TARA JAHPRANG 5:12 - Jinghpaw Common Language Bible 2009

¹² “ ‘Dai Madu nanhte a Karai Kasang rai nga ai ngai nan nanhte hpe hkang da made ai hte maren Bansa Nhtoi hpe shachyoi shapra na dai hpe hkan galaw nga mu.

Jinghpaw Hanson Version Bible

¹² Na a Karai Kasang Yehowa nang hpe hkang da sai hte maren, laban nhtoi hpe shachyoi shapra na, dai hpe matsing nga u:

TARA JAHPRANG 5:12 ပူးပေါင်းရင်းမြစ်များ

NEHEMIA 13:15

Dai aten, Yuda mung hta Bansa Nhtoi e sabyi htumbyen kabye ai hpe mung, kaga ni mung nsi naisi, sabyi ntsin, sabyi si, maihpang si hte kaga arung arai ni hpe shanhte a lawze ni hta htaw let Yerusalem mare de yu wa nga ma ai hpe mung ngai mu nngai. Ngai gaw shanhte hpe Bansa Nhtoi hta arai hpa mung n dut na matu sadi jaw ni ai.

PRU MAT 16:23

shi gaw shanhte hpe, “Dai Madu hkang da sai hte maren, hpawt ni gaw chyoi pra ai bansa nhtoi rai nna shi a matu ap nawng ai nhtoi rai nga ai. Nanhte kabaw ra ai hpe dai ni kabaw manu; shapyaw ra ai hpe shapyaw manu; ngam ai hpe hpawt de na matu jahka da nna tawn da na rai myit dai,” ngu nna tsun wu ai.

PRU MAT 16:30

Dai rai nna, amyu masha ni sanit ya shani e amu n galaw nga ma ai.

PRU MAT 31:13

htawn tsun na matu Mawshe hpe, “Bansa Nhtoi ngu ai nye a ban sa ai nhtoi hpe hkan shadik nga mu; hpa majaw nga yang, dai gaw nanhte hte nye a lapran e prat mi hte prat mi sakse kumla tai nna Ngai Madu nan nanhte hpe nye a amyu masha ni shatai la ni ai hpe mung, madun dan na matu mung rai nga ai.

PRU MAT 31:15

Nang gaw nhtoi kru ya tup na a amu galaw lu na rai nga ndai; rai ti mung sanit ya nhtoi chyawm gaw nye a matu ap nawng da ai chyoi pra ai Bansa Nhtoi rai nga ai. Dai shani e amu magam galaw ai wa kadai mung si lu na rai nga ai.

ESAIA 56:6

Dai Madu gaw shi hpe tsaw ra nna shi hpe daw jau nga ai shi a amyu masha ni a daw chyen mi tai nna, Bansa Nhtoi hpe hkan nang ai hte, shi a ga shaka hpe sadi sahka hte shatup nga ai maigan masha ni hpe ning ngu tsun wu ai:

ESAIA 58:13

Dai Madu gaw, “Bansa Nhtoi hpe chyoi pra ai zawn nang hkungga nna, dai shani e na a hpaga amyat n tam ai sha, nye a chyoi pra ai shani hpe nang manu shadan ai hte shagrau sha-a ai hku, dai nhtoi e gara de mung n sa, amu n galaw, n tsun n ang ai ga hpe n shaga ai rai yang,

YEREMIA 17:22

Bansa Nhtoi hta e shanhte nga ai dum nta kaw na arai hpa mung n hpai shapraw lu na lam rai nga ai. Shanhte gaw Bansa Nhtoi e amu galaw lu na ma ai n rai; shanhte a kaji kawa ni hpe ngai hkang da ni ai hte maren Bansa ai shani hpe chyoi pra ai shani zawn shanhte hkan sa lu na lam tsun u.

MARKU 2:27

Dai hpang Yesu gaw, “Laban Nhtoi gaw masha a mai kaja lam a matu galaw da ai rai nna masha gaw Laban Nhtoi a matu hpan da sai n rai.

TARA JAHPRANG 5:13

Nanhte gaw nhtoi kru ya tup magam bungli galaw lu na rai myit dai;