TARA JAHPRANG 5:2 - Jinghpaw Common Language Bible 2009

² Dai Madu anhte a Karai Kasang gaw Sina Bum e, anhte a kawa ni hte sha n rai;

Jinghpaw Hanson Version Bible

² Anhte a Karai Kasang Yehowa gaw, Horeb bum e anhte hte ga shaka da mi ai.

TARA JAHPRANG 5:2 ပူးပေါင်းရင်းမြစ်များ

2 HKAWHKAM 17:35

Dai Madu gaw shanhte hpe ga shaka tawn da nna hkang da nu ai: “Karai shaje ni hpe nawku lu na n rai; shanhte hpe nawku dingnyawm ai mung, daw jau ai mung shagu hkungga ni hpe nawng jau ai mung galaw lu na n rai.

PRU MAT 19:1

Israela amyu masha ni gaw Egutu mung kaw na pru wa ai shata masum ngu na langai ya shani e, Sina nam mali de shanhte du shang wa ma ai. Shanhte gaw Rehpidim shara na pru wa nhtawm Sina Bum lagaw e dabang but nga ma ai.

PRU MAT 24:8

Dai hpang Mawshe gaw jarung ni hta rawng ai asai la nhtawm amyu masha ni a ntsa e lapri bun wu ai. Shi gaw, “Da ndai gaw hkang da mada yawng hpe shi jaw ai shaloi, dai Madu nanhte hpe galaw da ai ga shaka hpe dazik shakap ai asai rai nga ai,” ngu nna tsun wu ai.

PRU MAT 34:10

Dai Madu gaw Mawshe hpe, “Ya ngai Israela amyu masha ni hte ga shaka langai shagrin da na nngai. Ga ntsa ting na mungdan amyu mahkra hta galoi mung n galaw yu ai mauhpa amu kaba ni hpe shanhte a man e ngai galaw shapraw na we ai. Na a matu ngai galaw na amu gaw hkrit hpa amu rai nga ai majaw, Ngai Madu nan galaw lu ai amu kaba ni hpe amyu masha ni yawng mu lu na mara ai.

YEREMIA 11:4

Ndai gaw shanhte a matu agrung nga ai wan htung zawn rai nga ai Egutu mung kaw nna shanhte hpe ngai shapraw wa ai shaloi, shanhte a kaji kawa ni hte ngai galaw tawn ai ga shaka rai nga ai. Ngai gaw shanhte hpe nye a ga madat nna ngai hkang da sai lam magup hpe hkan galaw na matu tsun da ni ai. Shanhte nye a ga madat mara ai rai yang, shanhte gaw nye a amyu masha ni tai nna, ngai gaw shanhte a Karai Kasang tai na lam mung, ngai shanhte hpe tsun ni ai.

YEREMIA 31:32

Dai ga shaka gaw ngai shanhte hpe Egutu mung kaw nna lata hte dun wa nhtawm shanhte hpe woi shapraw wa ai shaloi, shanhte a kaji kawa ni hte tawn da ai ga shaka zawn n rai. Ngai gaw shanhte a matu madu wa zawn rai nga ti mung, shanhte gaw dai ga shaka hpe run kau ma ai.

YEREMIA 34:13

Israela a Karai Kasang gaw, amyu masha ni hpe tsun shaga na matu ngai hpe ning ngu hkang da wu ai: “Ngai gaw shanhte hpe Egutu mung kaw nna hkye mawai la ai hte mayam tai nga ai kaw na shanhte hpe shalawt la ai shaloi, na a nji nwa ni hte ngai ga shaka tawn da ni ai. Ngai gaw shanhte hpe

MALAHKI 4:4

“Israela amyu masha ni yawng hkan sa madat mara na matu, Sina Bum e nye a shangun ma Mawshe hpe ngai jaw ya sai shi a sharin achyin ga, jep ai tara hte hkang da ai ga ni hpe adum nga u.

TARA JAHPRANG 1:6

“Anhte Sina Bum e naw rai nga ga yang, dai Madu anhte a Karai Kasang gaw, ‘Nanhte ndai abum e ram ram na mat hkra nga kau manit dai.

TARA JAHPRANG 29:1

Ndai gaw Moba mung e du nga ai Israela amyu masha ni hte dai Madu Mawshe hpe hkang da let shagrin da ai ga shaka ladaw ni rai nga ai. Dai yawng gaw Sina Bum e shanhte hte dai Madu tawn da nu ai ga shaka hpe jat da ai lam rai nga ai.

TARA JAHPRANG 4:13

Shi nanhte hte tawn da ai ga shaka hpe shatup nna hkan galaw nga na matu mung, nlung lungpa lahkawng hta shi ka da nu ai Tara Kanu Shi hpe nanhte madat mara hkan sa lu na lam mung, shi shanhte hpe tsun nu ai.

TARA JAHPRANG 4:23

Dai Madu nanhte a Karai Kasang nanhte hte tawn da ai ga shaka hpe n malap kau myit ga, sadi nga mu; shi hkang da sai ga hpe hkan sa madat mara nhtawm nanhte a matu kaning re ai hpara sumla ni hpe mung hkum tawk myit;

TARA JAHPRANG 5:1

Mawshe gaw Israela masha ni yawng hpe shaga jahpawng nna shanhte hpe, “Israela amyu masha ni e, dai ni, ngai nanhte hpe jaw ya nga ai hkang da ai tara ni hpe madat mu; dai ni hpe sharin la nna nanhte hkan galaw na rai myit dai.