TARA JAHPRANG 6:18 - Jinghpaw Common Language Bible 2009

¹⁸ Dai Madu tsun ai hku galaw ai gaw jaw hkrak ai hte mai kaja nga ai rai nna dai lam yawng nanhte hta ngamu ngamai wa na ra ai. Dai Madu gaw nanhte a kaji kawa ni hpe ga sadi jaw da sai namhpun kaja ai mung hpe nanhte madu la lu na rai myit dai.

Jinghpaw Hanson Version Bible

¹⁸ Nang ngamu ngamai nga lu na hte Yehowa a ga ndat nga ai hte maren masha hpyen ni nlang hpe na a man na shaden kau nna, na nji nwa ni hpe dagam da ai chyeju mungdan de shang sha lu n ga gaw,

TARA JAHPRANG 6:18 ပူးပေါင်းရင်းမြစ်များ

SHAKAWN KUNGDAWN 19:11

Dai ni gaw na a shangun ma rai nga ai ngai hpe machye machyang hpaji jaw ya e; ngai mung dai lam ni hpe hkan sa madat mara ai majaw, shagrau sha-a ai hkrum nga nngai.

PRU MAT 15:26

Shi gaw, “Nye a hkang da ai ga ni hpe shadik shatup nna, ding man ai hku galaw ai hte nye a ga matsun hpe tsep kawp madat mara hkan sa myit dai rai yang chyawm gaw Egutu masha ni hta ngai shakap ai ana ahkya hpa hte mung, nanhte hpe ngai ari jaw na made ai n rai. Ngai gaw nanhte hpe shamai ya ai dai Madu rai nga nngai,” ngu nna tsun wu ai.

ESAIA 3:10

Ding hpring ai wa gaw a lu na ra ai, arai shagu shanhte a matu mai kaja na ra ai. Shanhte gaw shanhte galaw ai amu a majaw kabu gara na mara ai.

ESAIA 38:3

“Madu e, ngai gaw nang hpe kangka ai hte sadi dung let daw jau ni ai, nang ngai hpe galaw shangun mayu ai amu hpe tut nawng shakut galaw ni ai amu ni hpe dum ya e law. Shi gaw ahkup ahka nga hkra jahtau hkrap hpang wa wu ai.

EZEKELA 18:19

“Rai ti mung, nang gaw, ‘Kasha gaw shi kawa a yubak ni a majaw hpa majaw n hkam na rai wu ni?,’ nga nna san yang, dai kasha wa gaw teng man ai hte mai kaja ai amu ni hpe galaw nu ai. Shi gaw nye a tara ni hpe shadik nhtawm dai ni hpe kangka ai hte hkan shatup nu ai majaw, shi gaw teng teng hkrung nga na rai nga ai.

EZEKELA 18:21

“N hkru ai masha wa gaw yubak lam hpe kau da nna, nye a tara ni hpe hkan shadik nhtawm teng man ai hte mai kaja ai amu hpe galaw ai rai yang, shi si na ra ai n rai; teng teng hkrung nga na ra ai.

EZEKELA 18:27

N hkru ai masha wa gaw yubak lam shanang ai amu hpe kau da nhtawm teng man ai hte mai kaja ai amu hpe galaw ai rai yang, shi a asak hpe mawai la lu nga ai.

EZEKELA 18:5

“Masha langai ngai teng teng mai kaja nga nna, ding hpring ai hte myit malang ai wa nga nga ai ngu ga.

EZEKELA 33:14

Ngai gaw n hkru n shawp ai wa hpe shi si na ra ai ngu nna ngai ga sadi mai jaw nga ti mung, dai wa gaw yubak galaw nga ai amu hpe rap di kau tawn da nna, jaw hkrak ai hte mai kaja ai amu galaw nhtawm,

EZEKELA 33:16

Shi shut hpyit kau sai yubak mara ni hpe ngai raw dat ya na nngai, shi gaw jaw hkrak ai hte mai kaja ai amu hpe galaw nu ai majaw teng teng hkrung nga lu na ra ai.

