TARA JAHPRANG 4:36 - Jinghpaw Common Language Bible 2009

³⁶ Shi gaw nanhte hpe sharin achyin lu u ga nga, sumsing lamu de nna shi a nsen nanhte hpe na shangun manit dai; ndai ginding aga ntsa e mung shi a chyoi pra ai wan nanhte hpe mu shangun nna dai kata kaw na nanhte hpe ga shaga nu ai.

Jinghpaw Hanson Version Bible

³⁶ Nang hpe sharin achyin na nga, sumsing lamu de nna shi a ga nsen nan na lu shangun nit dai; ga ntsa e shi a grung ai wan kaba mu lu shangun wu ai rai nna, nang mung dai wan kata na shi a ga na lu lit dai.

TARA JAHPRANG 4:36 ပူးပေါင်းရင်းမြစ်များ

NEHEMIA 9:13

Nang gaw sumsing lamu kaw nna Sina Bum de yu sa nhtawm; na a amyu masha ni hpe nang ga shaga ai hte mai kaja ai tara ni hte jaw ai sharin achyin ga ni hpe jaw ya nga ndai.

PRU MAT 19:18

Dai Madu gaw bum ntsa de wan hte yu hkrat wa ai majaw Sina Bum ting hta wan hkut hte ka-up da nga ai. Dai wan hkut gaw wan htung na wan hkut zawn mawng lung nga ai rai nna amyu masha ni ja ja hkrit gari nga ma ai.

PRU MAT 19:19

Dai pahtau nsen gaw grau grau ngoi kaba wa ai rai nna, Mawshe tsun ai ga hpe Karai Kasang gaw mu ngoi ai hte shi hpe htan ya nga wu ai.

PRU MAT 19:9

Dai Madu gaw Mawshe hpe, “Ngai nang kaw htat ai sumwi hte du na ring ngai, amyu masha ni mung nang hte ngai shaga ai ga na la na ma ai majaw ya kaw nna nang hpe kam sham wa na mara ai,” ngu nna tsun wu ai. Mawshe gaw amyu masha ni kaning nga htan ai ga dai Madu hpe tsun dan wu ai;

PRU MAT 24:16

Htoi kabrim ai Karai Kasang a hpung shingkang gaw bum ntsa e dan hkung nga ai hte bum pungding e wan hkru nga ai zawn Israela masha ni nga ai maga de htoi kabrim nga ai. Sumwi mung dai bum hpe kru ya tup ka-up da nhtawm sanit ya ngu na nhtoi hta dai Madu gaw Mawshe hpe sumwi kata kaw na ga shaga wu ai.

TARA JAHPRANG 4:12

Dai Madu gaw wan kata kaw na nanhte hpe kaning rai ga shaga myit dai hpe mung, shi a hkum hkrang hpe n mu lu ti mung shi shaga ai ga hpe nanhte kaning rai na lu myit dai lam hpe mung, shanhte hpe tsun mu.

TARA JAHPRANG 4:15

“Dai Madu gaw Sina Bum e, wan kata kaw nna nanhte hpe ga shaga myit dai shaloi, kaning re ai hkrang hpe mung n mu nga myit dai. Shinggyim lasha hte mung,

TARA JAHPRANG 4:33

Nanhte hkrung nga lu myit dai zawn hpara shaje gaw masha gale ni hpe wan kata kaw na ga tsun ai nsen hpe na lu ai hpang, naw hkrung nga lu ai masha ni nga nga yu sani?

TARA JAHPRANG 8:5

Kawa gaw shi a kasha ni hpe tara hte sharin shaga ai zawn, dai Madu nanhte a Karai Kasang mung nanhte hpe ari jaw nna shading sharai la manit dai hpe adum nga mu.

HEBRE 12:18

Nanhte gaw Israela amyu masha ni zawn lata hte nan jum hkra lu ai wan grung nga ai, achyang amang re ai, nsin chyip mak re ai, laru ru ai,

HEBRE 12:25

Nanhte gaw, dai mungga tsun ai wa hpe n madat ya ai sha ningdang kau ai lam n byin u ga, sadi nga mu. Ndai ga ntsa e shadum shahprang ai wa a ga hpe na la na ningdang kau ai ni yubak ari hta na n lawt lu ma ai, Dai rai nna, anhte gaw, Sumsing lamu kaw nna tsun ai wa hpe shingdu kayin kau ga yang gaw yubak ari kaw na anhte lawt na lam grau n nga mali ai.