TARA JAHPRANG 4:9 - Jinghpaw Common Language Bible 2009

^9-10 Nanhte hkum nan sadi maja nga mu! Nanhte a myi hte chyaw mu lu sai lam hpe n malap kau ai sha ahkrung nga dingsa shangang shakang da myit; nanhte a myit masin hta a matsing nga mu. Shi gaw ngai hpe, ‘Amyu masha ni hpe jahpawng tawn u; shanhte hkrung nga dingsa nye a ga hpe madat mara hkan sa nhtawm dai hte maren shanhte a kashu kasha ni hpe sharin achyin ya lu hkra ngai tsun ai ga shanhte hpe na la shangun mayu nga nngai,’ ngu nna Sina Bum hta dai Madu nanhte a Karai Kasang a man e tsap nga ai shani na matsun maroi ga, nanhte a kashu kasha ni hpe tsun dan mu.

Jinghpaw Hanson Version Bible

⁹ Dai rai nna, nang hkum nan myi chyi mu lu sai lam ni hpe nang n malap kau ai sha, prat dingsa matsing gun nga lu n ga, tinang hkum nan sadi nna, tinang myit masin hta a maja nga u; dai lam ni hpe na a nshu nsha ni e mung sharin achyin ya nga u:

TARA JAHPRANG 4:9 ပူးပေါင်းရင်းမြစ်များ

NINGPAWT NINGHPANG 18:19

Abraham gaw shi a shadang sha ni hte shi a matu mara ni nye a ga hpe madat mara nna ding hpring teng man ai amu hpe galaw ai lam hta shi hkang lu na matu ngai shi hpe lata la ni ai. Shanhte hkan shatup ai rai yang, nye a ga sadi hte maren, shi a matu lam shagu hpe ngai shadik ya na nngai,” ngu nna shi kraw e tsun wu ai.

SHAKAWN KUNGDAWN 119:11

Na a tara hpe nye a myit masin hta ngai kyem da nga nngai rai nna, ngai nang hpe yubak n galaw na nngai.

SHAKAWN KUNGDAWN 71:18

Ya chyawm gaw, ngai dingla wa nga nngai hte nye a kara hpraw wa nga li ai. Karai Kasang e, ngai hpe hkum kau da nga et! Du sa wa na masha ban prat yawng hte hta na a daru magam n-gun hte chyahtum chyalai rawng ai n-gun hpe ngai htawn tsun yang, ngai hte rau rai nga u.

PRU MAT 10:2

mauhpa lamik kumla ni hpe ngai shapraw dan ai shaloi, Egutu masha ni hpe ngai kaning rai mana shachyoi kau ni ai gaw na a kasha ni hte kashu ni hpe nang tsun dan lu na matu mung, ngai gaw shi hte shi a du salang ni hpe myit shaja ya ni ai. Nanhte yawng mung Ngai nan dai Madu rai nga nngai hpe chye lu na myit dai,” ngu nna tsun wu ai.

PRU MAT 23:13

“Ngai Madu nan nanhte hpe tsun ai lam magup hpe madat mu; kaga hpara ni kaw akyu hpyi lu na myit dai n rai; shanhte a mying hpe pyi hkum tsun myit.

GA SHAGAWP 1:8

Sha e, na nnu yan nwa, nang hpe sharin shaga ai ga hta myit maju jung nna madat mara nga u.

GA SHAGAWP 23:26

Sha e, atsawm sha madat la u; nye a asak hkrun lam gaw na a matu kasi tai shangun u.

GA SHAGAWP 3:21

Sha e, na a hpaji byeng-ya hte myit kraw hpaji hpe mahkyu ai myit arawng nga u; dai ni hpe nang kaw na galoi mung hkum dat kau et.

GA SHAGAWP 7:1

Sha e, ngai tsun ai ga hpe adum nga u; ngai nang hpe galaw shangun ai lam ni hpe, galoi mung hkum malap kau nga et.

ESAIA 38:19

Ya ngai nang hpe shakawn kungdawn ai zawn, Asak hkrung nga ai ni nang hpe shakawn kungdawn ma ai. Kanu kawa ni gaw nang kade wa kangka nga ai lam shanhte a kashu kasha ni hpe tsun dan ma ai.

ESAIA 42:20

Israela e, nang gaw lam law law mu yu nit dai, rai ti mung dai lam nang hpe hpa hku lachyum shapraw nga a ni? Nang gaw na la na, na tu nga ndai, rai ti mung nang teng teng na la nga n ni?

