TARA JAHPRANG 6:7 - Jinghpaw Common Language Bible 2009

⁷ Na a kasha ni hpe dai ga sharin ya u. Nta e nga yang mung, hkawm sa nga yang mung, hkring sa nga yang mung, magam bungli galaw nga yang mung, ga dai hpe atsun nga na rai ndai.

Jinghpaw Hanson Version Bible

⁷ ga ndai, na nsha ni hpe nang sharin achyin ya nga lu na rai ndai; nta e dung nga let mung, lam e hkawm sa let mung, taw nga rawt wa let mung, ga dai a tsun nga lu na rai ndai.

TARA JAHPRANG 6:7 ပူးပေါင်းရင်းမြစ်များ

NINGPAWT NINGHPANG 18:19

Abraham gaw shi a shadang sha ni hte shi a matu mara ni nye a ga hpe madat mara nna ding hpring teng man ai amu hpe galaw ai lam hta shi hkang lu na matu ngai shi hpe lata la ni ai. Shanhte hkan shatup ai rai yang, nye a ga sadi hte maren, shi a matu lam shagu hpe ngai shadik ya na nngai,” ngu nna shi kraw e tsun wu ai.

YOBA 8:10

Rai ti mung, moi na hpaji chye ai masha ni mahtang nang hpe sharin mu ga; shanhte kaning nga tsun ai ga hpe madat u:

SHAKAWN KUNGDAWN 119:13

Nang jaw ya sai hkang da ai tara ni yawng hpe, nsen ja ja hte ngai kahtap tsun nga na nngai.

SHAKAWN KUNGDAWN 119:46

Na a hkang da ai ga ni hpe hkawhkam ni a man e, ngai tsun ndau na nngai rai nna, kaya kahpa ngai hkrum na nngai n rai.

SHAKAWN KUNGDAWN 129:8

“Dai Madu gaw nanhte hpe shaman ya nga u ga, dai Madu a mying nsang hte anhte nanhte hpe shaman ya ga ai,” nga nna lai hprang masha ni kadai mung n tsun na mara ai.

SHAKAWN KUNGDAWN 37:30

Mai kaja ai masha langai mi a n-gup ga ni hta hpaji ga rawng nga ai; shi gaw tut nawng e tara ding nga ai.

SHAKAWN KUNGDAWN 71:17

Ngai brang ram prat naw rai nga ai aten kaw nna nang ngai hpe sharin ya nit dai; na a mauhpa magam amu ni hpe ya du hkra, ngai tsun dan nga nngai.

GA SHAGAWP 10:21

Mai kaja ai masha wa a ga matsun gaw, masha law law hpe akyu chyeju hpe hkam la shangun nga ai; angawk ai lam gaw tinang hkum hpe asak jasum kau ya lu nga ai.

GA SHAGAWP 15:2

Hpaji rawng ai ni tsun shaga yang, machye machyang hpaji hpe ningja shapraw ya nga ai; angawk ai masha ni chyawm gaw lachyum n pru ai ga hpe tsun shapraw nga ma ai.

GA SHAGAWP 15:7

Chye chyang ai hpaji gaw angawk ai ni kaw na n rai; hpaji rawng ai ni kaw na chyam bra wa nga ai.

GA SHAGAWP 6:22

Nang bu hkawm sa wa yang shanhte a sharin shaga ai ga ni gaw nang hpe lam madun na ra ai; shana na aten mung, nang hpe makawp maga na ra ai hte shani na aten ni hta mung nang hpe hpaji jaw na ra ai.

ESAIA 38:19

Ya ngai nang hpe shakawn kungdawn ai zawn, Asak hkrung nga ai ni nang hpe shakawn kungdawn ma ai. Kanu kawa ni gaw nang kade wa kangka nga ai lam shanhte a kashu kasha ni hpe tsun dan ma ai.

