TARA JAHPRANG 4:34 - Jinghpaw Common Language Bible 2009

³⁴ Dai Madu nanhte a Karai Kasang gaw nanhte a matu Egutu mung hta e galaw dan manit dai zawn kaga amyu baw hta na amyu masha ni hpe woi la nhtawm shi a amyu masha shatai la gwi ai hpara shaje nga nga yu sani? Shi gaw nanhte a man e shi a daru magam n-gun hte atsam marai hpe lang nhtawm ana zinli hte hpyen majan, mauhpa lamik kumla hte hkrit hpa amu ni hpe shapraw dan nu ai.

Jinghpaw Hanson Version Bible

³⁴ Nanhte a Karai Kasang Yehowa Egutu mung hta nanhte a man e galaw dan ai zawn chyam dinglik ai, lamik kumla hte mauhpa amu madun ai, hpyen majan shapraw ai, n-gun ja ai lata hte ladawn ai lahpum sharawt ai, hkrithpa shingran madun ai di nna, Hpara shaje langai wa mi masha amyu mi hta na masha amyu mi hpe tinang a matu nga nna shaw la yu ai, nga a ni?

TARA JAHPRANG 4:34 ပူးပေါင်းရင်းမြစ်များ

SHAKAWN KUNGDAWN 136:12

Shi a n-gun ja ai lata, daru magam n-gun hte hpring ai lahpum ni hte, shanhte hpe woi wa nu ai; shi a tsaw ra myit htani htana agrin nga ai.

SHAKAWN KUNGDAWN 24:8

Dai magrau grang ai hkaw hkam wa gaw kadai rai nga a ta? Shi gaw n-gun atsam hte n-gun chyalai rawng ai wa hte majan hta awng padang ninglaw lu ai Madu rai nga ai.

SHAKAWN KUNGDAWN 78:12

Egutu mung hta nga ai Zoan prang yang hta e, shanhte a kaji kawa ni yu nga yang, Karai Kasang gaw mauhpa lamik kumla ni hpe madun dan nu ai.

PRU MAT 1:9

Dai wa gaw shi a mung masha ni hpe, “Ndai Israela amyu masha ni gaw grai law htam wa nna n-gun ja nga ma ai majaw shanhte gaw anhte a matu hkrit tsang shara tai nga masai.

PRU MAT 10:21

Dai hpang dai Madu gaw Mawshe hpe, “Na a lata lamu de sharawt tawn u; shaloi masawp hkrup lu ai dai htat ai nsin gaw Egutu mung hpe ka-up jasin kau na ra ai,” ngu nna tsun wu ai.

PRU MAT 10:7

Dai hkawhkam wa a du salang ni gaw shi hpe, “Ndai wa galoi du hkra anhte hpe ru yak jam jau jaw na rai wu ta? Israela lasha ni hpe dat dat ya ga, shaloi shanhte a Madu Karai Kasang hpe nawku lu na mara ai. Ya Egutu mung hten za mat sai gaw nang n chye n ni?,” ngu nna tsun ma ai.

PRU MAT 13:3

Mawshe gaw amyu masha ni hpe, “Nanhte mayam yam hkrum ai shara hte Egutu mung na pru wa ai shani na dai nhtoi hpe adum nga mu. Dai nhtoi gaw dai Madu shi a galu kaba ai daru magam n-gun hte nanhte hpe woi shapraw wa ai shani rai nga ai. Nanhte gaw matsi n rawng ai muk sha lu na myit dai.

PRU MAT 14:30

Dai shani jang, dai Madu gaw Israela amyu masha ni hpe Egutu masha ni a lata kaw na hkye hkrang la nu ai rai nna panglai hkin-gau hkan e si taw nga ai Egutu masha ni hpe shanhte mu ma ai.

PRU MAT 15:11

“Madu e, karai ni hta nang zawn re ai wa kadai nga nga a ta? Kadai wa nang zawn chyoi pra ai hta mauhpa amu shadan dan lu a ta? Nang galaw dan ai zawn, lamik kumla ni hte chyalai n-gun hte hpring ai amu hpe kadai wa galaw lu a ta?

PRU MAT 19:4

“Ngai Madu nan Egutu masha ni hpe kaning di kau ai lam hte ngai gaw nanhte hpe galang gaw shi a hkalung ni hpe shi a singkaw ntsa hta hpai mat wa ai zawn kaning rai woi la ma sade ai gaw nanhte mu manit dai.

PRU MAT 3:10

Ya chyawm gaw ngai nang hpe Egutu hkawhkam wa hpang de shangun dat na nngai; nang gaw nye a amyu masha ni hpe shi a mung kaw nna woi wa lu na rai ndai,” ngu nna tsun wu ai.

PRU MAT 6:6

Dai rai nna ngai gaw shanhte hpe, ‘Ngai gaw dai Madu rai nga nngai majaw nanhte hpe hkrang shaw la ai hte Egutu masha ni yam sha ai mayam prat kaw na shalawt dat na made ai. Shanhte a ntsa e mung, hkrit hpa ari kaba shapraw na matu nye a n-gun rawng ai lahpum hpe sharawt tawn nna nanhte hpe hkye hkrang la na nngai.

PRU MAT 7:3

Rai ti mung hkawhkam wa a myit masin hpe ngai shaja ya na nngai; ngai gaw Egutu mung hta hkrit hpa kumla law law hpe kade mi galaw tim, na a ga hpe madat na n rai. Shaloi ngai gaw Egutu mung hta grai sawng ai ari kaba shabyin dat nhtawm nye a amyu masha ni a amyu bawsang ni hpe dai mung kaw nna woi shapraw la na nngai.

