TARA JAHPRANG 5:23 - Jinghpaw Common Language Bible 2009

²³ Dai bum ting hta wan grung nna, nsin kata na nsen nanhte na myit dai shaloi, nanhte a ningbaw ni hte nanhte a amyu bawsang ni hta na du salang ni ngai kaw sit sa nhtawm,

Jinghpaw Hanson Version Bible

²³ Nsin kata na nsen nanhte na lu ai hte, dai bum wan grung nga ai shaloi nanhte hta na amyu ladung agyi ni hte salang ni nlang hte gaw ngai kaw sit sa nna,

TARA JAHPRANG 5:23 ပူးပေါင်းရင်းမြစ်များ

TARA JAHPRANG 18:16

“Nanhte Sina Bum e hpawng nga myit dai shani hta, nanhte si na hkrit nga myit dai majaw, dai Madu tsun ai ga hpe bai n na lu myit ga mung, wan zawn re ai dai Madu a hpung shingkang hpe galoi mung bai n mu mada lu myit ga, hpyi nem yu manit dai.

TARA JAHPRANG 5:22

Ndai ni gaw bum e nanhte hpawng nga myit dai shaloi, wan hte htat ai sumwi ni a kata kaw nna nsen kaba hte tsun nhtawm nanhte yawng hpe jaw ya ai hkang da ai ga ni rai nga ai. Dai rai nna lungpa lahkawng hta Jep ai Tara ni hpe ka nna ngai hpe ap ya ai hta lai nna shi hpa mung jaw ya nga ai n rai.

TARA JAHPRANG 5:24

‘Wan kata kaw nna shi tsun ai ga hpe anhte na ga yang, dai Madu anhte a Karai Kasang gaw shi a galu kaba ai daru magam n-gun hte hpring ai hpung shingkang madun dan mi hka! Karai Kasang shi nan masha hte ga shaga kau wu tim, masha gaw naw hkrung lu nga ai hpe dai ni, anhte mu lu saga ai.

TARA JAHPRANG 9:15

“Dai rai nna ngai gaw ka da ai ga shaka lungpa lahkawng hpai let bum na kayin yu wa nngai; Wan shinglet mung bum kaw nna pru nga ai.