TARA JAHPRANG 5:14 - Jinghpaw Common Language Bible 2009

¹⁴ rai ti mung sanit ya nhtoi gaw nye a matu ap nawng da ai bansa ai shani rai nga ai; dai shani e, nang hte na a shayi shadang sha ni mung, nanhte a mayam ni mung, yam nga ni mung, nanhte a mung hta shanu nga ai maigan masha kadai mung magam bungli shachyen lu na n rai. Nanhte bansa la lu myit dai hte maren mayam ni mung ban sa la na ra nga ma ai.

Jinghpaw Hanson Version Bible

¹⁴ sanit ya nhtoi gaw na a Karai Kasang Yehowa a matu laban nhtoi rai nga ai; dai shani e nang hte na a shayi shadang sha ni mung, na a mayam num mayam la mung, na a dumsu, lawze re ai na a yamnga ni mung, na a chyinghka kata e rawng ai tsasam manam mung amu bungli galaw lu na n rai; nang ban sa nga ai hte maren, na a mayam num mayam la ni mung ban sa lu na rai nga ai.

TARA JAHPRANG 5:14 ပူးပေါင်းရင်းမြစ်များ

NINGPAWT NINGHPANG 2:2

Karai Kasang gaw sanit ya nhtoi hta e, shi galaw nu ai amu magam hpe shangut shakre nna bungli galaw ai hpe jahkring da nga ai.

NEHEMIA 13:15

Dai aten, Yuda mung hta Bansa Nhtoi e sabyi htumbyen kabye ai hpe mung, kaga ni mung nsi naisi, sabyi ntsin, sabyi si, maihpang si hte kaga arung arai ni hpe shanhte a lawze ni hta htaw let Yerusalem mare de yu wa nga ma ai hpe mung ngai mu nngai. Ngai gaw shanhte hpe Bansa Nhtoi hta arai hpa mung n dut na matu sadi jaw ni ai.

NEHEMIA 13:16

Turu mare masha nkau mi gaw Yerusalem mare hta nga nga ma ai rai nna shanhte mung nga hte kaga arai amyu baw hkum sumhpa la sa ai hte Bansa Nhtoi e anhte a amyu masha ni hpe sa dut jaw ma ai.

NEHEMIA 13:21

Ngai gaw shanhte hpe, “Ndai yang e jahpawt nhtoi htoi hkra sa la nga ai gaw hpa akyu mi n nga nga ai. Nanhte ndai zawn bai galaw shakut myit dai rai yang, nanhte hpe n-gun hte ninghkap na made ai,” ngu nna sadi jaw wu ai. Dai aten kaw nna, Bansa Nhtoi e shanhte n sa mat ma ai.

NEHEMIA 5:5

Anhte gaw anhte a Yuda hpu nau ni hte amyu langai sha rai nga ga ai. Anhte a kashu kasha ni gaw shanhte a kashu kasha ni zawn rai nga ai n rai ni? Rai ti mung anhte gaw anhte a kashu kasha ni hpe mayam shatai kau nga ga ai. Anhte a shayi sha nkau mi hpe pyi, mayam ni zawn dut kau rau saga ai. Anhte a yi sun ni hte sabyi sun ni gaw anhte a lata kaw nna madu la kau hkrum nga saga ai majaw anhte gaw matsan mayan hkrum nga ga ai,” ngu nna naw tsun nga ma ai.

PRU MAT 23:12

“Bat mi hta kru ya tup amu bungli galaw lu ti mung, sanit ya ngu na nhtoi hta chyawm gaw galaw lu na n rai; na a matu amu galaw ya nga ai na a mayam ni hte maigan masha ni sha n-ga, na a yam nga ni pyi ban sa la lu na mara ai.

JAW JAU 23:3

Nanhte gaw kru ya tup magam bungli galaw lu na nhtoi lu nga myit dai; rai ti mung sanit ya ngu na shani chyawm gaw Bansa Nhtoi rai nna ban sa ai shani rai nga ai hpe dum nga mu. Dai shani hta magam bungli hkum galaw myit; rai ti mung nawku na zup hpawng nga mu. Nanhte nga ai shara shagu hta dai gaw dai Madu a matu Bansa Nhtoi rai nga ai.

MARKU 2:27

Dai hpang Yesu gaw, “Laban Nhtoi gaw masha a mai kaja lam a matu galaw da ai rai nna masha gaw Laban Nhtoi a matu hpan da sai n rai.

LUKA 23:56

Dai hpang shanhte nta de wa nna manam pyaw ai baw hte mura sau lajang da ma ai. Bansa Nhtoi gaw dai jep ai Tara hte maren hkring sa ma ai.

TARA JAHPRANG 5:13

Nanhte gaw nhtoi kru ya tup magam bungli galaw lu na rai myit dai;

HEBRE 4:4

Hpa majaw nga yang, Chyum Laika shara mi hta sanit ya nhtoi hte seng nna, “Karai Kasang gaw sanit ya nhtoi hta shi a magam bungli yawng kaw na hkring sa nga ai,” nga nna tsun da nga ai.