TARA JAHPRANG 4:40 - Jinghpaw Common Language Bible 200940 Nanhte hte nanhte a amyu matu ni yawng ngamu ngamai wa lu myit ga, dai ni, ngai nanhte hpe jaw da sai shi a tara ni yawng hpe madat mara hkan sa nga mu; shaloi dai Madu nanhte a Karai Kasang nanhte hpe htani htana a matu jaw ya nga ai mungdan hta prat tup jaw lup matut nna nga lu na rai myit dai,” ngu nna tsun wu ai. အခန်းကိုကြည့်ပါ။Jinghpaw Hanson Version Bible40 Nang hte na a nshu ni ngamu ngamai lu hkra mung, na a Karai Kasang Yehowa prat tup matu nang hpe jaw tawn ai mungdan hta nang asak galu n ga mung, dai ni tsun da ai matsun maroi ga hte hkang ai tara ga hpe hkan shatsup nga lu na rai myit dai,” nga nna Mawshe hkaw tsun da ai rai. အခန်းကိုကြည့်ပါ။ |
TARA JAHPRANG 4:40
34 ပူးပေါင်းရင်းမြစ်များ
Ma chyangai ni ma prat hta galoi mung si na mara ai n rai, amyu masha ni yawng hte gaw shanhte a asak hpring hkra nga lu na mara ai. Asak latsa ning du hkra hkrung nga lu ai wa hpe pyi, ma kaji ngu nna myit la na mara ai. Dai latsa ning a shawng e si mat ai rai yang, ngai shanhte hpe ari jaw sai masat kumla tai na ra ai.
Ndai gaw shanhte a matu agrung nga ai wan htung zawn rai nga ai Egutu mung kaw nna shanhte hpe ngai shapraw wa ai shaloi, shanhte a kaji kawa ni hte ngai galaw tawn ai ga shaka rai nga ai. Ngai gaw shanhte hpe nye a ga madat nna ngai hkang da sai lam magup hpe hkan galaw na matu tsun da ni ai. Shanhte nye a ga madat mara ai rai yang, shanhte gaw nye a amyu masha ni tai nna, ngai gaw shanhte a Karai Kasang tai na lam mung, ngai shanhte hpe tsun ni ai.
Dai hpang, ngai gaw Rehkab amyu lakying ni hpe Chyahtum Chyalai N-gun Rawng ai dai Madu Israela a Karai Kasang tsun ai mungga hpe ning ngu tsun ni ai: “Nanhte gaw nanhte a kaji kawa Yonadab nanhte hpe hkang da ai matsun maroi ga ni hpe hkan shatup madat mara manit dai; shi a sharin achyin ai ga ni hta mung nanhte hkan sa nga manit dai; shi nanhte hpe hkang da mada lam shagu hpe nanhte hkan galaw manit dai.
Rai ti mung, nye a ga madat na matu shanhte hpe ngai hkang da ni ai, ngai gaw shanhte a Karai Kasang tai nna, shanhte gaw nye a amyu masha ni tai na mara ai. Ngai shanhte hpe hkang da sai asak hkrun lam hta hkawm sa na lam ngai tsun ni ai, shaloi, shanhte gaw lam shagu hta ngamu ngamai wa na mara ai.
Mawshe gaw Midian masha Yehtru a kasha, shi a kahkau Hoba hpe, “Dai Madu anhte hpe jaw na ngu ai shara de pru sa wa nga saga ai; Israela amyu masha ni hpe ngamu ngamai shangun na lam shi ga sadi jaw da mani ai rai nna nang mung anhte hte rau sa wa saga; anhte nang hpe sut gan karan ya na ga ai,” ngu nna tsun wu ai.
Dai tara ni hpe sadi sahka hte hkan shatup nga mu; shing rai jang, nanhte gaw hpaji byeng-ya hta kade wa kunghpan nga myit dai lam masha amyu baw ni hpe madun dan lu na rai myit dai. Shanhte mung dai matsun maroi tara ni hpe na yang, ‘Ndai amyu baw ni gaw hpaji byeng-ya hte chye na hkawn hkrang ai nyan marai lu la nga manu hka!,’ ngu nna tsun na rai ma ai.
Israela amyu masha ni e, dai hkang da ai ga ni hpe madat mara nna hkan galaw nga mu! Dai Madu anhte a kaji kawa ni a Karai Kasang a ga sadi nga ai hte maren, nanhte yawng ngamu ngamai wa nna n-gun rawng ai amyu kaba tai wa nhtawm ga sau hte hpring nna ningru ningja sut su ngamai ai mungdan hta nga lu na rai myit dai.
ကြော်ငြာတွေ