TARA JAHPRANG 4:6 - Jinghpaw Common Language Bible 2009

⁶ Dai tara ni hpe sadi sahka hte hkan shatup nga mu; shing rai jang, nanhte gaw hpaji byeng-ya hta kade wa kunghpan nga myit dai lam masha amyu baw ni hpe madun dan lu na rai myit dai. Shanhte mung dai matsun maroi tara ni hpe na yang, ‘Ndai amyu baw ni gaw hpaji byeng-ya hte chye na hkawn hkrang ai nyan marai lu la nga manu hka!,’ ngu nna tsun na rai ma ai.

Jinghpaw Hanson Version Bible

⁶ Dai rai nna dai ga hpe hkan shatsup nga mu; dai rai jang, ndai matsun maroi ga nlang hte hpe na yu nna, ‘Gaja wa ndai galu kaba ai amyu gaw, hpaji byeng-ya hte kunghpan ai amyu rai nga ai,’ nga nna nanhte a lam kajai tsun na maigan amyu ni a man e, dai gaw nanhte a hpaji byeng-ya hte kunghpan ai lam tai na rai nga ai.

TARA JAHPRANG 4:6 ပူးပေါင်းရင်းမြစ်များ

1 HKAWHKAM 4:34

Mungkan ga ntsa na hkawhkam ni yawng shi tsun ai hpaji byeng-ya a lam hpe na lu nga ma ai majaw shi a hpaji ga hpe madat hkam la na matu masha ni hpe shangun dat nga ma ai.

YOBA 28:28

Karai Kasang gaw dai masha ni hpe, “Nanhte gaw hpaji rawng na matu dai Madu hpe hkrit hkungga lu na rai myit dai. Nanhte gaw chye na hkawn hkrang na matu n hkru ai kaw na kayin mat wa lu na rai myit dai,” ngu nna tsun wu ai.

SHAKAWN KUNGDAWN 111:10

Madu hpe shagrau sha-a ai gaw hpaji rawng wa na lam rai nga ai; shi a hkang da ai ga matsun ni hpe madat mara hkan sa nga ai ni yawng hte hpe teng man ai tara dara lam jaw ya nga ai. Shi gaw htani htana shakawn kungdawn ai lam hkam la na ra ai.

SHAKAWN KUNGDAWN 19:7

Madu a tara gaw hkum tsup nga ai; dai gaw n-gun atsam ningnan jaw ya nga ai. Madu a hkang da ai ga ni teng man kam ging nga ai majaw, dai tara n lu ai ni hpe hpaji byeng-ya jaw ya nga ai.

SHAKAWN KUNGDAWN 19:8

Madu a tara ni gaw teng man nga nna, dai hpe hkan sa madat mara ai ni kabu gara nga ma ai. Madu a hkang da ai tara ni gaw ding man nga ai rai nna, myit masin hpe chye na shangun nga ai.

GA SHAGAWP 1:4

Dai ni gaw mahkrum madup n nga ai ni hpe ram ai masha tai shangun nna, la shabrang ni hpe machye machyang hpaji rawng wa na matu, sharin ya lu nga ai.

GA SHAGAWP 1:5

Ndai ga shagawp ni gaw hpaji rawng ai wa a machye machyang ni hpe pyi hpung jat ya lu nga ai hte sharin hkam la sai ni hpe lam madun matsun ya lu nga ai,

GA SHAGAWP 1:7

Nang gaw machye machyang hpaji lu la na matu, shawng npawt e, dai Madu hpe hkrit hkungga ai myit rawng ra nga ndai. Angawk ai masha ni gaw hpaji byeng-ya a manu hpe n chye ma ai, dai hpe sharin la na matu ningdang kau ma ai.

GA SHAGAWP 14:34

Ding man ai lam gaw mungdan hpe galu kaba shangun nga ai; yubak mahtang kaning re ai mungdan hpe mung kaya kahpa jahkrum nga ai.

GA SHAGAWP 14:8

Hpa majaw ram ai masha gaw hpaji rawng nga a ta? Shi chye nga ai majaw rai nga ai. Hpa majaw myit n kup ai masha wa gaw angawk nga a ta? Hpa majaw nga yang, shi grai chye dum nga ai majaw rai nga ai.