YEREMIA 17:21

Shanhte gaw shanhte a asak hkrun lam hpe tsaw ra ai rai yang, Bansa Nhtoi hta shanhte lit hpa mung n gun hpai lu na lam, Yerusalem mare chyinghka lam hku nna arai hpa mung n hpai jashawn lu na lam,

LUKA 8:18

“Dai re ai majaw, nanhte gara hku madat la myit dai hpe sadi nga mu; hpa majaw nga yang, lu ai wa kadai hpe mung, naw jat jaw na ra ai; n lu ai wa kaw na chyawm gaw, shi lu dum ai kachyi mi hpe pyi naw shaw la kau ya na ra ai,” ngu mu ai.

EHPESU 6:4

Nanhte mung Nu wa ni e, nanhte a kasha ni hpe masin pawt na hku hkum galaw mu. Shing rai na malai shanhte hpe dai madu a daru sharin lam hte matsun madun ai hta bau maka nga mu.

TARA JAHPRANG 11:19

Nanhte a kashu kasha ni hpe ga dai ni sharin achyin ya mu; nanhte nta e nga nga yang mung, hkawm sa nga yang mung, hkring sa ai hte magam bungli galaw nga yang mung ga dai hpe atsun nga lu na rai myit dai.

TARA JAHPRANG 12:1

“Dai Madu nanhte a nji nwa ni a Karai Kasang gaw nanhte hpe jaw ya nga ai mungdan hta nanhte shanu nga ai prat dingsa nanhte madat mara hkan sa na tara ni gaw ndai ni rai nga ai. Dai tara ni hpe madat mara mu.

TARA JAHPRANG 16:3

Nanhte dai lusha sha myit dai shaloi matsi bang ai muk sha lu na myit dai n rai; nanhte gaw Egutu mung kaw na tin shapun rai pru mat wa myit dai shaloi nanhte galaw manit dai zawn matsi n bang ai muk sanit ya tup sha lu na rai myit dai. Dai muk sha mu; dai hpe nni nkri muk ngu nna shamying na rai myit dai. Nanhte hkrung nga dingsa nni nkri shara ngu ai Egutu mung kaw na nanhte hpe woi shapraw wa ai nhtoi hpe adum nga na rai myit dai.

TARA JAHPRANG 17:19

Shi gaw laika buk dai hpe shi a makau e kyem da nhtawm, shi hkrung nga ai prat dingsa dai hpe hti na rai wu ai. Shing rai dai hta hkang da ai lam magup hte hpe sadi sahka let madat mara hkan sa nna dai Madu hpe shagrau sha-a na lam sharin la na rai wu ai.

TARA JAHPRANG 29:29

“Dai Madu anhte a Karai Kasang lam nkau mi hpe makoi magap da nga ai. Rai ti mung shi a tara hpe shapraw dan ai rai nna anhte hte anhte a amyu matu mara ni dai hpe htani htana madat mara hkan sa na rai nga ga ai.

TARA JAHPRANG 31:19

“Ya chyawm gaw ndai mahkawn mangoi ga hpe ka tawn nna Israela amyu masha ni hpe sharin ya mu, shaloi dai gaw shanhte a matu sakse tai na mara ai.

TARA JAHPRANG 32:46

shi gaw, “Dai ni, ngai nanhte hpe jaw ya sai hkang da ai ga yawng mayawng hte hpe teng teng madat mara hkan sa na rai myit dai. Ndai tara ga ni hpe nanhte a kashu kasha ni bai htawn tsun dan lu na rai myit dai: shanhte mung Karai Kasang a sharin achyin ai ga ni yawng hpe sadi sahka hte madat mara hkan sa na rai ma ai.

TARA JAHPRANG 4:15

“Dai Madu gaw Sina Bum e, wan kata kaw nna nanhte hpe ga shaga myit dai shaloi, kaning re ai hkrang hpe mung n mu nga myit dai. Shinggyim lasha hte mung,

TARA JAHPRANG 4:23

Dai Madu nanhte a Karai Kasang nanhte hte tawn da ai ga shaka hpe n malap kau myit ga, sadi nga mu; shi hkang da sai ga hpe hkan sa madat mara nhtawm nanhte a matu kaning re ai hpara sumla ni hpe mung hkum tawk myit;

TARA JAHPRANG 6:12

mayam tai nga ai Egutu mung kaw na nang hpe hkrang shaw wa ai dai Madu hpe n malap kau myit ga, sadi nga mu.

