TARA JAHPRANG 5:24 - Jinghpaw Common Language Bible 2009

²⁴ ‘Wan kata kaw nna shi tsun ai ga hpe anhte na ga yang, dai Madu anhte a Karai Kasang gaw shi a galu kaba ai daru magam n-gun hte hpring ai hpung shingkang madun dan mi hka! Karai Kasang shi nan masha hte ga shaga kau wu tim, masha gaw naw hkrung lu nga ai hpe dai ni, anhte mu lu saga ai.

Jinghpaw Hanson Version Bible

²⁴ ‘Yu u, anhte a Karai Kasang Yehowa shi a hpung shingkang hte daru magam anhte hpe madun dan ma ni ai; wan grung ai kata na shi a ga nsen mung, anhte na lu saga ai: Karai Kasang Yehowa shi nan masha hte shaga nga ninglen, masha naw hkrung nga lu ai gaw, dai ni anhte mu chye saga ai.

TARA JAHPRANG 5:24 ပူးပေါင်းရင်းမြစ်များ

NINGPAWT NINGHPANG 32:30

Yaku gaw, “Ngai gaw Karai Kasang hpe myi man chyaw mu se ai. Ngai mung ya du hkra naw ahkrung nga nngai,” ngu nna tsun wu ai. Shing rai dai shara hpe Hpeniela ngu nna shi shamying da wu ai.

NINGPAWT NINGHPANG 32:31

Hpeniela shara na Yaku pru wa yang, jan pru sai. Shi a dangbau a majaw shi a lagaw layawt mat wu ai.

PRU MAT 19:19

Dai pahtau nsen gaw grau grau ngoi kaba wa ai rai nna, Mawshe tsun ai ga hpe Karai Kasang gaw mu ngoi ai hte shi hpe htan ya nga wu ai.

PRU MAT 20:22

Dai Madu gaw Israela amyu masha ni hpe ning ngu tsun na matu Mawshe hpe hkang da wu ai: “Sumsing lamu kaw nna nanhte hpe Ngai Madu nan kaning ngu tsun shaga dat ni ai hpe nanhte mu manit dai.

PRU MAT 33:20

Ngai hpe mu lu ai wa kadai mung hkrung nga lu na n rai: dai majaw ngai nang hpe nye a myi man mu shangun na we ai n rai;

BU HKAWM 14:14

dai mung e nga ai masha ni hpe shanhte tsun dan na rai ma ai. Dai masha ni gaw nang Madu anhte hte rau rai nga ai lam mung, anhte a ntsa e na a sumwi yu dung ai shaloi nang hpe asan sha mu lu ai mung, shani e sumwi shadaw hte shana e wan shadaw hte anhte a shawng e nang sa wa ndai hpe mung na yu manu ai.

TARA JAHPRANG 32:3

Ngai gaw dai Madu a mying ningsang hpe shakawn na nngai; shi a amyu masha ni gaw shi a galu kaba ai amu hpe tsun dan na mara ai.

TARA JAHPRANG 4:33

Nanhte hkrung nga lu myit dai zawn hpara shaje gaw masha gale ni hpe wan kata kaw na ga tsun ai nsen hpe na lu ai hpang, naw hkrung nga lu ai masha ni nga nga yu sani?

TARA JAHPRANG 5:23

Dai bum ting hta wan grung nna, nsin kata na nsen nanhte na myit dai shaloi, nanhte a ningbaw ni hte nanhte a amyu bawsang ni hta na du salang ni ngai kaw sit sa nhtawm,

TARA JAHPRANG 5:25

Rai ti mung anhte hpa majaw bai si na matu asak dan shara nga ang ga ta? Dai hkrit hpa wan gaw anhte hpe shamyit kau na ra ai. Dai Madu anhte a Karai Kasang tsun ai ga hpe anhte bai na ga yang gaw anhte teng teng si lu na ga ai.

TARA AGYI 13:22

Mano gaw shi a madu jan hpe, “An gaw Karai Kasang hpe mu kau saga ai majaw teng teng si mat na saga ai!,” ngu nna tsun wu ai.