TARA JAHPRANG 7:2 - Jinghpaw Common Language Bible 2009

² Dai Madu nanhte a Karai Kasang gaw dai masha ni hpe nanhte a lata de ap ya nna nanhte dang kau myit dai shaloi, shanhte yawng hpe sat kau na rai myit dai; shanhte hte mung jinghku galaw lu na myit dai n rai; matsan yu dum ai kumla hpa mung madun dan lu na myit dai n rai.

Jinghpaw Hanson Version Bible

² na lata de ap ya ndai shaloi, shanhte hpe atsai awai sat kau na rai myit dai: shanhte hte ga shaka nang tawn da lu na n rai; matsan dum ai myit mung madun lu na n rai:

TARA JAHPRANG 7:2 ပူးပေါင်းရင်းမြစ်များ

NINGPAWT NINGHPANG 14:20

Na a gumlau hpyen ni a ntsa e, nang hpe awng padang jaw ya ai dai Tsaw Htum ai Karai Kasang gaw a nga u ga law!,” nga nna tsun ai. Abram mung shi lu la sai arai mahkra a htam shi hta na htam mi hpe Melhkizedek a lata hta jaw ya wu ai.

2 SAMUELA 21:2

(Gibeon masha ni gaw Israela masha ni n rai ma ai. Shanhte gaw Israela masha ni e makawp maga la na matu ga sadi jaw da hkrum ai Amori masha ni hta na amyu kaji ni sha rai nga ma ai; rai ti mung Shawlu mahtang Israela hte Yuda masha ni a akyu matu grau myit sharawng wu ai majaw shanhte hpe jahten shabyak kau na maw wu ai.)

1 HKAWHKAM 20:34

Benhadad gaw shi hpe, “Nye wa gaw na nwa kaw na kashun la ai mare ni hpe ngai bai jaw na de ai; nye wa gaw Samari mare hta dut lu dut sha shara masat da ya ai zawn nang hkum nan mung Damasku mare e shara langai masat da mai nga ndai,” ngu nna tsun wu ai. Ahab gaw, “Ndai ga shaka ni hte ngai nang hpe shalawt dat na de ai,” ngu nna tsun htan wu ai. Shing rai shi hpe ga shaka tawn da nna shi hpe dat dat wu ai.

EZRA 10:3

Ya chyawm gaw, ndai numsha ni hte shanhte a kashu kasha ni hpe anhte kau tawn da na saga ai ngu, anhte a Karai Kasang hpe ga sadi langai shaka da lu na rai ga ai. Nang mung, Karai Kasang a hkang da ai ga ni hpe shagrau sha-a ai kaga masha ni mung, anhte galaw na matu hpaji jaw mi ai hte maren anhte galaw na ga ai. Karai Kasang hkang da ai Tara hte maren anhte galaw na ga ai.

SHAKAWN KUNGDAWN 106:34

Shanhte gaw maigan amyu masha ni hpe sat shamyit kau na matu, Madu shanhte hpe hkang da sai ga hpe n hkan shatup ai sha n ga,

PRU MAT 22:20

“Dai Madu Ngai hta lai nna hpara shaje hpe shagu hkungga nawng jau ai wa kadai mung si ari daw dan ai hkrum na rai wu ai.

BU HKAWM 21:2

Dai hpang Israela amyu masha ni dai Madu hpe, “Ndai masha ni hpe dang shangun mi ai rai yang, shanhte hte shanhte a mare ni hpe nang Madu kaw ap ya nna, la hpa shara n nga mat hkra akrin atsai jahten kau na ga ai,” ngu nna dagam ma ai.

BU HKAWM 31:17

Lasha shagu hpe mung, la hte kanawn yu sai numsha shagu hpe mung ya jang sat kau mu;

BU HKAWM 33:52

dai mung e nga nga ai masha ni yawng hpe nanhte gawt shapraw kau lu na rai myit dai. Nlung hte tawk nna nhprang arai hte jaw ai shanhte a hpara sumla yawng hte shanhte nawku ai shara ni yawng hpe jahten sharun kau ya na rai myit dai.

TARA JAHPRANG 13:8

Rai ti mung shi hpe nang gunglau shangun lu na n rai; shi tsun ai ga hpe pyi hkum madat ya nga et. Shi hpe yu matsan dum ai hte lahpawt ai myit hkum madun et; shi hpe hkum maga, hkum makawp la et.

TARA JAHPRANG 13:9

Shi hpe sat kau u! Nang shawng shi hpe nlung hte kabai u; dai hpang kaga gale ni mung kabai mu ga.

