TARA JAHPRANG 7:17 - Jinghpaw Common Language Bible 2009

¹⁷ “Ndai masha amyu ni nanhte hta grau law ai mi, shanhte hpe kaning di gawt shapraw kau lu na rai a hka!, nga nna nanhte nan hkum tsun myit.

Jinghpaw Hanson Version Bible

¹⁷ ‘Wora amyu ni ngai hta grau law nga ma ai mi, ngai shanhte hpe kaning di dang lu na i?’ nga nna na a kraw e myit la let, shanhte hpe hkum hkrit nga et:

TARA JAHPRANG 7:17 ပူးပေါင်းရင်းမြစ်များ

ESAIA 14:13

Nang gaw sumsing lamu de lung nna tsaw htum ai shagan ni a ntsa e na a tingnyang tawn da na matu, myit daw dan da nit dai. Nang gaw karai ni zup hpawng ai dingdung maga na dai bum ntsa hta e hkawhkam langai zawn dung lu na hpe myit yu nit dai.

ESAIA 47:8

“Pyaw daw kadaw ai hpe tsaw ra ai wa e, ndai lam madat u, nang gaw shim nga nngai ngu nna myit nga ndai. Nang gaw Karai Kasang zawn galu kaba nna, nang zawn re ai wa mi kadai n nga nga ai, nga nna tsun ndai. Nang gaw gaida jan langai zawn galoi mung byin na n rai, na a kashu kasha ni mat mat ai nni nkri hpe galoi mung hkam sha na n rai, nga nna nang myit nawn la nga ndai.

ESAIA 49:21

Dai hpang nang gaw tinang kraw e, ‘Nye a matu ndai ma kaji ni yawng hpe kadai shangai ya nga a ni? Ngai gaw ma ni hpe shamat kau ni ai, kaga mi n lu jat lu na sai. Ngai gaw bawng dung hkrum ai hte gawt kau ai hkrum ni ai- kadai wa ndai ma ni hpe bau kaba dat nga ai kun? Ngai chyu sha nga ai aten hta ndai ma ni gara shara kaw na du sa wa nga ma ni?,’” ngu nna tsun na rin dai.

YEREMIA 13:22

Ndai lam ni yawng nang hta hpa majaw byin a ta? Hpa majaw na a hpun palawng ni gang je kau hkrum ai hte roi rip hkrum nga ndai kun?, nga nna nang san ai rai yang, dai lam gaw grai hkrit tsang ra ai na a yubak a majaw rai nga ai.

BU HKAWM 13:32

Dai rai nna shanhte gaw shanhte hkan yu maram da sai mungdan hte seng nna Israela masha ni a lapran hta n teng ai shiga hpe shamawng dat ma ai. Shanhte gaw, “Dai mungdan hta nga nga ai masha ni sha na lusha pyi dai mung kaw nna alaw alam shapraw ya lu nga ai n rai. Anhte mu kau da sai masha shagu mung hkum hkrang grai galu kaba nga ma ai hte

BU HKAWM 21:34

Dai Madu gaw Mawshe hpe, “Shi hpe hkum hkrit et; shi hte shi a masha yawng hpe mung, shi a lamu ga hpe mung dang la kau na ahkang nang hpe ngai jaw na de ai. Heshbon mare na Amori Hkawhkam Sihon hpe shamyit kau ai zawn shi hpe mung shamyit kau na rai ndai,” ngu nna tsun wu ai.

BU HKAWM 33:53

Nanhte hpe dai mungdan ngai jaw ya nga nngai majaw, dai hpe madu la nna dai mung e nga nga manu.

LUKA 9:47

Yesu gaw, shanhte hpa myit mang nga ai hpe chye ya ai majaw, ma kaji langai mi hpe shaga la nna, shi a makau e shatsap tawn da nhtawm,

TARA JAHPRANG 1:28

Anhte dai de hpa majaw lung wa na rai nga ga ta? Anhte hkrit ga ai. Anhte shangun dat ai masha ni mung dai mung na masha ni anhte hta grau n-gun ja ai hte hkum shingyan mung tsaw ma ai; shanhte gaw lamu dep bunghku hte kum da ai mare ni hta rawng nga ma ai. Shanhte gaw dai mung na grai galu kaba ai masha ni hpe mu ma ai!,’ nga nna tsun dan let shada da aput myit dai.

TARA JAHPRANG 15:9

Jaw ra ai hka ni hpe shaprai kau ya ai shaning ladaw du wa magang ra ai majaw arai lama ma shi hpe hkoi shap ya na matu lit hkum li dum myit. Dai zawn re ai n hkru n shawp ai myit mang lam nanhte a kraw hta hkum rawng shangun nga myit. Shi hpe hkoi shap ya na matu nanhte ningdang kau ai rai yang, dai Madu hpe shi jahtau shaga ai majaw mara jaw hkrum na rai myit dai.

TARA JAHPRANG 18:21

“Dai myihtoi ga gaw dai Madu a mungga n rai nga ai hpe nanhte chye lu myit dai shaloi mau kajawng mat na rai myit dai.

TARA JAHPRANG 8:17

Dai rai nna nanhte a n-gun hte marai a jaw e, ndai sut gan lu la ga ai, nga nna nanhte galoi mung myit nawn la lu na myit dai n rai.

YAWSHU 23:3

Nanhte a majaw dai Madu nanhte a Karai Kasang ndai masha amyu baw ni yawng hta galaw dan nu ai lam magup hpe nanhte mu manit dai. Dai Madu nanhte a Karai Kasang gaw nanhte a matu gasat ya manit dai.