TARA JAHPRANG 7:1 - Jinghpaw Common Language Bible 2009

¹ Dai Madu nanhte a Karai Kasang gaw nanhte madu la na mungdan de woi shawn nna, dai mung na amyu baw law law hte hpe gawt shapraw kau na rai wu ai. Nanhte rawt lung wa myit yang, shi gaw nanhte hta grau galu kaba nna n-gun grau rawng ai amyu sanit rai nga ai Hiti, Girgashi, Amori, Hkanani, Perizi, Hiwi hte Yebusi masha ni hpe gawt shapraw kau na ra ai.

Jinghpaw Hanson Version Bible

¹ Na a Karai Kasang Yehowa nang madu sha na rin dai mung de nang hpe woi shawn nna, Hiti, Gergashi, Amori, Hkanani, Perizi, Hiwi hte Yebusi ngu ai nang hta grau kaba nna law htam ai amyu sanit ting hpe na a man na gawt kau na,

TARA JAHPRANG 7:1 ပူးပေါင်းရင်းမြစ်များ

1 HKAWHKAM 16:31

Hkawhkam Yeroboam zawn yubak galaw na shi a matu n ram dum nga wu ai; dai rai nna Sidon Hkawhkam Etbala a shayi sha Yezebela hpe hkungran la let Bala hpe nawku wu ai.

1 HKAWHKAM LABAU 1:14

Hkanan gaw Yebusi, Amori, Girgashi,

2 HKAWHKAM LABAU 8:7

Shawlumon gaw Israela masha ni mungdan madu la mu yang, shanhte n sat kau da ai Hkanan masha ni a amyu matu ni hpe magam bungli galaw shangun da ma ai. Dai amyu matu ni hta Amori, Hiti, Perizi, Hiwi hte Yebusi masha ni lawm nga ma ai rai nna dai ni du hkra dai amyu ni hpe mayam shatai da nga ma ai.

EZRA 9:1

Ndai amu ni galaw ngut ai hpang, Israela amyu masha ni a ningbaw nkau mi ngai kaw sa nna, amyu masha ni, hkinjawng ni hte Lewi masha ni nan htingbu mungdan ni rai nga ai Amon, Moba, hte Egutu, shing n rai Hkanani, Hiti, Perizi, Yebusi hte Amori masha ni hte shanhte nan n daw n hka ai sha nga nga ma ai rai nna, dai masha ni galaw ai matsat shabat amu ni hte maren shanhte hkan galaw nga ma ai lam tsun dan mi ai.

NEHEMIA 13:23

Dai aten e, Yuda lasha law law ni mung Ashdod, Amon hte Moba numsha ni hpe hkungran la nga ma ai hpe ngai mu nngai.

SHAKAWN KUNGDAWN 78:55

Shi a amyu masha ni shawng de rawt sa wa ai shaloi, shawng e de nga sai amyu masha ni hpe shi gawt shapraw kau ya nhtawm; Israela amyu baw ni hpe shanhte a lamu ga garan ya ai hte, shi a amyu masha ni hpe shanhte a dum nta ni jaw ya wu ai.

PRU MAT 15:7

Hpung shingkang hte hpring ai padang ninglaw hte na a gumlau hpyen ni hpe jahten kau nna na a pawt sindawng ai gaw kahtet pru wa ai hte yihku zawn shanhte hpe hkru kau mu ai.

PRU MAT 23:28

Ngai gaw na a gumlau hpyen ni a ka-ang de gat shang shangun dat nna, nanhte a shawng e nga nga ai Hiwi, Hkanan, hte Hiti masha ni hpe gawt shapraw kau na we ai.

PRU MAT 23:32

Shanhte hte mung, shanhte a hpara ni hte mung myit hkrum ga shaka tawn da lu na myit dai n rai.

PRU MAT 23:33

Na a mung hta dai masha amyu ni hpe nga shangun lu na n rai; nang nga shangun ai rai yang, ngai hte nhtan shai ai yubak shanhte nang hpe galaw shangun na mara ai. Shanhte a hpara ni hpe nang nawku ai rai yang, dai gaw na a matu si shangun lu ai mahkam tai na ra ai,” ngu nna tsun wu ai.

