TARA JAHPRANG 6:13 - Jinghpaw Common Language Bible 2009

¹³ Dai Madu nanhte a Karai Kasang hpe shagrau sha-a nna shi hpe chyu sha nawku nhtawm shi a mying ningsang hta sha nanhte a ga sadi ni hpe tawn da lu na rai myit dai.

Jinghpaw Hanson Version Bible

¹³ Na a Karai Kasang Yehowa hpe nang hkrit hkungga nna, shi hpe hkrai daw jau lu na ndai; dagam ai hta mung shi a mying ningsang gang lu na rai ndai.

TARA JAHPRANG 6:13 ပူးပေါင်းရင်းမြစ်များ

NINGPAWT NINGHPANG 24:3

“Na a lata nye a magyi lapran hta bang nna dagam ru. Ngai sha a matu ningrum ningtau langai ndai Hkanan mung na shayi sha ni hpe n lata hkrup lit ga, sumsing lamu hte ginding aga a Madu Karai Kasang a mying nsang hta ngai nang hpe dagam shangun mayu nngai.

2 HKAWHKAM 17:36

Daru magam n-gun kaba hte mung, atsam marai hte mung Egutu mung kaw nna nanhte hpe woi shapraw wa ai dai Madu ngu ai nye a ga hpe nanhte madat mara na rai myit dai; ngai hpe nawku dingnyawm nna ngai hpe shagu hkungga ni nawng jau na rai myit dai.

SHAKAWN KUNGDAWN 15:4

Shi gaw Karai Kasang hpe nyet kau ai ni hpe matsat nga ai; Madu a ga madat mara ai ni hpe shagrau sha-a nga ai. Ga sadi shatup na matu kade wa yak hkra rai ti mung, shi jaw da ai ga sadi ni hpe tut nawng e galaw shatup nga ai.

SHAKAWN KUNGDAWN 63:11

Shi hpe Karai Kasang awng padang jaw ya ai majaw, hkawhkam wa kabu gara na ra ai. Karai Kasang a mying nsang hta ga shaka tawn da ai ni gaw shi hpe shakawn lu na mara ai: rai ti mung, masu magaw ga tsun ai ni a n-gup ni chyawm gaw pat kau ai hkrum na mara ai.

PRU MAT 20:7

“Nye a mying ningsang hpe n hkru ai shatawng shada lam ni hta hkum lang et. Ngai gaw dai Madu na a Karai Kasang rai nga nngai majaw, nye a mying ningsang hpe n sawn n sang di ai wa kadai hpe mung ari jaw na we ai.

PRU MAT 23:25

Dai Madu nanhte a Karai Kasang rai nga ai Ngai hpe nawku myit dai rai yang chyawm gaw ngai nanhte hpe malu masha hte lu na ntsin shaman ya nhtawm nanhte a machyi makaw ana ahkya mahkra hte hpe yeng seng kau na we ai.

ESAIA 45:23

Nye a ga sadi gaw teng nga ai, dai gaw galai shai lu ai n rai. Ngai wa rai nga nngai majaw lam shagu hpe ga sadi hte dagam shaka nngai: Masha shagu gaw nye a man de sa du nna hput di di ai hte ngai hta sadi dung nga na matu dagam na mara ai.

ESAIA 48:1

Yuda kaw na yu hkrat wa ai Israela amyu masha ni e, ndai lam madat mu. Nang gaw dai Madu a mying hte dagam nna, Israela a Karai Kasang hpe nawku na matu tsun ndai, rai ti mung nang tsun ai ga hkum mi hpe lachyum n shapraw nga ndai.

ESAIA 65:16

Ndai mung hta nga nna shaman chyeju hpyi ai wa kadai mung teng man ai Karai Kasang hta hpa nna shaman chyeju hkam la na matu hpyi na ra ai. Dagam ai wa kadai mung teng man ai Karai Kasang a mying nsang hta dagam na ra ai. Lai sai aten na tsin-yam tsindam ni gaw lai mat wa nna malap kau na mara ai.”

