit dai,” ngu nna tsun wu ai.

1 HKAWHKAM LABAU 16:16

Abraham hte shi tawn da ai ga shaka hpe mung, Isak hte shagrin da ai ga sadi hpe mung, galoi mung hkum malap kau myit.

2 HKAWHKAM LABAU 9:8

Dai Madu na a Karai Kasang hpe shakawn kungdawn ga law! Shi a mying nsang hta up hkang na matu nang hpe hkawhkam shatai let shi hte nang rau rai nga ai hpe kade sha yu awng sharawng nga ai hpe madun dan nga nu ai. Shi gaw shi a amyu Israela hpe tsaw ra ai hte shanhte hpe htani htana kyem mazing da mayu wu ai majaw teng man ai tara hte nang sin lajang lu u ga nga, nang hpe shanhte a hkawhkam shatai da nit dai,” ngu nna tsun wu ai.

SHAKAWN KUNGDAWN 105:42

Shi a shangun ma kaja Abraham hte tawn da ai chyoi pra ai ga sadi ndat ga ni hpe shi dum nga wu ai.

SHAKAWN KUNGDAWN 44:3

Na a amyu masha ni gaw dai lamu ga hpe shanhte a nhtu ni hte gasat dang la lu ma ai n rai; shanhte a n-gun atsam hte dai mung hpe lu la ai n rai. Dai gaw na a daru magam atsam hte na a chyalai n-gun shanhte hpe na a tsaw ra myit madun sai ngu ai nang shanhte hte rau shanu nga ai ga sadi ni a majaw rai nga ai.

SHAKAWN KUNGDAWN 44:4

Nang gaw nye a hkawhkam wa hte nye a Karai Kasang rai nga ndai; na a amyu masha ni hpe awng padang nang jaw ya nga ai rai nna,

PRU MAT 13:14

Du na ra ai aten hta, na a shadang sha mahtang, ndai htung tara gaw hpa baw lachyum rai ta?, ngu nna san yang, nang gaw shi hpe, ‘Dai Madu gaw galu kaba ai daru magam n-gun lang nna anhte mayam sa tai nga ai Egutu mung kaw na woi shapraw wa mi ai.

PRU MAT 13:3

Mawshe gaw amyu masha ni hpe, “Nanhte mayam yam hkrum ai shara hte Egutu mung na pru wa ai shani na dai nhtoi hpe adum nga mu. Dai nhtoi gaw dai Madu shi a galu kaba ai daru magam n-gun hte nanhte hpe woi shapraw wa ai shani rai nga ai. Nanhte gaw matsi n rawng ai muk sha lu na myit dai.

PRU MAT 20:2

“Ngai gaw nang mayam sa tai nga ai Egutu mung kaw na woi shapraw wa ai dai Madu na a Karai Kasang rai nga nngai.

PRU MAT 32:13

Na a shangun ma ni rai nga ai Abraham, Isak hte Yaku ni hpe naw dum u law. Nang dagam shaka da ai hte maren, shanhte a amyu matu hpe sumsing lamu na shagan ni zawn nang shalaw na rai nna nang ndat da ai ga dai mahkra shanhte a amyu matu ni hpe nang jaw nhtawm, dai hpe htani htana prat dingsa shanhte madu nga lu na mara ai, ngu nna dagam shaka ai ga hpe dum nga u law,” ngu nna hpyi nem wu ai.

PRU MAT 6:6

Dai rai nna ngai gaw shanhte hpe, ‘Ngai gaw dai Madu rai nga nngai majaw nanhte hpe hkrang shaw la ai hte Egutu masha ni yam sha ai mayam prat kaw na shalawt dat na made ai. Shanhte a ntsa e mung, hkrit hpa ari kaba shapraw na matu nye a n-gun rawng ai lahpum hpe sharawt tawn nna nanhte hpe hkye hkrang la na nngai.

ESAIA 43:4

Nang gaw nye a matu hpu ging nga ndai; ngai nang hpe tsaw ra ai hte nang hpe shagrau sha-a nngai majaw, na a asak hkye la na matu, masha amyu baw ting hpe ngai ap ya na nngai.

ESAIA 63:9

shanhte hkam sha ai nni nkri yawng kaw na hkye hkrang la nga ai. Dai gaw lamu kasa galaw ai n rai, rai ti mung dai Madu shi nan shanhte hpe hkye la nu ai. Shi a tsaw ra myit hte matsan dum la ai myit a jaw e, shi shanhte hpe hkye mawai la nga sai. Shi gaw lai sai aten ni hta shanhte hpe galoi mung lanu lahku lai wa nu ai,

YEREMIA 31:3

ngai gaw tsan tsan kaw nna shanhte hpang de dan pru ni ai. Israela amyu masha ni e, ngai gaw nanhte hpe tut nawng e tsaw ra nga nngai majaw nanhte hpe nye a dinggrin tsaw ra myit matut madun na nngai.

EZEKELA 36:22

“Dai rai nna, Tsaw Htum ai dai Madu ngai nan Israela amyu masha ni a matu san da ai mungga shanhte hpe htawn tsun u. Israela amyu masha ni a majaw ndai amu hpe ngai tau nna galaw ai n rai, nanhte du hkawm nga sai mungdan shagu hta nye a chyoi pra ai mying ningsang hpe jahpoi kau ya ai majaw sha tau nna ngai galaw nga nngai.