ESAIA 51:9

Madu e, rawt u, anhte hpe karum la mi! Na a daru magam n-gun lang nna, anhte hpe hkye la mi; dai hpe moi chyaloi nhkoi prat ni hta nang lang ai zawn lang u. Dai daru magam n-gun hte nang gaw panglai numraw Rahab hpe kahtum kadaw di azat kau nga ndai.

YEREMIA 21:5

Ngai gaw nang hpe nye a n-gun mahkra hte, pawt sindawng ai, n-yun bu ai, masin kahtet ai hte hkap gasat na nngai.

YEREMIA 32:21

Anhte a gumlau hpyen ni hpe na a lamik kumla ni hte mauhpa amu madun dan ai hte hkrit gari shangun mu ai; nang gaw na a daru magam n-gun hte lahpum shada nna na a amyu masha Israela ni hpe Egutu mung kaw nna woi shapraw wa nit dai.

BU HKAWM 20:16

anhte hpe karum la na matu dai Madu hpe jahtau ga yang, anhte a jahtau ga hpe na ya wu ai rai nna anhte hpe Egutu mung kaw nna woi wa na matu lamu kasa shangun dat ya mi ai. Ya chyawm gaw na a lamu ga jarit na Kadesha hta e anhte nga nga saga ai.

TARA JAHPRANG 1:30

Dai Madu nanhte a Karai Kasang gaw nanhte hpe woi awn nna Egutu mung hte nam mali e shi galaw nu ai zawn shi gaw nanhte a matu gasat ya na ra ai.

TARA JAHPRANG 10:21

Shi gaw nanhte a Karai Kasang rai nga ai rai nna nanhte a matu shi galaw dan nu ai dai galu kaba ai mauhpa amu ni hpe nanhte nan myi hte chyaw mu manit dai majaw shi hpe shakawn mu.

TARA JAHPRANG 11:2

Dai Madu hte rau nanhte hkrum kadup ai mahkrum madup lam a majaw nanhte sharin la lu manit dai shi a lam hpe dai ni adum nga mu. Dai gaw nanhte a kashu kasha ni n rai, dai mahkrum madup lu la sai nanhte she rai nga ai. Shi a galu kaba ai daru magam n-gun hte chyalai n-gun hte hpring ai shi a mauhpa magam amu ni hpe nanhte mu manit dai.

TARA JAHPRANG 26:8

Shi a galu kaba ai daru magam n-gun hte atsam, mauhpa law law hte lamik kumla ni, hkrit hpa amu ni hpe madun nhtawm Egutu mung kaw na anhte hpe shaw woi wa mi ai.

TARA JAHPRANG 29:3

Dai Madu galaw dan sai hkrit hpa htawkdang ana, lamik kumla hte mauhpa amu kaba ni hpe nanhte mu manit dai.

TARA JAHPRANG 33:29

Israela e, nang gaw kade sha a nga n hka! Dai Madu hkye hkrang la sai amyu baw ngu ai nanhte hte bung ai wa mi kadai n nga nga ai. Dai Madu shi nan nanhte hpe makawp maga ya nna awng padang jaw jaw ya ai nanhte a makawp ninggang hte nhtu rai nga ai. Nanhte a gumlau hpyen ni matsan dum la na matu hpyi nem wa nna, nanhte mung shanhte hpe kabye dip lu na marin dai law.

TARA JAHPRANG 34:12

Israela amyu masha ni yawng a man e Mawshe galaw dan sai hkrit hpa galu kaba ai amu ni hpe kaga myihtoi kadai e mung galaw madun lu nga ai n rai.

TARA JAHPRANG 5:15

Nanhte gaw Egutu mung e mayam tai nga myit dai shaloi, nanhte a Karai Kasang ngai Madu nan nye a galu kaba ai daru magam n-gun hte nanhte hpe hkrang shaw la sai hpe adum nga mu. Dai lam a majaw Bansa Nhtoi hpe hkan shatup nga na ngai nanhte hpe hkang da ni ai.

TARA JAHPRANG 6:21

Shaloi shanhte hpe, ‘Anhte gaw Egutu mung na hkawhkam wa a mayam ni rai nga ga yang, dai Madu gaw shi a galu kaba ai daru magam n-gun hte anhte hpe hkye mawai la mi ai.

TARA JAHPRANG 7:19

Dai Madu nanhte a Karai Kasang gaw nanhte nan myi hte chyaw mu manit dai, dai hkrit hpa ana zinli ni hte mauhpa lamik kumla ni hpe galu kaba ai daru magam n-gun atsam hte nanhte hpe shalawt dat manit dai hpe adum nga mu. Egutu masha ni hpe shi jahten kau nu ai hte maren, ya nanhte hkrit nga myit dai ndai masha amyu ni yawng hpe mung shi jahten kau na ra ai.

TARA JAHPRANG 9:29

Kaja wa tsun ga nga yang, na a galu kaba ai daru magam n-gun atsam hte Egutu mung kaw na nang woi shapraw wa nhtawm na a amyu masha ni majing tai na matu nang lata san da ai amyu masha ni she rai nga ma ai,’ ngu nna hpyi nem wu ai.

YAWSHU 24:7

karum la na matu ngai hpe hpyi jahtau ma ai rai nna, shanhte hte Egutu masha ni a lapran e nsin madin din da ni ai. Egutu masha ni hpe panglai hka gumdin taleng bun shangun nhtawm galup kau we ai. “ ‘Nanhte gaw dai nam mali hkan e mung tsawmra mi na hkra nga kau manit dai.

1 PETRU 5:6

Dai re ai majaw Karai Kasang gaw shi a ram ging hkrak dum ai aten du jang nanhte hpe shagrau shatsaw dat myit ga, Karai Kasang a n-gun atsam rawng ai lata a npu e nanhte a hkum hpe shagrit shanem nna nga mu.