TARA JAHPRANG 7:24 - Jinghpaw Common Language Bible 2009

²⁴ Shi gaw shanhte a hkawhkam hpe mung, na a lata hta ap ya na ra ai rai nna, shanhte hpe sat kau lu nhtawm shanhte mung malap kau ai hkrum na mara ai. Masha shagu hpe nanhte shamyit kau lu na rai myit dai; kadai mung nanhte hpe jahkring da lu na ma ai n rai.

Jinghpaw Hanson Version Bible

²⁴ Shanhte a hkawhkam ni hpe mung na a lata hta ap kau nna, shanhte a nsang mying ni hpe pyi sumsing lamu npu na seng kau na rai nga ai: shanhte hpe n shamyit kau lu dingsa na aman e kadai tsap lu na n rai.

TARA JAHPRANG 7:24 ပူးပေါင်းရင်းမြစ်များ

SHAKAWN KUNGDAWN 9:5

Nang gaw tara maigan ni hpe daw dan nna, tara n lang ai ni hpe shamyit kau nit dai; shanhte hpe galoi mung dum sana n rai.

PRU MAT 17:14

Shaloi dai Madu gaw Mawshe hpe, “Ndai awng padang lam hpe ka da u; shaloi dai hpe adum nga na mara ai. Amalek masha ni hpe ngai tsep kawp shamyit kau na lam, Yawshu hpe tsun dan u,” ngu nna tsun wu ai.

GA SHAGAWP 10:7

Mai kaja ai masha ni gaw shaman chyeju langai zawn, matsing da ai hkrum nga ma ai; tara n lang ai masha ni chyawm gaw, loi hkring mi rai jang, malap kau ai hkrum na mara ai.

ESAIA 54:17

Rai ti mung hpyen laknak hpa mung nang hpe machyi shangun lu na n rai; nang gaw nang hpe mara shagun ai ni yawng a matu mahtai lu na ra ai. Ngai gaw nye a shangun ma ni hpe makawp maga nna shanhte hpe awng padang jaw na nngai.” Dai Madu tsun nu ai.

YEREMIA 10:11

(Sumsing lamu hte ginding aga hpe n hpan da ai hpara sumla ni gaw shamyit kau ai hkrum na mara ai. Shanhte gaw ginding aga ntsa, gara shara hta rai tim, loi hkring mi pyi nga lu na ra ai n rai, ngu nna nang shanhte hpe sa tsun lu na rai ndai.)

ZEHPANI 1:4

“Ngai gaw Yerusalem mare masha ni hte Yuda mung na amyu masha nlang ni hpe ari jaw na we ai. Ngai gaw Bala hpara nawku daw jau ai jahtum na masat dingsat kumla ni hte shi hpe daw jau nga ai maigan htung tara hkan ai hkinjawng ni hpe pyi, kadai n matsing mat lu hkra jahtum kau na mawe ai.

ROMA 8:37

Anhte hpe n jahka kau lu mi ai hta n ga, anhte hpe tsaw ra nga ai wa a majaw ndai mahkrum madup yawng hte hpe anhte awng padang tsep kawp lu ai ni rai ga ai.

1 KORINHTU 15:57

Rai ti mung Madu Yesu a jaw e, anhte hpe awng padang jaw ai Karai Kasang a chyeju chyawm gaw kaba la nga a hka!

TARA JAHPRANG 11:25

Dai Madu nanhte a Karai Kasang gaw nanhte du hkawm ai shara shagu hta masha amyu ni hpe hkrit gari shangun na rai wu ai; shi ga sadi tawn da sai hte maren, kadai mung nanhte hpe hkap shingdang lu na ma ai n rai.

TARA JAHPRANG 25:19

Dai re ai majaw dai Madu nanhte a Karai Kasang nanhte hpe jaw ai mungdan hta nanhte a grup yin hkan nga ai gumlau hpyen ni yawng a lata kaw na nanhte hpe sim sa shangun myit dai shaloi, Amalek masha ni yawng hpe teng teng sat kau lu na rai myit dai; Shanhte hpe kadai mung loi mi pyi dum lu sana n rai; dai hpe malap kau lu na myit dai n rai.

TARA JAHPRANG 29:20

Dai Madu gaw dai zawn re ai wa hpe mara dat ya na wu ai n rai; shing rai na malai, dai Madu a hkru nga ai pawt sindawng ai gaw shi a ntsa e grung nga nhtawm dai Madu shi hpe tsep kawp shamyit kau ai aten du hkra, ndai laika hta ka matsing da ai tsin-yam tsindam yawng mayawng shi a ntsa e ru bun na wu ai.

