TARA JAHPRANG 6:20 - Jinghpaw Common Language Bible 2009

²⁰ “Nanhte a kashu kasha ni gaw du na ra ai aten ni hta nanhte hpe, ‘Ndai tara ni yawng hpe hkan sa madat mara na matu dai Madu anhte a Karai Kasang anhte hpe hpa majaw hkang da a ni?,’ nga nna san na mara ai.

Jinghpaw Hanson Version Bible

²⁰ Htawm hpang prat e na nsha gaw nang hpe, ‘Anhte a Karai Kasang Yehowa tawn da ya ai ndai sakse ga, matsun maroi hte dawdan ai tara gaw kaning re ai rai ta?'

TARA JAHPRANG 6:20 ပူးပေါင်းရင်းမြစ်များ

SHAKAWN KUNGDAWN 44:1

O Karai Kasang e, anhte a na ni hte dai lam hpe anhte na yu saga ai. Anhte a kaji kawa ni mung, lai mat wa sai nhtoi ni ngu ai, shanhte a aten hta, nang galaw shapraw dan sai galu kaba ai amu ni ngu ai;

PRU MAT 10:2

mauhpa lamik kumla ni hpe ngai shapraw dan ai shaloi, Egutu masha ni hpe ngai kaning rai mana shachyoi kau ni ai gaw na a kasha ni hte kashu ni hpe nang tsun dan lu na matu mung, ngai gaw shi hte shi a du salang ni hpe myit shaja ya ni ai. Nanhte yawng mung Ngai nan dai Madu rai nga nngai hpe chye lu na myit dai,” ngu nna tsun wu ai.

PRU MAT 12:26

Nanhte a kashu kasha ni gaw nanhte hpe, ‘Ndai zawn nawku daw jau ai lai gaw kaning re ai hpe ngu mayu a ta?,’ ngu nna san ai shaloi,

PRU MAT 13:14

Du na ra ai aten hta, na a shadang sha mahtang, ndai htung tara gaw hpa baw lachyum rai ta?, ngu nna san yang, nang gaw shi hpe, ‘Dai Madu gaw galu kaba ai daru magam n-gun lang nna anhte mayam sa tai nga ai Egutu mung kaw na woi shapraw wa mi ai.

PRU MAT 13:8

Nanhte Egutu mung na pru wa myit dai shaloi, nanhte a matu dai Madu galaw dan nu ai amu a majaw ndai lam yawng hpe nanhte galaw nga myit dai hpe lusha poi hpang wa ai shaloi nanhte a shadang sha ni hpe tsun shaleng dan nga mu.

GA SHAGAWP 22:6

Ma kaji hpe shi gara hku hkan mai nga ai lam hta sharin ya u; shaloi shi gaw dai hpe shi a asak prat tup adum nga na ra ai.

TARA JAHPRANG 4:9

Nanhte hkum nan sadi maja nga mu! Nanhte a myi hte chyaw mu lu sai lam hpe n malap kau ai sha ahkrung nga dingsa shangang shakang da myit; nanhte a myit masin hta a matsing nga mu. Shi gaw ngai hpe, ‘Amyu masha ni hpe jahpawng tawn u; shanhte hkrung nga dingsa nye a ga hpe madat mara hkan sa nhtawm dai hte maren shanhte a kashu kasha ni hpe sharin achyin ya lu hkra ngai tsun ai ga shanhte hpe na la shangun mayu nga nngai,’ ngu nna Sina Bum hta dai Madu nanhte a Karai Kasang a man e tsap nga ai shani na matsun maroi ga, nanhte a kashu kasha ni hpe tsun dan mu.

TARA JAHPRANG 6:19

Shi a ga sadi hte maren nanhte a gumlau hpyen ni hpe shaden kau lu na rai myit dai.

TARA JAHPRANG 6:21

Shaloi shanhte hpe, ‘Anhte gaw Egutu mung na hkawhkam wa a mayam ni rai nga ga yang, dai Madu gaw shi a galu kaba ai daru magam n-gun hte anhte hpe hkye mawai la mi ai.

TARA JAHPRANG 6:7

Na a kasha ni hpe dai ga sharin ya u. Nta e nga yang mung, hkawm sa nga yang mung, hkring sa nga yang mung, magam bungli galaw nga yang mung, ga dai hpe atsun nga na rai ndai.