YEREMIA 12:16

Shanhte gaw Bala hpara a mying gang nna dagam na matu nye a amyu masha ni hpe lang mi sharin ya mu ai hte maren, shanhte a myit masin mahkra hte nye a amyu masha ni a nawku htung hpe hkap la nna, ‘Dai Madu hkrung nga ai,’ nga nna dagam ai rai yang, shanhte gaw nye a amyu masha ni tai wa lu nhtawm ngamu ngamai wa na mara ai.

YEREMIA 4:2

dai gaw nye a mying gang let dagam ai gaw, na a matu ding man ai amu tai na ra ai. Masha amyu baw ni yawng mung shanhte hpe shaman ya na matu ngai kaw hpyi na mara ai, shanhte gaw ngai hpe shakawn kungdawn na mara ai,” ngu nna tsun ai.

YEREMIA 5:2

Nang gaw dai Madu hpe nawku na matu tsun tim pyi, nang tsun ai ga hpe nang lachyum n shapraw nga ndai.

YEREMIA 5:7

Dai Madu gaw, “Ngai gaw hpa majaw nye a amyu masha ni a yubak ni hpe raw ya ang nga a ni? Shanhte gaw ngai hpe kau da ai hte karai ajet n rai nga ai ni hpe nawku manu ai. Ngai gaw nye a amyu masha ni hkru kat ai aten du hkra jaw sha ni ai, rai ti mung, shanhte gaw lashaw numshaw amu shut hpyit nhtawm shawa num ni hte shanhte a aten shama nga ma ai.

JAW JAU 19:12

Nye a ga sadi hkan shatup na matu n myit shatawng ai rai yang, nye a mying ningsang hte dai hpe hkum tawn da myit; dai gaw nye a mying hpe jahpoi kau na rai myit dai. Ngai gaw dai Madu nanhte a Karai Kasang rai nga nngai.

MAHTE 4:10

Shaloi Yesu gaw, “Satan e pru mat wa u! ‘Dai Madu na a Karai Kasang hpe nang nawku lu na rai nna, shi hpe hkrai daw jau lu na re ai!, nga nna she ka da nga ai,” ngu nna shi hpe htan wu ai.

MAHTE 5:33

Bai, ‘Nang ga sadi run lu na ndai n rai, Karai Kasang a man e nang tawn da ai ga sadi hte maren shadik lu na rai ndai,’ nga nna moi shawng de na ni tsun ai ga hpe mung nanhte na yu manit ai.

LUKA 4:8

Yesu gaw, “Dai Madu na a Karai Kasang hpe nang nawku lu na rai nna, shi hpe hkrai daw jau lu na ndai nga nna ka da nga ai,” ngu nna htan wu ai.

TARA JAHPRANG 10:12

“Ya, Israela amyu masha ni e, dai Madu nanhte a Karai Kasang nanhte hpe hpa hpyi ai ga madat la mu; dai Madu hpe nawku nna shi hkang da mada yawng hte hpe hkan galaw mu; shi hpe tsaw ra nga mu, nanhte a myit masin mahkra hte shi hpe daw jau nga nna,

TARA JAHPRANG 10:20

Dai Madu nanhte a Karai Kasang hpe hkrit hkungga nna shi hpe chyu sha nawku lu na rai myit dai. Shi hta sadi dung let shi a mying ningsang hta chyu sha ga sadi ni hpe shagrin da lu na rai myit dai.

TARA JAHPRANG 13:4

Dai Madu a hpang hkan nang let shi hpe shagrau sha-a mu; shi a hkang da ai ga hpe madat mara hkan sa nhtawm dai ni hpe shadik shatup nga mu; shi hpe nawku ai hte shi hta sadi dung nga mu.

