TARA JAHPRANG 5:29 - Jinghpaw Common Language Bible 2009

²⁹ Shanhte dai zawn tut nawng hkam sha nga ma hka! Ngai hpe tut nawng shagrau sha-a nna nye a hkang da ai ga yawng hpe hkan galaw mu ai rai yang chyawm gaw, shanhte hte shanhte a matu mara ni a lam magup hta htani htana ngamu ngamai wa na rai ma ai.

Jinghpaw Hanson Version Bible

²⁹ Shanhte hte shanhte a kashu kasha prat dingsa ngamu ngamai lu hkra, ngai e hkrit hkungga nna ngai hkang da mada hkan sa mayu ai myit tutnawng rawng nga mu ga.

TARA JAHPRANG 5:29 ပူးပေါင်းရင်းမြစ်များ

1 HKAWHKAM LABAU 29:18

Anhte a kaji kawa Abraham, Isak hte Yaku ni a Madu Karai Kasang e, na a amyu masha ni hta dai zawn ap nawng chye ai myit hpe htani htana n-gun shaja ya nna nang hta shanhte tut nawng sadi sahka dung nga shangun u law.

SHAKAWN KUNGDAWN 106:3

Shi a hkang da ai ga ni hpe madat mara hkan nang nga nna, ding man ai amu hpe tut nawng e, galaw nga ai ni gaw a nga ai.

SHAKAWN KUNGDAWN 19:11

Dai ni gaw na a shangun ma rai nga ai ngai hpe machye machyang hpaji jaw ya e; ngai mung dai lam ni hpe hkan sa madat mara ai majaw, shagrau sha-a ai hkrum nga nngai.

SHAKAWN KUNGDAWN 19:12

Tinang nang a shut ai lam ni hpe kadai wa mung n mu lu nga ai; Madu e, makoi magap da ai yubak mara kaw na mung, ngai hpe hkrang shaw la e!

SHAKAWN KUNGDAWN 78:7

Ndai lam hku nna, shanhte mung Karai Kasang hpe kam hpa na mara ai; shi galaw dan sai amu ni hpe shanhte malap kau na mara ai n rai, dai sha n ga, shi a hkang da ai tara ni hpe tut nawng madat mara na mara ai.

SHAKAWN KUNGDAWN 81:16

Rai ti mung, kaja htum ai hkaulan mam hte ngai shanhte hpe bau nna, nam na lagat jahku hte shanhte hpe myit dik hkra jahkru na mawe ai.”

ESAIA 3:10

Ding hpring ai wa gaw a lu na ra ai, arai shagu shanhte a matu mai kaja na ra ai. Shanhte gaw shanhte galaw ai amu a majaw kabu gara na mara ai.

ESAIA 48:18

“Nye a hkang da ai ga hpe nang madat mara nga ai rai yang chyu sha, galoi mung n hkyet mat chye ai hka shi hka zawn, shaman chyeju gaw na a matu lwi hkrat wa na ra ai. Awng padang gaw panglai hkin-gau de hkaleng ni katsu taleng lung wa ai zawn nang hta dan pru wa na ra ai.

YEREMIA 42:6

Dai gaw anhte hpe sharawng awng shangun ai mi rai rai, n rai dam ai mi rai rai, nang hpe hpyi ya na matu anhte lajin nga ai dai Madu anhte a Karai Kasang a mungga hpe madat mara na ga ai. Anhte gaw shi a ga madat mara ga ai rai yang, anhte gaw lam shagu hta ngamu ngamai ngwi pyaw kabu gara wa na ga ai,” ngu nna tsun ma ai.

YEREMIA 44:4

Ngai n dawng ai ndai hkrit hpa amu ni hpe n galaw na matu nanhte hpe tsun shadum nga na nye a shangun ma ni rai nga ai myihtoi ni hpe nanhte hpang de ngai shangun da nga nngai.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! U kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu ti mung, nang n hkraw nga ndai.

