TARA JAHPRANG 5:5 - Jinghpaw Common Language Bible 2009

⁵ Nanhte gaw dai wan hkrit nna bum de n lung gwi myit dai shaloi dai Madu tsun ai ga nanhte hpe htawn tsun ya na matu shi hte nanhte a lapran e ngai tsap nga nngai. Shaloi dai Madu gaw,

Jinghpaw Hanson Version Bible

⁵ Dai shaloi e, nanhte wan dai hpe hkrit nna, bum de n lung gwi myit dai majaw, ngai gaw Yehowa a ga nanhte hpe htawn tsun ya na matu Yehowa hte nanhte a lapran e tsap nga nngai; tsun dat ai gaw:

TARA JAHPRANG 5:5 ပူးပေါင်းရင်းမြစ်များ

NINGPAWT NINGHPANG 18:22

Dai hpang masha lahkawng pru mat wa nhtawm Sodom mare de matut sa mat wa ma ai, rai ti mung dai Madu gaw Abraham hte rau naw hti ngam nga ai.

2 HKAWHKAM 18:4

Shi gaw tara maigan masha ni a nawku shara ni hpe jahten shaza kau nhtawm nlung shadaw ni hpe agrawp kau nga ai; Ashera karai num a gawkngu sumla ni hpe kran kadawng kau ya wu ai. Nehuhtan ngu shamying ai dai Mawshe galaw da ai magri mang lapu hpe mung kahtum kadaw di kau wu ai. Dai ahkying du hkra, Israela amyu masha ni mahtang dai hpe shagrau sha-a let manam pyaw ai baw hpe naw nawng ya ma ai.

SHAKAWN KUNGDAWN 106:23

Shi gaw shi a amyu masha ni hpe jahten kau na nga, Karai Kasang tsun wu ai shaloi, shi lata la ai shangun ma kaja Mawshe gaw shi a man e, rawt tsap nna, shanhte hpe n shamyit kau u ga, shi a masin kahtet ai hpe shakawp ya wu ai.

PRU MAT 19:16

Ya, masum ya ngu na jahpawt hta mu ngoi ai, myi hprap gala ai hte htat ai sumwi ni gaw bum ntsa e dan pru wa nga ai rai nna, dai kaw nsen ja ja hte ngoi garu ai pahtau nsen mung ngoi nga ai. Dap ni hta nga ai amyu masha ni yawng mung hkrit gari nga ma ai.

PRU MAT 19:21

Mawshe mung lung wa ai rai nna dai Madu gaw shi hpe, “Lamu ga jarit n lai di ai hte ngai hpe n mada hkrup na matu amyu masha ni hpang de yu wa let sadi jaw u; shanhte galaw hkrup ai rai yang, shanhte hta na law law wa si wa na mara ai.

PRU MAT 19:25

Dai hpang Mawshe mung amyu masha ni hpang de yu hkrat wa nna dai Madu tsun dan sai ga, shanhte hpe tsun dan wu ai.

YEREMIA 30:21

Shanhte a up hkang du wa gaw shanhte a amyu kaw na du sa wa na ra ai, shanhte a hkawhkam kasha gaw shanhte a amyu masha ni kaw na pru wa na ra ai. Ngai shi hpe saw shaga ai shaloi, shi gaw ngai kaw shani sa wa na ra ai, saw shaga n hkrum ai sha, kadai wa sa gwi na rai nga a ta? Shanhte gaw nye a amyu masha ni tai na mara ai, ngai gaw shanhte a Karai Kasang tai na nngai. Dai Madu ngai nan tsun ni ai,” nga nna tsun ai.

BU HKAWM 16:48

Dai gaw ana zinli hpe shazim kau nhtawm shi mung hkrung nga ai ni hte si ai ni a lapran e tsap nga wu ai.

GALATI 3:19

Dai rai yang gaw, jep ai Tara a yaw shada ai lam gaw hpa rai ta? jep ai Tara hpe Karai Kasang jat bang tawn da ya ai lam gaw shut hpyit yubak mara ni a masa lam hpe shapraw dan na matu rai nna dai gaw, ga ndat da ai Abraham a aru arat wa garai n du ai aten laman du hkra sha grin nga na matu rai nga ai. Karai Kasang gaw dai jep ai Tara hpe lamu kasa ni hku nna lapran e htinglet ya ai wa langai mi a lata hte jaw ya sai.

TARA JAHPRANG 5:27

Mawshe e, nhtang sa wa su, dai Madu anhte a Karai Kasang tsun matsun ai hpe madat la nhtawm shi nang hpe kaning nga tsun ai lam anhte hpe bai tsun dan mi. Shi a ga hpe anhte madat nna hkan galaw na ga ai,’ ngu nna tsun ma ai.

HEBRE 9:24

Hpa majaw nga yang, Hkristu gaw kaja wa chyoi pra ai shara majing a kanan rai nga ai masha lata hte galaw ai Chyoi Pra ai Shara de n shang ai sha, sumsing lamu de nan shang nna, ya anhte a malai Karai Kasang a man de dan pru nga sai.