PRU MAT 33:2

Ngai gaw nanhte hpe lam woi na matu lamu kasa langai shangun dat ya nna Hkanan, Amori, Hiti, Hperizi, Hiwi hte Yebusi masha ni hpe gawt shapraw kau ya na made ai.

PRU MAT 6:8

Ngai gaw Abraham, Isak hte Yaku ni hpe jaw na ngu nna dagam shaka da sai ga sadi mungdan de nanhte hpe woi wa nna nanhte a sut gan sali wunli zawn nanhte hpe jaw na made ai. Ngai gaw dai Madu rai nga nngai,’” ngu nna Israela amyu masha ni hpe tsun u.

JAW JAU 14:34

nta ni hta kap jawng ai nshu lamu hte seng nna hkan sa na tara ni jaw ya wu ai. (Ndai gaw Israela amyu masha ni a matu sali wunli tai na dai Madu lajang da ya ai Hkanan mung de shang wa ai hpang tsun shadum ai ga rai nga ai.) Marai langai ngai gaw shi a nta hta nshu lamu kap ai hpe mu jang, hkinjawng wa hpang de sa tsun dan lu na rai wu ai.

BU HKAWM 13:29

Amalek masha ni mahtang dai mung a dingda maga de nga nga ma ai. Hiti, Yebusi, Amori masha ni mung bum ga hkan e nga nga ma ai. Hkanan masha ni gaw Ka-ang Panglai makau hte Yawdan hka mayan hku nga nga ma ai,” ngu nna tsun dan ma ai.

BU HKAWM 14:31

Nanhte a ma ni rim la hkrum na rai myit dai nga nna nanhte tsun myit ti mung, nanhte ningdang kau da ai mung de ngai shanhte hpe woi shang wa na nngai; dai mung gaw shanhte a dum nta tai na ra ai.

KASA 13:19

Shi gaw Hkanan mung na masha amyu sanit hpe shaza kau nna shi a amyu masha ni hpe garan ya nhtawm dai mungdan a madu shatai nu ai.

TARA JAHPRANG 11:29

Dai Madu gaw nanhte madu la na mungdan de woi shang wa myit dai shaloi, shaman chyeju hpe Gerizim bum kaw nna, dagam dala ai lam hpe Ebala bum kaw nna, nanhte tsun shana na rai myit dai.

TARA JAHPRANG 20:1

“Gumlau hpyen ni hpe nanhte htim gasat sa wa ai shaloi, gumra hte hpyen leng ni hpe mung, nanhte hta grau law ai hpyen luksuk ni hpe nanhte mu myit dai shaloi, shanhte hpe hkum yu hkrit myit. Nanhte hpe Egutu mung kaw na shaw woi wa ai dai Madu nanhte a Karai Kasang gaw nanhte hte rau rai nga na ra ai.

TARA JAHPRANG 20:16

“Rai ti mung, dai Madu nanhte a Karai Kasang nanhte hpe jaw ya nga ai mungdan na mare ni hpe madu la myit dai shaloi, masha shagu hpe sat kau na rai myit dai.

TARA JAHPRANG 31:20

Ngai gaw shanhte a kaji kawa ni hpe ga sadi jaw da sai hte maren, dai ngamu ngamai ai sut hte hpring nna ningru ningja ai mungdan de shanhte hpe woi wa ai shaloi, dai mung e shanhte sha mayu, lu mayu ai lusha hkum dingnum sha lu nna, ngwi pyaw sim sa ai hte nga lu na mara ai. Rai ti mung, shanhte mahtang lam dam mat nhtawm hpara shaje ni hpe nawku daw jau mat na mara ai; ngai hpe ningdang kau ma ai majaw nye a ga shaka hpe jahten kau na mara ai;

TARA JAHPRANG 31:3

Dai Madu nanhte a Karai Kasang gaw shi nan nanhte a shawng e sa wa nhtawm dai mung e nga nga ai masha amyu baw ni hpe shamyit kau na rai wu ai. Shing rai shanhte a mung hpe nanhte madu la na rai myit dai. Dai Madu tsun da nu ai hte maren, Yawshu gaw nanhte a ningbaw tai na ra ai.