LUKA 11:28

Rai ti mung, Yesu gaw, “Karai Kasang a mungga madat la nna, hkan nang ai ni mahtang gade wa a lu nga ma hka!,” ngu nna htan wu ai.

LUKA 19:42

“Mare nang e, ngwi pyaw sim sa ai lam lu la na matu hpa baw ra nga ai ngu ai hpe dai ni nang chye lu wu taw gaw law! Rai ti mung ya gaw nang dai hpe n mu n chye lu ndai!

YAWHAN 15:14

Nanhte hpe ngai hkang da ai ga hkan shatup myit yang gaw nanhte nye a jinghku ni rai nga myit dai.

2 KORINHTU 5:20

Dai rai nna anhte gaw Hkristu a lam htinglet ya ai kasa ni tai let, Karai Kasang shi nan anhte a n-gup aga hku nna nanhte hpe lajin nga ai. Nanhte gaw shi hpe hpyen ai ni tai nga ai kaw nna shi a jinghku ni tai wa mu ngu, Hkristu a malai anhte hpyi nem nga ga ai.

2 KORINHTU 6:1

Nanhte gaw Karai Kasang a chyeju hkam la ai ni rai nga myit dai hte maren dai chyeju hpe lahpawt lama n di kau myit ga, anhte Karai Kasang a shingdep shingtau ni hku nna nanhte hpe hpyi lajin dat ga ai.

EHPESU 6:3

Shing nga nna htet da ai ga gaw ga ndat lawm ai shawng ningnan na hkang da ai ga rai nga ai.

TARA JAHPRANG 10:12

“Ya, Israela amyu masha ni e, dai Madu nanhte a Karai Kasang nanhte hpe hpa hpyi ai ga madat la mu; dai Madu hpe nawku nna shi hkang da mada yawng hte hpe hkan galaw mu; shi hpe tsaw ra nga mu, nanhte a myit masin mahkra hte shi hpe daw jau nga nna,

TARA JAHPRANG 10:20

Dai Madu nanhte a Karai Kasang hpe hkrit hkungga nna shi hpe chyu sha nawku lu na rai myit dai. Shi hta sadi dung let shi a mying ningsang hta chyu sha ga sadi ni hpe shagrin da lu na rai myit dai.

TARA JAHPRANG 11:1

“Dai Madu nanhte a Karai Kasang hpe tsaw ra let, shi a tara ni yawng hpe tut nawng madat mara hkan sa na rai myit dai.

TARA JAHPRANG 12:25

Ndai hkang da ai ga hpe madat mara hkan sa myit dai rai yang, dai Madu awng sharawng wa nna nanhte hte nanhte a matu mara ni ngamu ngamai wa na rai myit dai.

TARA JAHPRANG 12:28

Ngai nanhte hpe hkang da ai lam magup hpe sadi sahka hte madat mara hkan sa nga mu. Nanhte gaw jaw ai amu galaw nga myit dai hpe dai Madu nanhte a Karai Kasang ra sharawng nga ai majaw nanhte hte nanhte a matu mara ni yawng ngamu ngamai na rai myit dai.

TARA JAHPRANG 19:13

Shi hpe matsan yu dum ai myit madun lu na n rai; nanhte ngamu ngamai wa malit ga, dai zawn masha sat ai amu Israela kaw na yeng seng kau lu na rai myit dai.

TARA JAHPRANG 22:7

U kasha ni hpe la mai nga ti mung, dai u kanu hpe chyawm gaw dat kau lu na rai ndai; shaloi nang gaw asak galu nhtawm ngamu ngamai lu na rai ndai.

TARA JAHPRANG 4:2

Ngai nanhte hpe hkang da ai lam hta hpa mung jat bang lu na n rai; dai hta na hpa mung shaw kau lu na n rai. Ngai nanhte hpe jaw da sai dai Madu nanhte a Karai Kasang a hkang da ai ga matsun ni hpe madat mara na rai myit dai.

