TARA JAHPRANG 7:16 - Jinghpaw Common Language Bible 2009

¹⁶ Dai Madu nanhte a Karai Kasang nanhte a lata hta ap ya ai masha, amyu baw shagu hpe shamyit kau lu na rai myit dai. Shanhte hpe matsan yu dum ai myit loi mi mung madun dan lu na myit dai n rai. Shanhte a karai ni hpe hkum nawku myit, dai gaw si ging ai amu rai nga ai.

Jinghpaw Hanson Version Bible

¹⁶ Na a Karai Kasang Yehowa nang hpe ap ya ai masha amyu nlang hte hpe sha kau lu na rai ndai; na a myi gaw shanhte hpe matsan dum lu na n rai; shanhte a Hpara ni hpe mung nang jaw jau lu na n rai; jaw jau n yang, dai gaw na a mahkam tai na ra ai.

TARA JAHPRANG 7:16 ပူးပေါင်းရင်းမြစ်များ

SHAKAWN KUNGDAWN 106:34

Shanhte gaw maigan amyu masha ni hpe sat shamyit kau na matu, Madu shanhte hpe hkang da sai ga hpe n hkan shatup ai sha n ga,

SHAKAWN KUNGDAWN 106:36

Karai Kasang a amyu masha ni gaw hpara sumla ni hpe nawku daw jau mu ai, dai gaw shanhte byak ai lam hpe shabyin ya nga sai.

PRU MAT 23:33

Na a mung hta dai masha amyu ni hpe nga shangun lu na n rai; nang nga shangun ai rai yang, ngai hte nhtan shai ai yubak shanhte nang hpe galaw shangun na mara ai. Shanhte a hpara ni hpe nang nawku ai rai yang, dai gaw na a matu si shangun lu ai mahkam tai na ra ai,” ngu nna tsun wu ai.

YEREMIA 21:7

Rai ti mung, nang hte na a mung du salang ni majan, hkuwa hte ana zinli kaw nna lawt lu ti mung, naw ngam nga ai nanhte hte ndai mare na amyu masha ni gaw Hkawhkam Nebuhkadneza hte nang hpe sat kau na matu ra sharawng nga ai na a gumlau hpyen ni a lata hta nanhte yawng hpe ngai ap kau na we ai. Nebuhkadneza mung nang hpe sat kau na ra ai. Shi gaw nanhte langai mi hpe mung ngam da na ra ai n rai, matsan yu dum na ra ai n rai, nanhte kadai hpe rai tim myit yu machyi na ra ai n rai. Dai Madu ngai nan tsun ni ai.”

BU HKAWM 33:55

Rai ti mung dai mung hta nga ai masha ni hpe nanhte n gawt shapraw kau ai rai yang, naw ngam nga ai ni mahtang nanhte a myi ni hta maza mala zawn, nanhte a garep ni hta ju shingna zawn sharu shatsang ai hte nhtang gasat na mara ai.

1 KORINHTU 15:33

Nanhte lam hkum dam myit, “N kaja ai kanawn manang ni gaw kaja ai arawn alai hpe jahten ma ai.”

TARA JAHPRANG 13:8

Rai ti mung shi hpe nang gunglau shangun lu na n rai; shi tsun ai ga hpe pyi hkum madat ya nga et. Shi hpe yu matsan dum ai hte lahpawt ai myit hkum madun et; shi hpe hkum maga, hkum makawp la et.

TARA JAHPRANG 13:9

Shi hpe sat kau u! Nang shawng shi hpe nlung hte kabai u; dai hpang kaga gale ni mung kabai mu ga.

TARA JAHPRANG 19:13

Shi hpe matsan yu dum ai myit madun lu na n rai; nanhte ngamu ngamai wa malit ga, dai zawn masha sat ai amu Israela kaw na yeng seng kau lu na rai myit dai.

TARA JAHPRANG 19:21

Shing re ai amu ni hta, matsan dum ai myit madun lu na myit dai n rai; shing re ai amu hta asak a matu asak, myi a matu myi, wa a matu wa, lata a matu lata, lagaw a matu lagaw, ari jaw na rai nga ai.

TARA JAHPRANG 25:12

shi hpe matsan n yu dum ai sha shi a lata daw kau ya na rai ndai.

TARA JAHPRANG 7:2

Dai Madu nanhte a Karai Kasang gaw dai masha ni hpe nanhte a lata de ap ya nna nanhte dang kau myit dai shaloi, shanhte yawng hpe sat kau na rai myit dai; shanhte hte mung jinghku galaw lu na myit dai n rai; matsan yu dum ai kumla hpa mung madun dan lu na myit dai n rai.

TARA JAHPRANG 7:25

Shanhte a hpara sumla ni hpe nat kau ya mu; dai ni hta kap ai ja, gumhpraw ni hpe la mayu ai myit hkum rawng myit; dai ni hpe nanhte a matu ngu nna hkum hta la myit. Dai hku nanhte galaw hkrup myit dai rai yang chyawm gaw dai Madu nan hpara sumla naw ai lai hpe n dawng nga ai majaw si ging ai ari hkrum sha na rai myit dai.

YAWSHU 11:20

Israela amyu masha ni hpe hkap gasat gwi hkra dai Madu shanhte hpe daw dan shangun wu ai. Shaloi shanhte mahtang atsai awai jahten sharun kau na matu daw dan ai hkrum nna matsan dum myit n rawng ai sha shanhte yawng sat kau ai hkrum na rai ma ai. Ndai gaw dai Madu Mawshe hpe hkang da ai hte maren rai nga ai.

TARA AGYI 2:12

Egutu mung na shanhte hpe woi wa ai Karai Kasang, dai Madu shanhte a kaji kawa ni a Karai Kasang hpe nawku ai lam shanhte kau da nna grup yin na masha amyu ni a hpara ni hpang de hkan mat wa nhtawm, dai ni hpe nawku gum dagup ai hte dai Madu hpe pawt sindawng shangun ma ai.

TARA AGYI 2:3

Dai rai nna nanhte rawt lung wa myit yang, dai masha amyu ni hpe ngai n gawt shapraw kau ya sana, ngu ya nanhte hpe ngai tsun made ai. Shing rai shanhte gaw nanhte a gumlau hpyen tai nhtawm, shanhte a hpara ni hpe nawku wa hkra mahkam hkam hkrum na rai myit dai,” ngu nna tsun wu ai.

TARA AGYI 3:6

Shanhte gaw dai ni hte num jaw num ya hkat ai hte dinghku rawn sha nhtawm, dai ni a hpara ni hpe nawku nga ma ai.

TARA AGYI 8:27

Gidon gaw aja arai hte hpara sumla galaw nhtawm shi a daidaw bu ga Ohpra mare e dai hpe tawn da wu ai. Israela masha ni gaw Karai Kasang hpe kau da nhtawm dai yang na hpara sumla hpe sa nawku ma ai. Dai gaw Gidon hte shi a dinghku masha ni a matu mahkam tai nga malu ai.