TARA JAHPRANG 19:13

Shi hpe matsan yu dum ai myit madun lu na n rai; nanhte ngamu ngamai wa malit ga, dai zawn masha sat ai amu Israela kaw na yeng seng kau lu na rai myit dai.

TARA JAHPRANG 2:33

rai ti mung dai Madu anhte a Karai Kasang chyawm gaw anhte a lata hta shi hpe ap ya mi ai majaw shi hpe mung, shi a shadang sha ni hte shi a masha ni yawng hpe anhte sat kau lu ga ai.

TARA JAHPRANG 2:34

Dai shaloi e nan, anhte gaw mare nga manga ni kashun la nhtawm jahten kau ya ga ai; lasha, numsha hte ma kaji ni yawng hpe mung sat kau ga ai rai nna hkrung nga ai masha langai mi hpe mung n ngam da ga ai.

TARA JAHPRANG 23:14

Nanhte hpe makawp maga la nhtawm gumlau hpyen ni a ntsa awng padang hkam la shangun na nga, dai Madu nanhte a Karai Kasang gaw nanhte a dap e, nanhte hte rau nga nga ai majaw nanhte a hpyen dap san seng nga na rai malit dai. Dai Madu nanhte hpe bai n kayin koi kau u ga, matsat shabat re ai lam magup hpe hkum galaw nga myit.

TARA JAHPRANG 25:12

shi hpe matsan n yu dum ai sha shi a lata daw kau ya na rai ndai.

TARA JAHPRANG 3:3

Dai rai nna dai Madu mung Hkawhkam Oga hte shi a masha ni hpe anhte a lata hta ap ya mi ai rai nna shanhte yawng hpe anhte sat kau saga ai.

TARA JAHPRANG 31:5

Dai Madu gaw shanhte hpe dang kau na awng padang nanhte hpe jaw ya na rai nna, ngai nanhte hpe tsun da ni ai hte maren, shanhte hpe ten tup gasat dang kau na marin dai.

TARA JAHPRANG 33:27

Karai Kasang gaw chyi nma, pri npra kaw na na a Dahpran shara rai nga ai; shi a htani htana na lata lahpum gaw nang hpe shadaw ya nga ai. Nanhte a shawng e shi lung wa nna, gumlau hpyen ni yawng hpe jahten shabyak kau mu nga, tsun let nanhte a hpyen ni hpe shi gawt shapraw kau wu ai.

TARA JAHPRANG 7:16

Dai Madu nanhte a Karai Kasang nanhte a lata hta ap ya ai masha, amyu baw shagu hpe shamyit kau lu na rai myit dai. Shanhte hpe matsan yu dum ai myit loi mi mung madun dan lu na myit dai n rai. Shanhte a karai ni hpe hkum nawku myit, dai gaw si ging ai amu rai nga ai.

TARA JAHPRANG 9:3

Rai ti mung dai Madu nanhte a Karai Kasang gaw grung ai wan zawn nanhte a shawng e sa wa na rai nga ai hpe dai ni, nanhte nan mu lu na marin dai. Shi a ga sadi hte maren nanhte rawt lung wa myit yang, shi shanhte hpe dang kau na rai wu ai rai nna nanhte mung shanhte hpe gawt shapraw kau lu ai hte shanhte hpe alawan shamyit kau lu na rai myit dai.

YAWSHU 10:28

Dai shani jang, Yawshu gaw Makeda mare hte de a hkawhkam hpe gasat la wu ai rai nna mare e nga ai masha shagu hte hpe shi sat kau wu ai majaw, hkrung nga ai masha langai mi mung n ngam nga ai. Shi gaw Yerihko hkawhkam wa hpe shagrawt kau wu ai zawn Makeda hkawhkam wa hpe mung shagrawt kau wu ai.

YAWSHU 10:30

Dai Madu gaw mare dai hte hkawhkam wa hpe Israela masha ni a lata hta awng padang jaw ya mu ai rai nna dai mare na masha langai mi hpe mung n ngam da ai sha sat kau mu ai. Yerihko hkawhkam wa hpe shagrawt kau ai zawn dai hkawhkam wa hpe mung shagrawt kau mu ai.

YAWSHU 10:32

Dai Madu gaw Lahkisha mare hpe mung, Israela amyu masha ni a lata hta awng padang jaw ya wu ai rai nna hpang shani e dang la kau ma ai. Libna mare hpe hpya kau ma ai zawn dai mare na masha langai mi pyi n ngam mat hkra sat shamyit kau ma ai.