TARA JAHPRANG 4:40

Nanhte hte nanhte a amyu matu ni yawng ngamu ngamai wa lu myit ga, dai ni, ngai nanhte hpe jaw da sai shi a tara ni yawng hpe madat mara hkan sa nga mu; shaloi dai Madu nanhte a Karai Kasang nanhte hpe htani htana a matu jaw ya nga ai mungdan hta prat tup jaw lup matut nna nga lu na rai myit dai,” ngu nna tsun wu ai.

TARA JAHPRANG 5:16

“ ‘Ngai Madu nanhte a Karai Kasang nan nanhte hpe jaw ya nga ai mungdan hta asak galu nna ngamu ngamai lu myit ga, ngai nanhte hpe hkang da ni ai hte maren tinang a kanu kawa ni hpe hkungga lara rai nga mu.

TARA JAHPRANG 5:30

Shanhte a sum ni de nhtang mat wa na matu shanhte hpe sa tsun su.

TARA JAHPRANG 5:33

Nanhte madu la na mungdan hta tut nawng ashanu nga nna lam magup hta ngamu ngamai wa malit ga; hkang da ai lam yawng mayawng hpe hkan sa madat mara nga myit law.

TARA JAHPRANG 6:17

Nanhte hpe jaw ya sai shi a hkang da ai tara ni yawng hpe nanhte teng teng hkan sa madat mara na rai myit dai.

TARA JAHPRANG 6:18

Dai Madu tsun ai hku galaw ai gaw jaw hkrak ai hte mai kaja nga ai rai nna dai lam yawng nanhte hta ngamu ngamai wa na ra ai. Dai Madu gaw nanhte a kaji kawa ni hpe ga sadi jaw da sai namhpun kaja ai mung hpe nanhte madu la lu na rai myit dai.

TARA JAHPRANG 6:3

Israela amyu masha ni e, dai hkang da ai ga ni hpe madat mara nna hkan galaw nga mu! Dai Madu anhte a kaji kawa ni a Karai Kasang a ga sadi nga ai hte maren, nanhte yawng ngamu ngamai wa nna n-gun rawng ai amyu kaba tai wa nhtawm ga sau hte hpring nna ningru ningja sut su ngamai ai mungdan hta nga lu na rai myit dai.

TARA JAHPRANG 8:6

Dai rai nna dai Madu nanhte hpe hkang da manit dai hte maren galaw mu; shi hkang da ai tara ni hte maren asak hkrung nna shi a ga hpe hkan sa madat mara nga mu.

HEBRE 12:25

Nanhte gaw, dai mungga tsun ai wa hpe n madat ya ai sha ningdang kau ai lam n byin u ga, sadi nga mu. Ndai ga ntsa e shadum shahprang ai wa a ga hpe na la na ningdang kau ai ni yubak ari hta na n lawt lu ma ai, Dai rai nna, anhte gaw, Sumsing lamu kaw nna tsun ai wa hpe shingdu kayin kau ga yang gaw yubak ari kaw na anhte lawt na lam grau n nga mali ai.

YAKU 1:25

Rai ti mung masha ni hpe shalawt la ai hkum tsup re ai tara hta azi yu ai wa gaw dai tara hpe na la nna bai malap kau ai wa n re ai sha, matut nna hkan galaw ai wa rai nga ai majaw, shi galaw ai hpe Karai Kasang shaman ya ai hkam la na ru ai.

SHINGRAN 22:14

Asak jahkrung ai hpun a asi sha lu na hte, mare chyinghka hku shang lu na ahkang lu la na matu, tinang a hpun palawng hkrut jasan kau ai ni gaw a lu ma ai.

RUHTA 3:1

Aten mi na ai hpang, Naomi gaw Ruhta hpe, “Na a matu ningrum ningtau langai ngai tam lajang ya na re; shing rai na a matu dinghku langai de la lu na rin dai.