TARA JAHPRANG 9:14

Shanhte hpe galoi mung n dum mat hkra ngai shanhte hpe shamyit kau na myit shatawng nga nngai majaw ngai hpe hkap jahkring na hkum shakut et. Dai rai nna shanhte hta grau n-gun ja nna grau law htam ai amyu ngai nang hpe shatai na we ai,’ ngu nna tsun wu ai.

TARA JAHPRANG 9:3

Rai ti mung dai Madu nanhte a Karai Kasang gaw grung ai wan zawn nanhte a shawng e sa wa na rai nga ai hpe dai ni, nanhte nan mu lu na marin dai. Shi a ga sadi hte maren nanhte rawt lung wa myit yang, shi shanhte hpe dang kau na rai wu ai rai nna nanhte mung shanhte hpe gawt shapraw kau lu ai hte shanhte hpe alawan shamyit kau lu na rai myit dai.

YAWSHU 1:5

Yawshu e, nang ahkrung nga dingsa kadai mung nang hpe dang lu na ma ai n rai; ngai gaw Mawshe hte rau nga lai wa ai zawn nang hte mung rau nga nga na nngai. Ngai gaw nang hte tut nawng rau anga nga na nngai; ngai nang hpe galoi mung kau da na nngai n rai.

YAWSHU 10:23

Dai rai nna, ginlawng hku chyinghka hpaw nhtawm Yerusalem, Hebron, Yamut, Lahkisha hte Eglon hkawhkam ni hpe shapraw la nna Yawshu hpang de woi wa ya ma ai.

YAWSHU 10:40

Yawshu gaw mungdan ting ngu na bum ga na hkawhkam ni, sinpraw maga na kadit ni, sinna maga de na layang ni, dingdung maga de na hkun hkraw ai shara mahkra hpe gasat la wu ai. Shi gaw masha kadai hpe mung n ngam da ai sha sat kau wu ai; Ndai gaw dai Madu Israela a Karai Kasang hkang da ai hte maren galaw ai amu rai nga ai.

YAWSHU 10:42

Dai Madu Israela a Karai Kasang gaw Israela a matu gasat ya nga ai majaw, Yawshu gaw dai hkawhkam ni yawng hte shanhte a lamu ga ni hpe kalang dat gasat la lu wu ai.

YAWSHU 10:8

Dai Madu gaw Yawshu hpe, “Shanhte hpe hkum hkrit et; ngai nang hpe awng padang jaw ya sade ai. Shanhte hta na kadai mung nang hpe hkap daw lu na ma ai n rai,” ngu nna tsun wu ai.

YAWSHU 11:17

Dingda maga Edom mung makau na Halak bum kaw na Hermon Bum a dingda Lebanon Kadit du hkra mungdan hpe maden da nga ai. Yawshu gaw ndai mung na hkawhkam ni hte tsawmra mi na hkra majan gasat wu ai. Rai ti mung shi gaw shanhte yawng hpe gasat dang kau nna sat shamyit kau wu ai.

YAWSHU 12:24

Tiza mare ni rai nna, dai mare ni hta hkaw dung hkawhkam ni yawng sumshi langai rai nga ai.

YAWSHU 21:44

Shanhte a kaji kawa ni hpe ga sadi jaw da sai hte maren, mungdan ting hta ngwi pyaw sim sa nga na lam, dai Madu gaw shanhte hpe jaw nu ai. Dai Madu nan Israela kashu kasha ni shanhte a gumlau hpyen ni yawng hpe dang manga kau lu ai awng padang jaw ya nu ai majaw gumlau hpyen ni kadai mung n rawt tsap lu nga ma ai.

YAWSHU 23:3

Nanhte a majaw dai Madu nanhte a Karai Kasang ndai masha amyu baw ni yawng hta galaw dan nu ai lam magup hpe nanhte mu manit dai. Dai Madu nanhte a Karai Kasang gaw nanhte a matu gasat ya manit dai.

YAWSHU 23:9

Nanhte rawt lung wa myit yang, dai galu kaba nna daru magam n-gun rawng ai masha amyu baw ni hpe dai Madu shaden kau nu ai rai nna, kadai mung nanhte a man e galoi mung rawt tsap lu ma ai n rai.

YAWSHU 6:2

Dai Madu gaw Yawshu hpe, “Yerihko mare hpe mung, de a hkawhkam hte n-gun ja ai share shagan ni hpe mung na a lata hta ngai ap ya sade ai.