TARA JAHPRANG 6:2

Ngai nanhte hpe jaw ya nga ai mungdan hta nanhte hte nanhte a matu mara ni hkrung nga ai prat dingsa, dai Madu nanhte a Karai Kasang hpe shagrau sha-a lu myit ga, shi hkang da ai tara ni yawng hpe hkan sa madat mara nga mu. Shaloi dai mungdan hta prat dingsa shanu nga lu na rai myit dai.

TARA JAHPRANG 6:20

“Nanhte a kashu kasha ni gaw du na ra ai aten ni hta nanhte hpe, ‘Ndai tara ni yawng hpe hkan sa madat mara na matu dai Madu anhte a Karai Kasang anhte hpe hpa majaw hkang da a ni?,’ nga nna san na mara ai.

TARA JAHPRANG 6:7

Na a kasha ni hpe dai ga sharin ya u. Nta e nga yang mung, hkawm sa nga yang mung, hkring sa nga yang mung, magam bungli galaw nga yang mung, ga dai hpe atsun nga na rai ndai.

TARA JAHPRANG 8:11

“Dai ni ngai nanhte hpe jaw ya ai shi a hkang da ai tara hpa hpe mung n hkan kau nna, dai Madu nanhte a Karai Kasang hpe malap kau ai kaw n du myit ga, sadi nga mu.

TARA JAHPRANG 8:14

nanhte mayam sa tai nga ai Egutu mung kaw na nanhte hpe hkye hkrang la ai wa, nanhte a Madu Karai Kasang hpe malap kau nna gumrawng ai myit n rawng nga myit ga, sadi nga mu.

HEBRE 2:1

Dai re ai majaw anhte lam n yit mat wa u ga, anhte na la sai dai teng man ai lam hta grau nna kangka ai hte magra noi nga lu ra ga ai.

HEBRE 2:3

ndai hte wa galu kaba ai hkye hkrang la ai chyeju tara hpe anhte n gawn n sawn di ga yang gaw, anhte gara hku nna yubak mara a daw dan ai kaw na kaning rai lawt lu na ga ta? Dai hkye hkrang la ai lam hpe shawng npawt e Madu a n-gup hte nan tsun shana nna, na la ai ni gaw dai tara teng nga ai lam sakse madun mani ai.

YAKU 2:22

Shi a makam masham hte magam bungli rau sha ginrun nna rau galaw nga ai hpe nang n mu n chye n ni? Shi a makam masham gaw shi a magam bungli a marang e hkum tsup wa lu sai.

YAWSHU 1:18

Na a daru magam ahkang aya hpe san nna na a hkang da ai ga hpe n madat n mara ai wa kadai rai ti mung, sat kau ai hkrum lu na rai nga ai. Dai rai nna myit jahkut daw dan ai hte kam hpa nga u!,” ngu nna tsun wu ai.

YAWSHU 23:11

Dai re ai majaw sadi sahka hte dai Madu nanhte a Karai Kasang hpe tsaw ra nga mu.

YAWSHU 4:21

Shi gaw Israela amyu masha ni hpe, “Htawm hpang prat e nanhte a kashu kasha ni mahtang, nlung ndai ni gaw kaning re ai ni rai ta?, nga nna san myit yang,

SHINGRAN 3:3

Dai re ai majaw, nang hpa baw sharin hkam la lu sai hte, na la lu ai lam hpe bai dum u; dai hpe madat mara nna, na a yubak mara ni kaw na myit malai kayin wa u. Nang n maja nga taw gaw, lagu lagut zawn ngai nang kaw du na ring ngai; gara aten e ngai nang kaw du sa na ra ai hpe pyi nang n chye na ndai.

TARA AGYI 3:7

Israela amyu masha ni gaw dai Madu shanhte a Karai Kasang hpe yubak galaw shut kau nhtawm malap kau manu ai rai nna Bala hte Ashera hpara sumla ni hpe nawku nga ma ai.

TARA AGYI 8:34

shanhte hpe wang shinggrup da ai gumlau hpyen ni yawng a lata kaw na hkye hkrang la ai dai Madu shanhte a Karai Kasang hpe loi mi mung n daw jau mat ma ai.