TARA JAHPRANG 5:16 - Jinghpaw Common Language Bible 2009

¹⁶ “ ‘Ngai Madu nanhte a Karai Kasang nan nanhte hpe jaw ya nga ai mungdan hta asak galu nna ngamu ngamai lu myit ga, ngai nanhte hpe hkang da ni ai hte maren tinang a kanu kawa ni hpe hkungga lara rai nga mu.

Jinghpaw Hanson Version Bible

¹⁶ Na a Karai Kasang Yehowa nang hpe jaw ai mungdan hta, na a asak galu nna ngamu ngamai lit ga, na a Karai Kasang Yehowa nang hpe hkang da sai hte maren, na nnu yan nwa hpe hkungga lara di u.

TARA JAHPRANG 5:16 ပူးပေါင်းရင်းမြစ်များ

PRU MAT 20:12

“Na nnu yan nwa hpe hkungga lara di u; shaloi ngai nang hpe jaw da ai lamu ga hta asak galu ai hte shanu nga lu na ndai.

GA SHAGAWP 3:1

Ngai nang hpe sharin shaga ai ga hpe hkum malap kau et; nang hkan galaw na matu, ngai matsun ai ga hpe mung, tut nawng adum nga u.

EZEKELA 22:7

Dai mare hta shanu nga ai ni kadai mung tinang a kanu kawa ni hpe shagrau hkungga nga ma ai n rai. Nang gaw tsasam masha ni hpe mawp sha nna gaida gaina ni hte jahkrai nmai ni hpe zai hku nna dip sha nga ndai.

JAW JAU 19:3

Nanhte langai hte langai gaw tinang a kanu kawa hpe hkungga lara na rai myit dai. Ngai hkang da sai Bansa Nhtoi hpe mung dum nga lu na rai myit dai. Ngai gaw dai Madu nanhte a Karai Kasang rai nga nngai.

MAHTE 19:19

na nnu yan nwa hpe hkungga lara di u; na a htingbu wa hpe na a hkum hte maren tsaw ra nga u,” ngu wu ai.

MARKU 10:19

Jep ai tara hta Masha hkum sat, masha num hkum shaw, hkum lagu, n teng n man ai sakse hkum hkam, maw sha map sha hkum rai et, na nnu yan nwa hpe hkungga lara di u, nga ai hkang da ai ga ni hpe nang chye nga ndai,” ngu nna shi hpe tsun wu ai.

MARKU 7:10

Hpa majaw nga yang, ‘Na nnu yan nwa hpe hkungga lara di u, kanu kawa hpe matsa ai ga tsun ai wa gaw teng teng si u ga,” nga nna Mawshe hkang da sai.

LUKA 18:20

Jep ai Tara hta, masha num hkum shaw, masha hkum sat, hkum lagu, n teng n man ai sakse hkum hkam, nnu yan nwa hpe hkungga lara di u, nga ai ga hpe nang chye nga ndai,” ngu nna shi hpe htan wu ai.

TARA JAHPRANG 11:9

Dai Madu gaw nanhte a nji nwa ni hte shanhte a matu mara ni hpe jaw na ngu nna ga sadi jaw da sai, dai sut su ngamu ngamai nna ga sau hte hpring nhtawm ningru ningja ai mungdan hta aten na na nanhte shanu nga lu na rai myit dai.

TARA JAHPRANG 27:16

“ ‘Kanu kawa hpe n kaw n law di ai wa kadai mung Karai Kasang jaw ai dagam dala hkrum u ga law.’ “Shaloi Amyu masha ni yawng gaw, ‘Amen!,’ ngu nna htan na mara ai.

TARA JAHPRANG 4:40

Nanhte hte nanhte a amyu matu ni yawng ngamu ngamai wa lu myit ga, dai ni, ngai nanhte hpe jaw da sai shi a tara ni yawng hpe madat mara hkan sa nga mu; shaloi dai Madu nanhte a Karai Kasang nanhte hpe htani htana a matu jaw ya nga ai mungdan hta prat tup jaw lup matut nna nga lu na rai myit dai,” ngu nna tsun wu ai.

TARA JAHPRANG 5:29

Shanhte dai zawn tut nawng hkam sha nga ma hka! Ngai hpe tut nawng shagrau sha-a nna nye a hkang da ai ga yawng hpe hkan galaw mu ai rai yang chyawm gaw, shanhte hte shanhte a matu mara ni a lam magup hta htani htana ngamu ngamai wa na rai ma ai.

TARA JAHPRANG 5:33

Nanhte madu la na mungdan hta tut nawng ashanu nga nna lam magup hta ngamu ngamai wa malit ga; hkang da ai lam yawng mayawng hpe hkan sa madat mara nga myit law.

TARA JAHPRANG 6:2

Ngai nanhte hpe jaw ya nga ai mungdan hta nanhte hte nanhte a matu mara ni hkrung nga ai prat dingsa, dai Madu nanhte a Karai Kasang hpe shagrau sha-a lu myit ga, shi hkang da ai tara ni yawng hpe hkan sa madat mara nga mu. Shaloi dai mungdan hta prat dingsa shanu nga lu na rai myit dai.

KOLOSE 3:20

Ma ni e, kanu kawa ni a ga hpe tut nawng madat mara nga mu: dai gaw Karai Kasang sharawng awng ai Hkristan ni galaw ang ai amu rai nga ai.