TARA JAHPRANG 7:4 - Jinghpaw Common Language Bible 2009

⁴ hpa majaw nga yang, dai Madu kaw na yit mat wa nhtawm kaga hpara shaje ni hpe nawku shangun na nga, nanhte a ma ni hpe shanhte lam shayit kau na mara ai. Dai hku byin wa ai rai yang, dai Madu nanhte hpe masin pawt nna akajawng sha shamyit kau na ra ai.

Jinghpaw Hanson Version Bible

⁴ Kaning rai nme law, Hpara shaje hpe nawku shangun lu hkra, shi na nsha hpe nye a lam hta na shayit na ru ai: shaloi Yehowa nanhte hpe pawt bu nna, akajawng sha nang hpe sat kau na ndai.

TARA JAHPRANG 7:4 ပူးပေါင်းရင်းမြစ်များ

1 HKAWHKAM 16:31

Hkawhkam Yeroboam zawn yubak galaw na shi a matu n ram dum nga wu ai; dai rai nna Sidon Hkawhkam Etbala a shayi sha Yezebela hpe hkungran la let Bala hpe nawku wu ai.

PRU MAT 20:5

Kaning re ai hpara sumla hpe mung hkum kadawng, hkum nawku et. Ngai gaw dai Madu na a Karai Kasang rai nga nngai majaw shingjawng kashun ai hpe ngai hkam sharang nngai n rai; ngai hpe n dawng n yawt ai amyu matu ni hpe ban masum mali du hkra ngai ari jaw nngai.

PRU MAT 34:16

Nanhte a shadang sha ni mung maigan num ni hpe la nhtawm ngai hta sadi n dung shangun ai hte shanhte a tara maigan hpara ni hpe woi nawku shangun na mara ai.

TARA JAHPRANG 20:18

Shanhte a hpara ni hpe nawku ai shaloi shanhte galaw ai matsat shabat lam nanhte hpe sharin ya nna dai Madu hpe yubak n galaw shut kau shangun myit ga, shanhte hpe shamyit kau na rai myit dai.

TARA JAHPRANG 4:26

Ngai gaw sumsing lamu hte ginding aga a mying gang let, nanhte hpe sakse hkam da made ga, nye a ga hpe nanhte n madat n hkan sa ai rai yang, kade n na yang, dai mungdan hta htum mat na rai myit dai. Yawdan hka rap nna nanhte shang madu la hkyen ai mungdan hta grai na hkra hkrung nga lu na myit dai n rai. Nanhte gaw tsep kawp shamyit kau ai hkrum na rai myit dai.

TARA JAHPRANG 6:15

Kaga karai shaje ni hpe nanhte nawku myit dai rai yang, nanhte hte rau anga nga ai dai Madu nanhte a Karai Kasang gaw shingjawng kashun ai hpe n hkam sharang lu ai majaw dai Madu a masin kahtet ai gaw wan zawn chyi nna, nanhte hpe atsai awai shamyit kau na rai wu ai.

YAWSHU 22:15

Rubin, Gad hte sinpraw hkran na Manashe amyu bawsang ni nga ai Gilead mung de shanhte sa mat wa nhtawm,

YAWSHU 23:12

Nanhte mahtang sadi n dung ai sha, dai ni du hkra nanhte hta naw ngam nga ai kaga amyu baw ni hte makyit mahkai let num la num ya rai myit yang chyawm gaw,

TARA AGYI 2:11

Dai hpang Israela amyu masha ni gaw dai Madu hpe yubak galaw shut kau nhtawm Bala hpara ni hpe daw jau hpang wa manu ai.

TARA AGYI 2:20

Shaloi dai Madu gaw Israela hpe pawt sindawng nna, “Ndai amyu masha ni gaw shanhte a kaji kawa ni hkan shatup na, ngai hkang da ai ga shaka hpe jahten sharun kau manu ai.

TARA AGYI 3:6

Shanhte gaw dai ni hte num jaw num ya hkat ai hte dinghku rawn sha nhtawm, dai ni a hpara ni hpe nawku nga ma ai.