TARA JAHPRANG 7:19 - Jinghpaw Common Language Bible 2009

¹⁹ Dai Madu nanhte a Karai Kasang gaw nanhte nan myi hte chyaw mu manit dai, dai hkrit hpa ana zinli ni hte mauhpa lamik kumla ni hpe galu kaba ai daru magam n-gun atsam hte nanhte hpe shalawt dat manit dai hpe adum nga mu. Egutu masha ni hpe shi jahten kau nu ai hte maren, ya nanhte hkrit nga myit dai ndai masha amyu ni yawng hpe mung shi jahten kau na ra ai.

Jinghpaw Hanson Version Bible

¹⁹ na a Karai Kasang Yehowa nang hpe shaw woi wa ai shaloi na, shi madun ai lamik kumla, mauhpa lam ni hte shi a n-gun ja ai lata, shada nga ai lahpum hpe azin ayang dum nga na rai ndai: dai zawn, nang hkrit ai amyu yawng hte hta na a Karai Kasang Yehowa di ya na ru ai.

TARA JAHPRANG 7:19 ပူးပေါင်းရင်းမြစ်များ

SHAKAWN KUNGDAWN 136:12

Shi a n-gun ja ai lata, daru magam n-gun hte hpring ai lahpum ni hte, shanhte hpe woi wa nu ai; shi a tsaw ra myit htani htana agrin nga ai.

SHAKAWN KUNGDAWN 44:4

Nang gaw nye a hkawhkam wa hte nye a Karai Kasang rai nga ndai; na a amyu masha ni hpe awng padang nang jaw ya nga ai rai nna,

SHAKAWN KUNGDAWN 77:12

Nang galaw dan lai wa sai lam yawng hte hpe ngai myit yu nga na nngai; na a grau htum ai magam amu ni hpe ngai myit aru yu nga na nngai.

PRU MAT 6:6

Dai rai nna ngai gaw shanhte hpe, ‘Ngai gaw dai Madu rai nga nngai majaw nanhte hpe hkrang shaw la ai hte Egutu masha ni yam sha ai mayam prat kaw na shalawt dat na made ai. Shanhte a ntsa e mung, hkrit hpa ari kaba shapraw na matu nye a n-gun rawng ai lahpum hpe sharawt tawn nna nanhte hpe hkye hkrang la na nngai.

TARA JAHPRANG 29:3

Dai Madu galaw dan sai hkrit hpa htawkdang ana, lamik kumla hte mauhpa amu kaba ni hpe nanhte mu manit dai.

TARA JAHPRANG 3:21

“Dai hpang Yawshu hpe ngai matsun ni ai: ‘Dai Madu na a Karai Kasang gaw ndai Sihon hte Oga hkawhkam lahkawng yan hta galaw dan sai lam yawng mayawng hpe nang mu nit dai; nang shang gasat na lamu ga na masha shagu hte hpe mung dai hte maren shi galaw na ra ai.

TARA JAHPRANG 4:34

Dai Madu nanhte a Karai Kasang gaw nanhte a matu Egutu mung hta e galaw dan manit dai zawn kaga amyu baw hta na amyu masha ni hpe woi la nhtawm shi a amyu masha shatai la gwi ai hpara shaje nga nga yu sani? Shi gaw nanhte a man e shi a daru magam n-gun hte atsam marai hpe lang nhtawm ana zinli hte hpyen majan, mauhpa lamik kumla hte hkrit hpa amu ni hpe shapraw dan nu ai.

YAWSHU 10:25

Dai hpang Yawshu gaw shi a du salang ni hpe, “Hkum hkrit nga myit, myit hkum daw nga myit. Dai Madu gaw nanhte a gumlau hpyen ni yawng hpe ning rai galaw na rai nga ai majaw myit jahkut daw dan nna kam hpa nga mu,” ngu nna tsun wu ai.

YAWSHU 24:17

Dai Madu anhte a Karai Kasang gaw anhte hte anhte a kawa ni hpe Egutu mung e mayam tai nga ai kaw na woi shapraw wa mani ai rai nna, shi galaw dan sai mauhpa lamik kumla ni hpe anhte mu saga ai. Dai rai nna amyu baw ni yawng a man e anhte lai hkawm ai shara shagu hkan shi anhte hpe shim lum ai hte makawp maga da mi ai.

YAWSHU 3:10

Nanhte rawt lung wa myit yang, shi gaw Hkanani, Hiti, Hiwi, Perizi, Girgashi, Amori hte Yebusi masha ni hpe teng teng gawt shapraw kau na rai wu ai. Ahkrung nga ai Karai Kasang gaw nanhte hte rau rai nga ai hpe nanhte chye lu na rai myit dai.