TARA JAHPRANG 13:5

Rai ti mung, nanhte mayam tai nga ai Egutu mung kaw na hkrang shaw la ai dai Madu hpe gumlau na hku tsun ai myihtoi shing n rai yup mang hkai chye ai wa kadai mung sat kau ai hkrum na rai wu ai. Dai zawn re ai wa gaw n hkru n shawp nga ai rai nna dai Madu nanhte hpe hkang da nu ai hte maren hkrung nga ai asak hkrung lam kaw na nanhte hpe lam woi shadam shakut nga ai. Ndai n hkru n shawp ai amu kaw na seng kau na matu shanhte si lu na rai ma ai.

TARA JAHPRANG 5:11

“ ‘Nye a mying ningsang hpe n hkru n shawp ai amu a shatawng shada ai lam hta hkum lang nga myit; hpa majaw nga yang nye a mying ningsang hpe n gawn n sawn di ai wa kadai hpe mung ngai Madu nanhte a Karai Kasang nan ari jaw na we ai.

TARA JAHPRANG 5:29

Shanhte dai zawn tut nawng hkam sha nga ma hka! Ngai hpe tut nawng shagrau sha-a nna nye a hkang da ai ga yawng hpe hkan galaw mu ai rai yang chyawm gaw, shanhte hte shanhte a matu mara ni a lam magup hta htani htana ngamu ngamai wa na rai ma ai.

TARA JAHPRANG 6:2

Ngai nanhte hpe jaw ya nga ai mungdan hta nanhte hte nanhte a matu mara ni hkrung nga ai prat dingsa, dai Madu nanhte a Karai Kasang hpe shagrau sha-a lu myit ga, shi hkang da ai tara ni yawng hpe hkan sa madat mara nga mu. Shaloi dai mungdan hta prat dingsa shanu nga lu na rai myit dai.

YAWSHU 2:12

Ngai gaw nan hpe matsan yu dum ai majaw shalawt dat made ai zawn, nye a dinghku masha ni hpe shaprawn da ya na lam, ya jang shi hta dagam da mi. Ngai nan hpe hkrak kam lu na kumla mung ngai hpe jaw da mi.

YAWSHU 23:7

Dai hpang nanhte hta naw ngam nga ai ni gaw ndai kaga masha amyu ni hte n kanawn, shanhte a hpara mying n gang, n dagam ai hte dai hpara sumla ni hpe n dingnyawm nawku lu na rai myit dai.

YAWSHU 24:14

Yawshu gaw, “Ya dai Madu hpe shagrau sha-a nhtawm sadi sahka hte ding man ai hku shi hpe daw jau nga mu. Mesopotamia hte Egutu mung hta nanhte a kaji kawa ni nawku ai hpara sumla ni hpe kau da nhtawm dai Madu hpe chyu sha daw jau nga mu.

1 SAMUELA 20:3

Rai ti mung, Dawi mahtang, “Nang ngai hpe kade wa tsaw ra nga ndai gaw na nwa atsawm sha chye nga ai rai nna, nang hpe lai hkra n machyi shangun mayu ai majaw, shi kaning rai maw mawn na lam nang hpe n chye shangun mayu ai hku, shi daw dan da nga ai. Ngai gaw si hkrung si htan a lata kaw na lawt na lahkam mi dang sha rai nga sali ai ngu nna ahkrung nga ai dai Madu hta nang hpe dagam nngai,” ngu nna htan wu ai.

1 SAMUELA 7:3

Samuela gaw Israela amyu masha ni hpe, “Nanhte a myit kraw lawang mahkra hte dai Madu hpang de kayin wa myit dai rai yang, maigan hpara ni yawng hte karai num Astarte a sumla ni hpe yeng seng kau lu na rai myit dai. Nanhte nan dai Madu hta tsep kawp ap nawng nna shi hpe chyu sha nawku myit dai rai yang, Hpilisti masha ni a lata na shi nanhte hpe hkye mawai la na ra ai,” ngu nna tsun wu ai.