TARA JAHPRANG 7:25 - Jinghpaw Common Language Bible 2009

²⁵ Shanhte a hpara sumla ni hpe nat kau ya mu; dai ni hta kap ai ja, gumhpraw ni hpe la mayu ai myit hkum rawng myit; dai ni hpe nanhte a matu ngu nna hkum hta la myit. Dai hku nanhte galaw hkrup myit dai rai yang chyawm gaw dai Madu nan hpara sumla naw ai lai hpe n dawng nga ai majaw si ging ai ari hkrum sha na rai myit dai.

Jinghpaw Hanson Version Bible

²⁵ Shanhte a tawk la ai sumla ni hpe nat kau ya mu: dai hta kap ai aja gumhpraw ni hpe hkum marit et; dai hpe hkum hta la et; hta la n-yang, dai gaw na a mahkam tai na ra ai: dai hpe na a Karai Kasang Yehowa matsat nga ai.

TARA JAHPRANG 7:25 ပူးပေါင်းရင်းမြစ်များ

2 HKAWHKAM 23:14

Yoshia gaw nlung shadaw ni hpe ayun ayaw di agrawp jahten kau nna, Ashera karai num a hkrang sumla ni hpe kran daw kau nhtawm dai ni hpe shadun da ai lamu ga hta si sai masha a nrut nra ni hte jahpring da nga ai.

1 HKAWHKAM LABAU 14:12

Hpilisti masha ni hprawng mat wa ai shaloi shanhte a hpara sumla ni hpe kau da mu ai rai nna dai ni hpe nat kau na, Dawi hkang da wu ai.

PRU MAT 20:17

“Kaga masha wa a nta hpe ra marit ai myit hkum rawng et. Shi a madu jan hpe mung, mayam num ni hpe mung, shi a dumsu hte lawze ni hpe mung, shi madu tawn ai arai hpa hpe mung hkum ra marit nga et.

PRU MAT 32:20

Shanhte galaw da ai dumsu usu hpe la nna dai hpe ju shabyawng nhtawm ayun ayaw rai hkra rin mani kau nna hka hte kayau kau ya wu ai. Dai hpang Israela masha ni hpe lu shangun wu ai.

PRU MAT 8:26

Mawshe mahtang, “Dai hku she galaw na rai yang gaw n jaw na re; Dai Madu anhte a Karai Kasang hpe nawng jau ai yam nga ni a majaw Egutu masha ni hpe shut kau na ga ai; dai yam nga ni hpe lang nna Egutu masha ni mu lu ai shara hta dai ni hpe hkungga nawng jau ga ai rai yang, Egutu masha ni hpe shut kau ai a majaw anhte hpe nlung hte kabai sat kau na mi ai.

ESAIA 30:22

Nanhte gaw gumhpraw hte sup ai hpara sumla ni hte ja hte sup ai hpara sumla ni hpe la nna matsat shabat arai zawn dai ni hpe kabai kau nna, “Nye a man kaw na pru mat wa mu!,” ngu nna jahtau tsun na rai myit dai.

ESAIA 41:24

Nang hte nanhte yawng galaw ai amu gaw kaman lila rai nga ai; nang hpe nawku ai ni mung matsat shabat rai nga a hka!

JAW JAU 13:52

Hkinjawng wa gaw dai hpe nat kau na rai wu ai; dai gaw nshu lamu ni hte hpra jawng nga ai majaw wan nat kau lu na rai nga ai.

JAW JAU 19:4

“Ngai hpe kau da nna hpara sumla hkum nawku myit; nhprang arai hte hpara sumla ni hpe hkum galaw myit; dai ni hpe hkum nawku myit. Ngai gaw dai Madu nanhte a Karai Kasang nan rai nga nngai.

ZEHPANI 1:3

shinggyim masha ni hte dusat yam nga ni yawng, ntsa malen u ni hte hka kata na nga ni hpe ngai jahten kau na we ai. Ngai gaw tara n lang ai ni a hkrat sum ai lam hpe shabyin dat na nngai. Ngai gaw shinggyim masha yawng mayawng hpe shamyit kau na we ai; asak hkrung nga ai ni kadai mung ngam nga lu na n rai, nga nna Madu ngai nan tsun ni ai.