EZEKELA 33:19

N hkru n shawp ai wa gaw yubak galaw ai amu hpe kau da nna teng man ai hte mai kaja ai amu hpe galaw ai rai yang, shi a asak hkye la lu nga nu ai.

HOSEA 14:9

Ndai ka da sai laika hpe hpaji rawng nna chye na hkawn hkrang ai ni kadai mung dai hpe chye nna myit masin hta bang da lu mu ga. Dai Madu a lam ni gaw jaw nga ai rai nna, ding hpring ai masha ni dai hta hkan hkawm ma ai; rai ti mung yubak mara lu ai ni chyawm gaw dai ni hpe hpa n nawn nga ma ai majaw ahtu kataw nga ma ai.

YAWHAN 8:29

Dai hta n ga, ngai hpe shangun dat ai wa gaw, ngai hte rau anga nga ai; shi sharawng awng ai amu hpe, ngai tut nawng agalaw nga nngai majaw, shi gaw ngai hpe hkrai sha n tawn kau da nngai,” ngu tsun wu ai.

ROMA 12:2

Nanhte gaw ndai dinghta mungkan a lai madang ni hpe n hkan dagraw ai sha, nanhte gaw Karai Kasang hku nna nanhte a kata lam myit masin hpe tsep kawp galai shai kau shangun mu. Dai shaloi nanhte gaw Karai Kasang a myit ra ai lam, mai kaja ai lam, shi hpe sharawng awng shangun ai lam, hkum tsup re ai lam gaw, hpa rai nga ai ngu ai hpe chye ginhka lu na marin dai.

TARA JAHPRANG 12:25

Ndai hkang da ai ga hpe madat mara hkan sa myit dai rai yang, dai Madu awng sharawng wa nna nanhte hte nanhte a matu mara ni ngamu ngamai wa na rai myit dai.

TARA JAHPRANG 12:28

Ngai nanhte hpe hkang da ai lam magup hpe sadi sahka hte madat mara hkan sa nga mu. Nanhte gaw jaw ai amu galaw nga myit dai hpe dai Madu nanhte a Karai Kasang ra sharawng nga ai majaw nanhte hte nanhte a matu mara ni yawng ngamu ngamai na rai myit dai.

TARA JAHPRANG 4:40

Nanhte hte nanhte a amyu matu ni yawng ngamu ngamai wa lu myit ga, dai ni, ngai nanhte hpe jaw da sai shi a tara ni yawng hpe madat mara hkan sa nga mu; shaloi dai Madu nanhte a Karai Kasang nanhte hpe htani htana a matu jaw ya nga ai mungdan hta prat tup jaw lup matut nna nga lu na rai myit dai,” ngu nna tsun wu ai.

TARA JAHPRANG 5:29

Shanhte dai zawn tut nawng hkam sha nga ma hka! Ngai hpe tut nawng shagrau sha-a nna nye a hkang da ai ga yawng hpe hkan galaw mu ai rai yang chyawm gaw, shanhte hte shanhte a matu mara ni a lam magup hta htani htana ngamu ngamai wa na rai ma ai.

TARA JAHPRANG 5:33

Nanhte madu la na mungdan hta tut nawng ashanu nga nna lam magup hta ngamu ngamai wa malit ga; hkang da ai lam yawng mayawng hpe hkan sa madat mara nga myit law.

TARA JAHPRANG 6:10

“Dai Madu na a Karai Kasang gaw na nji nwa Abraham, Isak hte Yaku ni hpe ga sadi jaw da sai hte maren, nang n de da ai dai sut gan hte hkum ai mare kaba ni

TARA JAHPRANG 6:19

Shi a ga sadi hte maren nanhte a gumlau hpyen ni hpe shaden kau lu na rai myit dai.

TARA JAHPRANG 8:11

“Dai ni ngai nanhte hpe jaw ya ai shi a hkang da ai tara hpa hpe mung n hkan kau nna, dai Madu nanhte a Karai Kasang hpe malap kau ai kaw n du myit ga, sadi nga mu.