TARA JAHPRANG 6:8 - Jinghpaw Common Language Bible 2009

⁸ Ga dai hpe na a lahpum hta gyit shakap da nna na a kahtan hta shadum ai masat kumla langai zawn hkang da na rai ndai.

Jinghpaw Hanson Version Bible

⁸ Ga dai hpe na a lata hta kumla tai nga na matu hkang da nga nna, na a myi lapran e masat dingsat laika tai nga na rai lit dai:

TARA JAHPRANG 6:8 ပူးပေါင်းရင်းမြစ်များ

PRU MAT 12:14

Nanhte gaw Ngai Madu hpa galaw kau ni ai lam hpe adum nga na matu nawku htung hte seng ai poi langai zawn dai shani e nanhte galaw lu na rai myit dai. Dai poi hpe mung prat mi hte prat mi galaw lu na rai myit dai.”

PRU MAT 13:16

Ndai htung tara gaw anhte a lata shing n rai kahtan ni hta masat arai lama mi hpe shakap da ai zawn, adum nga na rai myit dai. Dai gaw dai Madu shi a galu kaba ai daru magam n-gun hte anhte hpe Egutu mung kaw nna woi shapraw wa ai hpe adum shangun nga na ra ai,’ ngu nna tsun wu ai.

PRU MAT 13:9

Na a lata hta shing n rai na a kahtan hta masat arai lama mi shakap da ai zawn dai htung masa hpe adum nga na rai myit dai. Dai Madu gaw shi a daru magam n-gun kaba hte nanhte hpe Egutu mung kaw na woi shapraw wa manit dai majaw dai Madu a Tara hpe matut manoi hti shakrai na matu shadum jahprang ya na rai myit dai.

GA SHAGAWP 3:3

Sadi dung ai hte kangka ai myit hpe galoi mung hkum kau da nga et; dai hpe na a du hta gali da nna, na a myit masin lungpa hta ka da u.

GA SHAGAWP 6:21

Shanhte a matsun maroi ga ni hpe tut nawng e, nang hte rau na a myit masin hta kyem mazing bang da u.

GA SHAGAWP 7:3

Nye a sharin shaga ai ga hpe aten shagu kyem mazing da nna, dai hpe na a myit masin salum hta ka da u.

MAHTE 23:5

Shanhte galaw ai amu bungli mahkra hpe, masha ni mu lu mu ga, nga nna galaw ma ai. Shanhte a lahtan ni hte lata lahpum ni hta chyum ga ka shakap tawn ai lakhpoi pa kaba kaba galaw la nna hkawn shakap tawn nga ma ai hpe yu mu! Shanhte a palawng kaba ni hta banbyau ni hpe mung galu lu di nna myin jahkram chywi hpun ma ai.

TARA JAHPRANG 11:18

“Ndai hkang da ai ga ni hpe adum nga let, manu shadan nhtawm shagrau nga mu. Nanhte a lata lahpum ni hta dai ni hpe hkawn da nna, kahtan ni hta masat langai zawn sumraw da na rai myit dai.

HEBRE 2:1

Dai re ai majaw anhte lam n yit mat wa u ga, anhte na la sai dai teng man ai lam hta grau nna kangka ai hte magra noi nga lu ra ga ai.