MALAHKI 3:16

Dai hpang, dai Madu hpe hkrit kamyin ai ni gaw shada da tsun nga ma ai, dai Madu hpe hkrit kamyin ai hte shi hpe hkungga ai ni ka matsing laika buk langai hta ka jahkrat da nga ai.

MAHTE 12:35

Kaja ai wa gaw tinang a kaja ai sut dek hta na kaja ai arai ni shapraw wu ai; n kaja ai wa mahtang gaw, n kaja ai sut dek hta na n kaja ai arai ni shapraw wu ai.

LUKA 6:45

Kaja ai masha gaw, kaja ai arai hte hpring rawng nga ai kraw lawang sut dek hta na kaja ai rai shapraw dan ai; n kaja ai wa mung, n kaja ai sut dek hta na n kaja ai shapraw dan ai, hpa majaw nga yang, kraw hta hpring chyat nga ai kaw na shi a n-gup hte tsun pru nga ai.

EHPESU 4:29

Nse ai ga hkaw mi mung nanhte a n- gup na n pru u ga, madat mara nga ai ni a matu akyu byin hkra ra nga ai hte maren shadaw shalan na matu mai kaja ai ga sha atsun nga mu.

EHPESU 6:4

Nanhte mung Nu wa ni e, nanhte a kasha ni hpe masin pawt na hku hkum galaw mu. Shing rai na malai shanhte hpe dai madu a daru sharin lam hte matsun madun ai hta bau maka nga mu.

TARA JAHPRANG 11:19

Nanhte a kashu kasha ni hpe ga dai ni sharin achyin ya mu; nanhte nta e nga nga yang mung, hkawm sa nga yang mung, hkring sa ai hte magam bungli galaw nga yang mung ga dai hpe atsun nga lu na rai myit dai.

TARA JAHPRANG 6:2

Ngai nanhte hpe jaw ya nga ai mungdan hta nanhte hte nanhte a matu mara ni hkrung nga ai prat dingsa, dai Madu nanhte a Karai Kasang hpe shagrau sha-a lu myit ga, shi hkang da ai tara ni yawng hpe hkan sa madat mara nga mu. Shaloi dai mungdan hta prat dingsa shanu nga lu na rai myit dai.

KOLOSE 4:6

Nanhte tsun ai ga gaw galoi mung jum shum ai zawn na ra shing-nyi rawng nna chyeju masa hku myit lawm shangun ai ga rai nna san ai masha shagu hpe jaw ai mahtai jaw lu na matu shajin da nga mu.

1 PETRU 3:15

Nanhte a myit masin ni hta Hkristu hpe hkungga lara ai hte Madu ra ai hku shagrau sha-a nga mu; nanhte hta hkam la da sai myit mada ai lam hpe masha langai ngai san dam ma yang, ga lachyum htai dan lu na matu jin jin rai nga mu.

RUHTA 2:12

Nang galaw ai amu a matu dai Madu gaw nang hpe shabrai jaw ya u ga. Shingbyi shingwung a matu nang du sa ndai hte maren, Israela a Madu Karai Kasang kaw nna hkum tsup ai chyeju kumhpa nang hkam la lu u ga law!,” ngu nna htan wu ai.

RUHTA 2:4

Loi hkring mi rai jang, Bua shi nan Betlehem mare kaw nna du sa wa nhtawm mam dan ai masha ni hpe, “Dai Madu gaw nanhte hte rau anga nga u ga law!,” ngu nna shakram let tsun wu ai. Shanhte gaw, “Dai Madu nang hpe shaman ya nga u ga!,” ngu nna htan ma ai.

RUHTA 4:11

Mare a ningbaw ni hte kaga masha ni mung, “Rai sa, anhte gaw sakse ni rai nga saga ai. Yaku hpe kasha law law shaprat ya ai Rahkela hte Lea yan zawn na a madu jan hpe dai Madu hpajang ya nga u ga. Nang mung Ehprat a amyu lakying hta sut su ngamu ngamai wa ai hte Betlehem mare hta kajai gumhkawng wa nu ga.