YAWSHU 10:40

Yawshu gaw mungdan ting ngu na bum ga na hkawhkam ni, sinpraw maga na kadit ni, sinna maga de na layang ni, dingdung maga de na hkun hkraw ai shara mahkra hpe gasat la wu ai. Shi gaw masha kadai hpe mung n ngam da ai sha sat kau wu ai; Ndai gaw dai Madu Israela a Karai Kasang hkang da ai hte maren galaw ai amu rai nga ai.

YAWSHU 10:42

Dai Madu Israela a Karai Kasang gaw Israela a matu gasat ya nga ai majaw, Yawshu gaw dai hkawhkam ni yawng hte shanhte a lamu ga ni hpe kalang dat gasat la lu wu ai.

YAWSHU 11:8

Dai Madu mung shanhte hpe Israela masha ni a lata de ap ya nna awng padang jaw ya wu ai rai nna, Israela ni mung shanhte hpe dingdung maga Misrehpot Ma-in hte Sidon du hkra mung, sinpraw maga Mizpa Kadit du hkra mung hkan shachyut gasat ma ai. Gumlau hpyen langai mung n ngam mat hkra matut gasat nga ai.

YAWSHU 2:14

Dai yan mung numsha hpe, “An tsun ai hte maren n galaw shatup ai rai yang, Karai Kasang an a asak dawm la kau ya u ga! An galaw ai amu kadai hpe mung nang n shabrawng ai rai yang, dai Madu anhte hpe ndai mungdan jaw ya mi ai shaloi, na a ngamu ngamai lam hpe an chyeju htang lu na ga ai, ngu nang hpe ga sadi jaw ga ai,” ngu nna tsun ma ai.

YAWSHU 21:44

Shanhte a kaji kawa ni hpe ga sadi jaw da sai hte maren, mungdan ting hta ngwi pyaw sim sa nga na lam, dai Madu gaw shanhte hpe jaw nu ai. Dai Madu nan Israela kashu kasha ni shanhte a gumlau hpyen ni yawng hpe dang manga kau lu ai awng padang jaw ya nu ai majaw gumlau hpyen ni kadai mung n rawt tsap lu nga ma ai.

YAWSHU 8:24

Israela amyu masha ni gaw shanhte hpe prang yang hkan hkan shachyut ai gumlau hpyen shagu hpe sat kau ma ai. Shanhte Ai mare de bai nhtang gasat nna dai yang na masha shagu hte hpe sat kau ma ai.

YAWSHU 9:24

Shanhte gaw, “Madu e, nanhte shang wa myit yang, nanhte hpe ndai mungdan ting jaw kau nna, dai mung hta nga ai masha amyu ni hpe sat shamyit kau na nga, dai Madu na a Karai Kasang shi a shangun kasa Mawshe hpe hkang da nu ai gaw teng sha wa teng nga ai hpe anhte chye ga ai majaw dai hku anhte galaw kau saga ai. Dai sha n-ga, anhte a asak a matu hkrit tsang ai hte nanhte hpe hkrit gari nga ga ai majaw dai hku galaw kau saga ai.

YAWSHU 9:7

Rai ti mung Israela amyu masha ni mahtang, “Nanhte hte anhte hpa lam ni a majaw ga shaka tawn da na rai nga ga ni? Nanhte ndai ani sha hkan nga sam ang nga myit dai,” ngu nna tsun mu ai.

TARA AGYI 1:24

dai wa hpe, “Mare kata de kaning rai shang lu na lam anhte hpe madun dan mi; shaloi nang hpe anhte n machyi shangun na ga ai,” ngu nna tsun ma ai.

TARA AGYI 1:4

Yuda amyu bawsang ni majan pa de rau rawt sa wa ma ai. Dai Madu gaw Hkanani hte Perizi masha ni hpe gasat dang kau na awng padang shanhte hpe jaw wu ai rai nna Bezek mare e masha mun mi hpe gasat kau ma ai.

TARA AGYI 2:2

Nanhte mung ndai mung e nga ai masha amyu ni hte ga shaka hpa mung tawn da lu na myit dai n rai. Nanhte gaw shanhte a tawn hkungri ni hpe hpya kadawng kau ya na rai myit dai,’ ngu nna tsun wu ai. Rai ti mung nanhte gaw ngai tsun matsun ai hku n galaw nga myit dai. Nanhte mahtang nhtan shai ai hku sha agalaw nga myit dai!