TARA JAHPRANG 4:38

Nanhte rawt lung wa myit dai shaloi, shanhte a lamu ga hpe nanhte matut madu lu na matu, nanhte hta grau kaba nna n-gun rawng ai amyu baw ni hpe shi shaden kau ya manit dai. Shi gaw nanhte hpe shang sha shangun nna nanhte madu la na rai nga ai shanhte a lamu ga nanhte hpe jaw ya na ru ai.

TARA JAHPRANG 6:1

“Ndai ni gaw nanhte hpe sharin achyin ya na matu, dai Madu nanhte a Karai Kasang ngai hpe hkang da ai tara ni yawng rai nga ai. Nanhte shang madu la hkyen nga ai mungdan hta dai ni hpe hkan sa madat mara lu na rai myit dai.

TARA JAHPRANG 6:10

“Dai Madu na a Karai Kasang gaw na nji nwa Abraham, Isak hte Yaku ni hpe ga sadi jaw da sai hte maren, nang n de da ai dai sut gan hte hkum ai mare kaba ni

TARA JAHPRANG 6:19

Shi a ga sadi hte maren nanhte a gumlau hpyen ni hpe shaden kau lu na rai myit dai.

TARA JAHPRANG 6:23

Anhte a kaji kawa ni hpe shi jaw na ngu nna ga sadi tawn da nu ai hte maren, ndai shara de anhte hpe woi wa nhtawm ndai mungdan anhte hpe jaw ya na nga, Egutu mung kaw na anhte hpe shalawt la mani ai.

TARA JAHPRANG 9:1

“Israela amyu masha ni e, madat mu! Nanhte hta grau kaba nna n-gun grau ja ai masha amyu baw ni madu da ai mungdan hpe dai ni, nanhte Yawdan hka rap nhtawm sa madu la na sha rai manit dai. Shanhte a mare ni hpe lamu dep bunghku ni hte kum shinggrup da nga ai.

TARA JAHPRANG 9:3

Rai ti mung dai Madu nanhte a Karai Kasang gaw grung ai wan zawn nanhte a shawng e sa wa na rai nga ai hpe dai ni, nanhte nan mu lu na marin dai. Shi a ga sadi hte maren nanhte rawt lung wa myit yang, shi shanhte hpe dang kau na rai wu ai rai nna nanhte mung shanhte hpe gawt shapraw kau lu ai hte shanhte hpe alawan shamyit kau lu na rai myit dai.

TARA JAHPRANG 9:4

“Dai Madu nanhte a Karai Kasang gaw nanhte a matu shanhte hpe shaden kau ya ai hpang, nanhte dai hpe lu la ging saga ai majaw sha shi anhte hpe woi shawn nna dai mungdan hpe madu la shangun mani ai, ngu nna nanhte nan n tsun hkrup myit ga. Dai hku n rai law, shanhte nan n hkru n shawp ai ni rai nga ma ai majaw sha, Madu gaw dai masha ni hpe nanhte a matu shaden kau ya na rai nga ai.

YAWSHU 11:3

Shi gaw Yawdan hka a lahkawng maga hkran de nga ai Hkanani masha ni, Amori masha ni, Hiti masha ni, Perizi masha ni hte bum ga hkan nga ai Yebusi masha ni, Mizpa mung na Hermon bum lagaw hkan e nga ai Hiwi masha ni hpe mung shiga shana dat wu ai.

YAWSHU 24:11

Nanhte gaw Yawdan hka rap nna Yerihko de du wa myit dai. Amori, Perizi, Hkanani, Hiti, Girgashi, Hiwi hte Yebusi masha ni galaw ai zawn Yerihko masha ni nanhte hpe hkap gasat ma ai. Rai ti mung shanhte yawng hpe gasat dang lu ai awng padang ngai nanhte hpe jaw mawe ai.

YAWSHU 3:10

Nanhte rawt lung wa myit yang, shi gaw Hkanani, Hiti, Hiwi, Perizi, Girgashi, Amori hte Yebusi masha ni hpe teng teng gawt shapraw kau na rai wu ai. Ahkrung nga ai Karai Kasang gaw nanhte hte rau rai nga ai hpe nanhte chye lu na rai myit dai.