MIHKA 6:4

Ngai gaw nang hpe Egutu mung kaw na woi shapraw wa nhtawm nang hpe mayam prat kaw na mawai la ni ai. Mawshe, Arun hte Miriam ni nang hpe woi awn na matu ngai dat dat ni ai.

MIHKA 7:20

Nang gaw moi chyaloi nhkoi kaw nna anhte a kaji kawa ni hpe nang jaw ai ga shaka hte maren, Abraham hte Yaku a aru arat rai nga ai na a amyu masha ni hpe na a kangka re ai lam hte dinggrin tsaw ra myit madun dan na rai nga ndai.

ZEHPANI 3:17

Dai Madu nanhte a Karai Kasang gaw nanhte hte rau anga nga ai; shi a daru magam n-gun gaw nanhte hpe awng padang jaw ya nga ai. Dai Madu gaw nanhte hpe awng sharawng wa nna shi a tsaw ra myit hta, shi nanhte hpe asak nnan jaw ya na ra ai. Shi gaw lusha poi hta shang lawm nga ai masha ni kabu gara nga ma ai zawn,

MALAHKI 1:2

Dai Madu gaw shi a amyu masha ni hpe, “Ngai nanhte hpe tut nawng tsaw ra nga ni ai,” ngu nna tsun wu ai. Rai ti mung, shanhte gaw, “Anhte hpe na a tsaw ra myit gara hku madun yu nit ni?,” ngu nna bai htang tsun ma ai. Dai Madu gaw, “Esaw yan Yaku gaw kahpu kanau yan rai ma ai, rai ti mung ngai gaw Yaku hte shi a matu mara ni hpe mahtang tsaw ra ni ai.

MAHTE 11:26

Rai sa, Wa e, ndai hku byin ai lam gaw, na a myit ra ai lam hte maren rai nga lit dai.

LUKA 1:55

Shi gaw shi a matsan dum ai myit Abraham hte aru arat ni yawng hpe tut nawng madun dan na matu adum nga ai!” nga ai.

ROMA 11:28

Dai Kabu Gara Shiga hpe shanhte kabai kau ma ai majaw, Yuda amyu masha ni gaw Karai Kasang a hpyen tai wa masai. Shing rai byin wa ai gaw maigan amyu masha ni ngu ai nanhte akyu hkam la na matu rai nga ai. Rai ti mung, Karai Kasang gaw shanhte hpe lata la ai amyu shatai sai majaw shanhte a kaji kawa ni hpe tawn da sai ga sadi a gawp e shanhte gaw shi a tsaw ra hkrum ai ni rai nga ma ai.

TARA JAHPRANG 1:8

Dai yawng gaw nanhte a kaji kawa Abraham, Isak, Yaku hte shanhte a amyu matu mara ni hpe Ngai Madu nan jaw na ngu nna ga sadi tawn da ai lamu ga rai nga li ai. Dai rai nna pru sa nhtawm dai mung hpe madu la masu,’” ngu nna anhte hpe tsun mi ai.

TARA JAHPRANG 10:15

Rai ti mung nanhte a nji nwa ni a matu dai Madu a tsaw ra myit gaw grai n-gun ja nga ai majaw kaga masha amyu ni hta nanhte hpe lata la manit dai; nanhte gaw shi lata la sai amyu masha ni naw rai nga myit dai.

TARA JAHPRANG 23:6

Nanhte gaw amyu baw hku grin nga dingsa, ndai masha amyu baw ni hpe karum la na matu mung, shanhte hpe ngamu ngamai shangun ai lam galoi mung hkum galaw ya myit.

TARA JAHPRANG 33:3

Dai Madu gaw shi a amyu masha ni hpe tsaw ra nga ai rai nna, shi hte seng ai ni hpe makawp maga ya nga ai. Dai rai nna, shi a lagaw nhpang e anhte gum dagup nna shi a hkang da ai ga ni hpe hkan sa ga ai.

TARA JAHPRANG 4:20

Rai ti mung nanhte gaw dai ni rai nga ai hte maren, shi a amyu masha jet tai nga myit ga nga, Egutu mung a grung nga ai wan htung kaw na mawai da ai amyu masha ni rai nga myit dai.

TARA JAHPRANG 4:34

Dai Madu nanhte a Karai Kasang gaw nanhte a matu Egutu mung hta e galaw dan manit dai zawn kaga amyu baw hta na amyu masha ni hpe woi la nhtawm shi a amyu masha shatai la gwi ai hpara shaje nga nga yu sani? Shi gaw nanhte a man e shi a daru magam n-gun hte atsam marai hpe lang nhtawm ana zinli hte hpyen majan, mauhpa lamik kumla hte hkrit hpa amu ni hpe shapraw dan nu ai.

TARA JAHPRANG 4:37

Nanhte a nji nwa ni hpe shi tsaw ra wu ai majaw nanhte hpe lata la nu ai rai nna shi a galu kaba ai daru magam n-gun hte shi nan nanhte hpe Egutu mung kaw na woi shapraw wa nu ai.

TARA JAHPRANG 5:6

‘Ngai gaw nanhte mayam tai nga ai Egutu kaw na hkrang shaw la ai nanhte a Madu Karai Kasang rai nga nngai.

1 YAWHAN 4:19

Karai Kasang gaw shawng nnan e anhte hpe tsaw ra mi ai majaw, anhte mung tsaw ra nga ga ai.

1 SAMUELA 12:22

Dai Madu gaw kangka ai ga sadi shaka da nu ai hte maren, nanhte hpe shi a amyu masha majing shatai na, shi daw dan da nu ai majaw, shi nanhte hpe kau da na n rai.