TARA JAHPRANG 7:5 - Jinghpaw Common Language Bible 2009

⁵ Dai re ai majaw, shanhte a tawn hkungri ni hpe adawt agrawp kau ya mu; shanhte a chyoi pra ai nlung shadaw ni hpe adawt mani kau ya mu; shanhte a Ashera hpara num a masat kumla hpe kran daw kau ya mu; shanhte a hpara sumla ni nat kau ya mu.

Jinghpaw Hanson Version Bible

⁵ Dai re ai majaw shanhte hpe ning di mu: shanhte a tawn hkungri ni hpe agrawp kau ya mu; shanhte a sumla shadaw ni hpe adawt daw kau ya mu; shanhte a Asherim sumla ni hpe kran daw kau ya mu; tawk la ai sumla ni hpe mung nat kau ya mu.

TARA JAHPRANG 7:5 ပူးပေါင်းရင်းမြစ်များ

2 HKAWHKAM 10:26

dai yang hkan na chyoi pra ai shadaw ni hpe la shapraw nna nat kau ma ai.

1 HKAWHKAM LABAU 14:12

Hpilisti masha ni hprawng mat wa ai shaloi shanhte a hpara sumla ni hpe kau da mu ai rai nna dai ni hpe nat kau na, Dawi hkang da wu ai.

2 HKAWHKAM LABAU 14:3

Shi gaw maigan tawn hkungri ni hte tara maigan ni a nawku shara ni hpe yeng seng kau nhtawm, chyoi pra ai nlung shadaw ni hpe agrawp shadaw kau let Ashera karai num a hkrang sumla ni hpe kran daw kau ya wu ai.

PRU MAT 23:24

Shanhte a hpara sumla ni hpe dingnyawm gum dagup lu na ndai n rai; dai ni hpe nawku lu na n rai; shanhte a makam masham hte seng ai htung lai len ni hta hkan sa galaw lu na ndai n rai. Shanhte a hpara sumla ni hpe jahten sharun kau nna, shanhte a chyoi pra ai nlung shadaw ni hpe agrawp shadaw kau lu na myit dai.

PRU MAT 32:20

Shanhte galaw da ai dumsu usu hpe la nna dai hpe ju shabyawng nhtawm ayun ayaw rai hkra rin mani kau nna hka hte kayau kau ya wu ai. Dai hpang Israela masha ni hpe lu shangun wu ai.

PRU MAT 34:13

Shing rai na malai, shanhte a tawn hkungri ni hpe run kau ya nna, chyoi pra ai shadaw ni hpe mung agrawp jahten kau ai hte shanhte a Ashera hpara num a hkrang sumla ni hpe kran daw kau ya na rai ndai.

ESAIA 17:8

Shanhte gaw shanhte a lata ni hte galaw da sai tawn hkungri ni hpe galoi mung shamyet shanat na ma ai n rai, shanhte a lata amu ngu ai Ashera karai num a masat dingsat ni hte manam pyaw ai baw nat nawng na tawn hkungri ni hpe kam na ma ai n rai.

JAW JAU 26:1

Dai Madu gaw, “Hpara sumla hkum galaw myit; gawkngu sumla mung, nlung shadaw ni hpe mung shadun tawn lu na n rai; nawku na matu sumla tawk bang da ai nlung ni shadun lu na n rai. Ngai gaw dai Madu nanhte a Karai Kasang nan rai nga nngai.

BU HKAWM 33:52

dai mung e nga nga ai masha ni yawng hpe nanhte gawt shapraw kau lu na rai myit dai. Nlung hte tawk nna nhprang arai hte jaw ai shanhte a hpara sumla yawng hte shanhte nawku ai shara ni yawng hpe jahten sharun kau ya na rai myit dai.

TARA JAHPRANG 16:21

“Dai Madu nanhte a Karai Kasang a matu nanhte galaw da ai tawn hkungri makau e hpun hte galaw ai Ashera karai num a sumla hpe jung da lu na myit dai n rai.

TARA JAHPRANG 16:22

Hpara sumla nawku na nga, nlung shadaw shadun lu na n rai; dai Madu gaw dai ni hpe n dawng nga ai.

TARA JAHPRANG 7:25

Shanhte a hpara sumla ni hpe nat kau ya mu; dai ni hta kap ai ja, gumhpraw ni hpe la mayu ai myit hkum rawng myit; dai ni hpe nanhte a matu ngu nna hkum hta la myit. Dai hku nanhte galaw hkrup myit dai rai yang chyawm gaw dai Madu nan hpara sumla naw ai lai hpe n dawng nga ai majaw si ging ai ari hkrum sha na rai myit dai.

TARA JAHPRANG 9:21

Ngai gaw yubak amu ngu na nanhte galaw manit dai dai dumsu kasha sumla hpe la nna dai hpe wan kata de kabai bang kau we ai. Dai hpang dai hpe adaw achyen di abyen agrawp kau nhtawm ayun ayaw rai hkra adup mani kau ngut jang bum na lwi hkrat wa ai hka hta kabai bang kau we ai.