TARA JAHPRANG 4:4 - Jinghpaw Common Language Bible 2009

⁴ rai ti mung dai Madu nanhte a Karai Kasang hta kam sham manoi nga sai nanhte chyawm gaw dai ni du hkra naw hkrung nga lu manit dai.

Jinghpaw Hanson Version Bible

⁴ Nanhte a Karai Kasang Yehowa hta manoi nga ai nanhte ni chyawm gaw dai du hkra hkrung nga lu manit dai.

TARA JAHPRANG 4:4 ပူးပေါင်းရင်းမြစ်များ

SHAKAWN KUNGDAWN 63:8

Ngai nang kaw hkan jum noi nga nngai; na a lata ngai hpe shim hkra makawp maga ya nga ai.

ESAIA 26:20

Nye a amyu masha ni e, nanhte a dum nta kata de shang nna chyinghka la mu. Karai Kasang a pawt sindawng ai kawp mat ai aten du hkra, tinang hkum nan loi hkring mi makoi nga mu.

EZEKELA 9:4

“Yerusalem ting de dinghkren hkawm nna, mare kata e galaw ai matsat shabat amu yawng a majaw myit ru yawn hkyen ai hte tsin-yam tsindam hkrum sha nga ai masha shagu hte a kahtan ntsa e masat shakap da u,” ngu nna tsun wu ai.

KASA 11:23

Shi sa du ai shaloi dai masha ni hpe Karai Kasang gara hku chyeju jaw nga ai lam mu lu yang shi kabu gara nga ai hte dai Madu hta myit masin mahkra hte lashum lanoi kam sham nna sadi dung nga na matu nlang hte hpe shadum shahprang mu ai.

ROMA 12:9

Tsaw ra ai myit hta sawt ai n lawm u ga, n hkru n hkra ai hpe n ju n dawng matsat nna, mai kaja ai hta manoi nga mu.

TARA JAHPRANG 10:20

Dai Madu nanhte a Karai Kasang hpe hkrit hkungga nna shi hpe chyu sha nawku lu na rai myit dai. Shi hta sadi dung let shi a mying ningsang hta chyu sha ga sadi ni hpe shagrin da lu na rai myit dai.

TARA JAHPRANG 13:4

Dai Madu a hpang hkan nang let shi hpe shagrau sha-a mu; shi a hkang da ai ga hpe madat mara hkan sa nhtawm dai ni hpe shadik shatup nga mu; shi hpe nawku ai hte shi hta sadi dung nga mu.

TARA JAHPRANG 30:20

Dai Madu nanhte a Karai Kasang hpe tsaw ra mu; shi a ga madat mara let shi hta sadi dung nga mu. Nanhte a nji nwa Abraham, Isak hte Yaku hte hpe shi jaw ai ga sadi mungdan hta nanhte hte nanhte a amyu matu mara ni anga nga lu na marin dai,” ngu nna tsun wu ai.

TARA JAHPRANG 4:3

Nanhte hkum nan mung Peora Bum e, dai Madu galaw dan sai amu hpe mu manit dai. Dai yang e Bala hpara nawku ai masha shagu hte hpe shi shamyit kau nu ai,

TARA JAHPRANG 4:5

“Dai Madu nye a Karai Kasang ngai hpe tsun ai tara ni yawng ngai nanhte hpe sharin achyin ya mani ai. Nanhte shang madu la hkyen nga ai mungdan hta dai matsun maroi ga hte hkang da ai tara ni hpe madat mara nga mu.

YAWSHU 22:5

Mawshe hkang da manit dai tara hpe nanhte teng teng madat mara hkan sa lu na rai myit dai; dai Madu nanhte a Karai Kasang hpe tsaw ra nna, shi a myit ra ai hku galaw let shi a hkang da ai ga ni hpe madat mara nhtawm shi hta sadi sahka nga nna nanhte a myit kraw lawang mahkra hte mung, asak mahkra hte mung, shi hpe daw jau lu na rai myit dai,” ngu nna tsun wu ai.

YAWSHU 23:8

Shing rai galaw na malai, ya du hkra nanhte hkan nga myit dai hte maren, dai Madu hta kam sham nga mu.

SHINGRAN 14:4

Dai ni gaw numsha ni hte awu asin n rai yu ai lasha ni rai nga ma ai; shanhte gaw brang jet ni rai nga ma ai. Shanhte gaw Sagu Kasha sa ai shara shagu hkan hkan nang ma ai. Shanhte gaw shinggyim masha ni hta na hkye hkrang la hkrum sai ni rai nna Karai Kasang hte Sagu Kasha kaw shawng sak nawng da sai ni rai nga ma ai.

SHINGRAN 20:4

Dai hpang, tingnyang ni hpe ngai mu nngai; dai tingnyang ni hta dung nga ai ni gaw, tara dara na ahkang aya ap ya da hkrum ai ni rai nga ma ai. Dai hta kaga, Madu Yesu shadan dan ai teng man ai lam hpe mung, Karai Kasang a mungga hpe mung hkaw tsun sakse hkam ai majaw, sat kau hkrum ai ni hte, dai matse labye hpe mung, shi a hkrang sumla hpe mung, n naw n ku ai hte, tinang a lahtan hte lata ni hta dai matse labye a masat dingsat ni hpe n hkam la ai ni a tsu ni hpe mung, ngai mu nngai. Shanhte gaw asak bai hkrung wa nna, hkawhkam ni zawn Madu Yesu hte rau shaning hkying mi tup up nga na mara ai.