ESAIA 42:21

Dai Madu gaw hkye la na matu sharawng awng ai Karai Kasang rai nga ai, dai rai nna, shi gaw shi a tara ni hte sharin shaga lam ni hpe shagrau da nga ai, shi gaw shanhte hpe shagrau sha-a na matu shi a amyu masha ni hpe ra nga ai.

YEREMIA 8:9

Hpaji rawng ai na a masha ni gaw kaya kahpa hkrum ma ai; shanhte gaw kashuk kashak rai nna mahkam hkrum nga ma ai. Shanhte gaw nye a mungga hpe gang kau manu ai; shanhte hta ya kaning re ai hpaji rawng nga ma ni?

EZEKELA 5:5

Tsaw Htum ai dai Madu gaw, “Yerusalem hpe yu yu u. Ngai gaw dai mare hpe mungkan ga a ka-ang hta tawn da nna kaga mungdan ni yawng hte shi hpe shinggrup da nga nngai.

Daniela 1:20

Ndai marai mali gaw hkawhkam wa san ai kaning re ai ga san hpe mung, manghkang hpe mung shi a mungdan ting hta nga ai lakle sara ni hte mandan bau ai kadai hta mung htam shi grau nna chye nga ai.

Daniela 4:9

Gumhpan hpan sha ai ni a agyi Belteshaza e, chyoi pra ai karai ni a wenyi nang hta rawng nga ai rai nna makoi magap da ai amu yawng mayawng hpe nang chye na hkawn hkrang nga ndai gaw ngai chye nngai. Ndai gaw nye a yup mang rai nga ai. Ngai hpe de a lachyum tsun dan e.

HOSEA 8:12

Ngai gaw amyu masha ni a matu hti n dang hkra sharin achyin ga ni hpe ka da ti mung, dai ni hpe tinang hte n seng ai zawn ningdang kau ma ai.

MALAHKI 3:12

Dai hpang, masha amyu baw ni a masha ni yawng nanhte hpe kabu gara shaga na mara ai, hpa majaw nga yang, nanhte a lamu ga gaw shanu nga na matu kaja ai shara tai na ra ai.

TARA JAHPRANG 29:9

Nanhte galaw ai lam magup hta awng dang lu myit ga, ga shaka ndai ni yawng hpe sadi dung ai hte madat mara hkan sa na rai myit dai.

TARA JAHPRANG 32:46

shi gaw, “Dai ni, ngai nanhte hpe jaw ya sai hkang da ai ga yawng mayawng hte hpe teng teng madat mara hkan sa na rai myit dai. Ndai tara ga ni hpe nanhte a kashu kasha ni bai htawn tsun dan lu na rai myit dai: shanhte mung Karai Kasang a sharin achyin ai ga ni yawng hpe sadi sahka hte madat mara hkan sa na rai ma ai.

TARA JAHPRANG 32:47

Ndai sharin shaga ai ga ni gaw kaman nmai nhkai re ai ga ni sha n rai; dai gaw nanhte a asak hkrun lam rai nga ai; nanhte madu la hkyen ai dai Yawdan hka wora hkran na mungdan hta asak galu nga malit ga gaw, dai ga ni hpe madat mara hkan sa nga mu,” ngu nna tsun wu ai.

2 TIMOHTI 3:15

Nang hpe ma kaji prat kaw nna machye machyang jaw nna Hkristu Yesu hpe kam sham ai a marang e hkye hkrang la ai lam lu la na matu lam matsun madun ai, dai chyoi pra ai Chyum Laika hpe atsawm sha chye ai wa rai nga ndai hpe mung adum nga u.

YAKU 3:13

Nanhte hta hpaji byeng-ya hte chye chyang ai masha langai ngai nga a ni? Dai wa gaw shi hpaji byeng-ya rawng ai lam hpe shi a mai kaja ai asak hkrung lam hte mung, shagrit shanem nna hpaji byeng-ya rawng nga ai hku mai kaja ai magam bungli galaw ai hte mung sakse madun u ga.