TARA JAHPRANG 12:3

Shanhte a tawn hkungri ni hpe agrawp kau ya nna chyoi pra ai nlung shadaw ni hpe mung adawt mani kau ya mu. Shanhte a Ashera hpara num sumla hpe nat kau ya nhtawm dai shara ni hta shanhte galoi mung bai n nawku lu mat hkra shanhte a hpara sumla ni hpe kran daw kau ya mu.

TARA JAHPRANG 13:16

Dai mare e nga ai masha ni a sut rai yawng mayawng hpe magawn la nhtawm mare lam ka-ang hta sumpum da na rai myit dai. Dai hpang dai Madu nanhte a Karai Kasang hpe hkungga nawng ya ai zawn mare hte hpawn sut rai nlang hte hpe nat kau na rai myit dai. Dai mare gaw prat dingsa hten run mat nna galoi mung bai de lu na n rai.

TARA JAHPRANG 17:1

“Dai Madu nanhte a Karai Kasang hpe ra rawng ai dumsu shing n rai sagu nawng ya lu na n rai; shing re ai hpe dai Madu n ra sharawng nga ai.

TARA JAHPRANG 23:18

Dai zawn re ai amu galaw let lu ai gumhpraw hpe ga shaka shatup na nga, dai Madu nanhte a Karai Kasang a nta de shawn mai nga ai n rai. Dai Madu gaw htingnu shawa num shawa la amu galaw ai hpe matsat nga ai.

TARA JAHPRANG 27:15

“ ‘Dai Madu gaw hpara sumla nawku ai htung hpe n dawng nga ai rai nna, nlung, hpun hte nhprang arai ni hte tawk nhtawm dai hpe makoi magap nawku ai wa kadai mung Karai Kasang kaw na dagam dala hkrum wu ga law.’ “Shaloi Amyu masha ni yawng gaw, ‘Amen!,’ ngu nna htan na rai ma ai.

TARA JAHPRANG 7:16

Dai Madu nanhte a Karai Kasang nanhte a lata hta ap ya ai masha, amyu baw shagu hpe shamyit kau lu na rai myit dai. Shanhte hpe matsan yu dum ai myit loi mi mung madun dan lu na myit dai n rai. Shanhte a karai ni hpe hkum nawku myit, dai gaw si ging ai amu rai nga ai.

TARA JAHPRANG 7:5

Dai re ai majaw, shanhte a tawn hkungri ni hpe adawt agrawp kau ya mu; shanhte a chyoi pra ai nlung shadaw ni hpe adawt mani kau ya mu; shanhte a Ashera hpara num a masat kumla hpe kran daw kau ya mu; shanhte a hpara sumla ni nat kau ya mu.

YAWSHU 7:1

Dai Madu gaw Israela amyu masha ni hpe Yerihko mare na arai hpa mung n hta la ai sha jahten kau na matu hkang da wu ti mung, n madat ya ma ai. Ahkan mying ai wa mahtang dai hkang da ai ga hpe n madat wu ai rai nna dai Madu gaw Israela masha ni hpe ja ja masin pawt bu nga ai. (Ahkan gaw Yuda amyu bawsang daw chyen mi rai nga ai Zera lakung lama hte seng ai Zabdi a kashu, Hkarmi a kasha rai nga ai.)

YAWSHU 7:21

Anhte lu rim la ai arai ni hta tsawm ai Babelon ntsa palawng langai, gumhpraw pawng manga daram, pawng mi jan li ai ja tawng ni hpe mu nna grai yu ra ai hte la kau se ai. Dai arai ni hpe nye a sum kata na ga hta lup da we ai; gumhpraw hpe chyawm gaw htumpa e tawn da nngai,” ngu nna htan wu ai.

SHINGRAN 17:5

Shi a lahtan ntsa e, “Ga ntsa na shawa num ni yawng hte n hkru n kaja lam dam lam yit ai ni yawng a kanu, Galu Kaba ai Babelon mare,” nga nna makoi magap ai hte sung htum ai lachyum rawng ai mying langai mi ka da nga ai.