TARA JAHPRANG 7:10 - Jinghpaw Common Language Bible 2009

¹⁰ rai ti mung shi hpe n dawng n yawt ai ni hpe chyawm gaw dai shaloi jang ari jaw na rai wu ai.

Jinghpaw Hanson Version Bible

¹⁰ shi hpe n dawng ai ni e gaw jahten kau na nga, shanhte a man pa ari jaw ai Karai Wa rai nga ai: shi hpe n dawng ai wa e agam ai myit n rawng ai sha, dai wa hpe man pa ari jaw na wu ai.

TARA JAHPRANG 7:10 ပူးပေါင်းရင်းမြစ်များ

PRU MAT 20:5

Kaning re ai hpara sumla hpe mung hkum kadawng, hkum nawku et. Ngai gaw dai Madu na a Karai Kasang rai nga nngai majaw shingjawng kashun ai hpe ngai hkam sharang nngai n rai; ngai hpe n dawng n yawt ai amyu matu ni hpe ban masum mali du hkra ngai ari jaw nngai.

PRU MAT 34:7

Ngai gaw nye a ga sadi hpe prat ban hkying mun du hkra shadik shatup nna n hkru ai amu hte yubak mara ni hpe raw dat kau ya nga nngai; rai ti mung, kashu kasha ni hpe chyawm gaw shanhte a kanu kawa ni shut hpyit kau ai yubak mara ni a majaw prat ban masum mali du hkra ari n jaw ai nga na n rai,” ngu nna tsun wu ai.

GA SHAGAWP 11:31

Mai kaja ai masha ni gaw ndai dinghta ga ntsa e, shagrau ai hpe hkam la lu nga ai; tara n lang ai ni hte yubak kap ai masha ni chyawm gaw ari hkrum na mara ai lam, nang hkrak chye lu na ndai.

ESAIA 59:18

Shi gaw shi a gumlau hpyen ni hpe shanhte galaw sai amu hte maren ari jaw na ra ai, sumtsan mungdan hkan nga ai ni hpe du hkra pyi ari jaw na ra ai.

YEREMIA 32:18

Nang gaw masha hkying mun ni hpe dinggrin tsaw ra myit madun dan ti mung, shanhte a kanu kawa ni a shut hpyit ai yubak ni a majaw amyu masha ni hpe mung, ari jaw nga ndai. Nang gaw galu kaba ai hte daru magam n-gun rawng ai Karai Kasang rai nga ndai; nang gaw Chyahtum Chyalai N-gun Rawng ai Madu rai nga ndai.

NAHUM 1:2

Madu Karai Kasang gaw shingjawng kashun ai amu hpe hkam sharang ai n rai; shi gaw shi hte ninghtan shai ai ni hpe ari jaw nga ai. Shi a masin kahtet ai a majaw, shanhte hpe matai htang nga ai.

BU HKAWM 10:35

Dai Ga Shaka Sumpu rawt pru wa na rai jang, Mawshe gaw, “Madu e, rawt u, na a gumlau hpyen ni hpe shabra kau nna nang hpe n dawng ai ni hpe jahtaw kau u law!,” ngu nna tsun wu ai.

BU HKAWM 14:18

tsaw ra myit kaba hte sadi sahka ai hpe madun dan nhtawm yubak mara hte tara tawt nna gumlang ai lam hpe mara dat ya ai wa rai nga nngai. Rai ti mung kanu kawa ni shut kau ai yubak mara a majaw shanhte a kashu kasha ni hpe ban masum, ban mali du hkra ari n jaw ai sha nga na nngai n rai,’ ngu nna tsun nit dai.

ROMA 12:19

Tsaw ra ai ni e, galoi mung tinang nan matai hkum htang mu, Karai Kasang mahtang she dai matai htang ai lam galaw u ga. Hpa majaw nga yang Chyum Laika hta Karai Kasang gaw, “Ngai matai htang na nngai, mara hte maren ngai htang jaw na nngai,” nga nna ka da nga ai.

TARA JAHPRANG 32:25

Hpyen majan gaw nmaw lam ni hta si hkrung si htan shabyin nna; hkrit kajawng hpa gaw dum nta ni hta adup hkra na ra ai. Mahkawn hte shabrang ni si htum mat nna; chyu chyu ai ma chyangai ni hte dingla baw hpraw ni pyi lawt lu na mara ai n rai.

TARA JAHPRANG 32:35

Dai Madu gaw shanhte hpe matai htang nna, ari jaw na rai wu ai; shanhte hkrat sum ai aten du wa nna, kyindut hkrum na nhtoi ni wa nga sai.

TARA JAHPRANG 32:41

tu ala ai nye a nhtu hpe ngai galaw garang nna, teng man rap ra ai amu galaw nga sai hpe mu na mara ai. Nye a gumlau hpyen ni hpe ngai matai htang nna, ngai hpe n ju n dawng ai ni hpe ari jaw na mawe ai.

TARA JAHPRANG 5:9

Kaning san ai hpara sumla hpe mung hkum kadawng hkum naw myit; Ngai gaw dai Madu nanhte a Karai Kasang rai nga nngai majaw shingjawng kashun ai hpe hkam sharang lu na nngai n rai. Dai rai nna ngai hpe n dawng n yawt ai ni hte shanhte a matu mara ni hpe prat ban masum mali du hkra ari jaw na mawe ai.

TARA JAHPRANG 7:11

Dai re ai majaw dai ni ngai nanhte hpe jaw made ai tara ni yawng hpe mung, nanhte sharin achyin hkam la lu sai matsun maroi ga ni yawng hpe mung madat mara hkan sa na rai myit dai.

TARA JAHPRANG 7:9

Dai Madu nanhte a Karai Kasang gaw shi chyu sha Karai Kasang rai nga ai hpe adum nga mu; shi gaw kang ka re ai wa rai nga ai. Shi hpe tsaw ra ai hte shi a hkang da ai ga ni hpe hkan sa madat mara ai ni hpe chyawm gaw prat ban hkying mun du hkra shi a dinggrin tsaw ra myit madun dan let shi a ga shaka hpe shatup na rai wu ai;