TARA JAHPRANG 4:31 - Jinghpaw Common Language Bible 2009

³¹ Shi gaw matsan dum chye ai Karai Kasang rai nga ai majaw nanhte hpe kau da na n rai; shamyit jahtum kau na wu ai n rai. Shi hkum nan nanhte a kaji kawa ni hte tawn da ai ga shaka hpe mung malap kau na wu ai n rai.

Jinghpaw Hanson Version Bible

³¹ Kaning rai nme law, na a Karai Kasang Yehowa gaw matsan dum chye ai Karai Kasang rai nga ai: nang hpe shi kabai kau rap di na wu ai n rai; atsai awai nan di kau na n rai; na nji nwa ni hta dagam da ai ga shaka hpe malap na wu ai n rai.

TARA JAHPRANG 4:31 ပူးပေါင်းရင်းမြစ်များ

1 HKAWHKAM LABAU 28:20

Hkawhkam Dawi gaw shi a kasha Shawlumon hpe, “Kam sham ai hte myit jahkut daw dan u. Bungli galaw hpang sanu; hpa mung nang hpe myit n daw shangun nga u ga. Ngai daw jau ai dai Madu Karai Kasang gaw nang hte rau rai nga na ra ai. Shi nang hpe kau da na ra ai n rai; shi a Nawku Htingnu galaw na amu shangut shakre lu ai aten du hkra, shi gaw nang hte rau rai nga na ra ai.

2 HKAWHKAM LABAU 30:9

Nanhte gaw dai Madu hpang de kayin wa myit dai rai yang, bawng masha ni zawn woi mat wa ai hkrum ai nanhte a kahpu kanau jinghku ni hpe matsan yu dum nna, dum nta de bai nhtang wa shangun na ra ai. Dai Madu nanhte a Karai Kasang gaw myit galu kaba nna matsan dum nga ai majaw nanhte shi hpang de kayin wa jang, shi nanhte hpe hkap la na ra ai.”

NEHEMIA 1:5

“Madu Sumsing lamu a Karai Kasang e! Nang gaw galu kaba nga ndai rai nna, anhte nang hpe hkrit kamyin nga ga ai. Nang hpe tsaw ra ai ni hte tawn da ai ga shaka hpe nang sadi sahka hte shatup ya nga ndai; nang gaw hkang da ai ga hte maren galaw ndai.

NEHEMIA 9:31

Ti mung, na a matsan dum ai myit galu kaba nga ai majaw, nang shanhte hpe n kau da, n shamyit kau nga ndai. Nang gaw chyeju hte hpring nna matsan chye dum ai Karai Kasang rai nga a hka!

SHAKAWN KUNGDAWN 103:8

Dai Madu gaw matsan dum ai, tsaw ra ai, myit galu kaba ai hte dinggrin tsaw ra myit hpring nga ai wa rai nga ai.

SHAKAWN KUNGDAWN 105:8

Shi gaw shi a ga shaka hpe htani htana shagrin da na ra ai; shi a ga sadi ni prat ban hkying mi a matu rai nga ai.

SHAKAWN KUNGDAWN 111:4

Dai Madu gaw shi a mauhpa magam bungli ni, anhte hpe n malap shangun nga ai; shi gaw matsan dum ai hte n-gaw n wai ai myit rawng ai wa rai nga ai.

SHAKAWN KUNGDAWN 111:5

Dai Madu gaw shi hpe shagrau sha-a ai ni hpe lusha jaw ya nga nna; shi a ga shaka hpe galoi mung n malap kau nga ai.

SHAKAWN KUNGDAWN 111:9

Shi a amyu masha ni hpe shi shalawt dat nhtawm, htani htana hte seng ai ga shaka hpe shanhte hte shi galaw da nu ai. Shi gaw Chyoi Pra nga ai hte Chyalai n-gun rawng ai wa rai nga ai!

SHAKAWN KUNGDAWN 116:5

Dai Madu gaw matsan dum ai hte mai kaja ai wa rai nga ai; anhte a Karai Kasang gaw matsan chye dum ai wa rai nga ai.

SHAKAWN KUNGDAWN 86:15

Rai ti mung, Madu e, nang gaw tsaw ra matsan dum ai Karai Kasang rai nga ndai; nang gaw tut nawng e hkam sharang ai, matsan dum ai hte sadi sahka nga ai wa rai nga ndai.

SHAKAWN KUNGDAWN 86:5

Nang gaw anhte a ntsa e, mai kaja nga nna mara dat kau ya nga ndai; nang kaw akyu hpyi nga ai ni yawng a matu, na a dinggrin tsaw ra myit hpe hpring hpring tsup tsup hkam sha shangun nga ndai.

PRU MAT 6:8

Ngai gaw Abraham, Isak hte Yaku ni hpe jaw na ngu nna dagam shaka da sai ga sadi mungdan de nanhte hpe woi wa nna nanhte a sut gan sali wunli zawn nanhte hpe jaw na made ai. Ngai gaw dai Madu rai nga nngai,’” ngu nna Israela amyu masha ni hpe tsun u.

YEREMIA 14:21

Na a ga sadi ni hpe adum nga u, anhte hpe hkum matsat kau nga et; na a hpung shingkang tingnyang shara nga ai Yerusalem hpe kaya hkum jahkrum nga et. Nang anhte hte galaw da nit dai ga shaka hpe hkum jahten kau nga et.

YEREMIA 30:11

Ngai gaw nanhte kaw du sa nna hkye la na nngai. Ngai gaw nanhte hpe shabra kau dat ai shara na masha amyu baw ni yawng hpe shamyit kau na nngai, rai ti mung, ngai gaw nanhte hpe shamyit kau na nngai n rai. Ngai gaw nanhte hpe ari n jahkrum ai sha dat dat na n rai; rai ti mung ngai nanhte hpe ari jaw ai shaloi, matsan dum la na nngai. Dai Madu ngai nan tsun ni ai.”

JAW JAU 26:42

ngai mung Yaku, Isak hte Abraham ni hte tawn da ai ga shaka hpe dum nga na nngai. Dai mung na nye a amyu masha ni hpe jaw na nye a ga sadi hpe ningnan bai shagrin da na nngai.

JAW JAU 26:44

Rai ti mung shanhte a gumlau hpyen ni a mung hta naw nga nga yang, ngai gaw shanhte hpe rap rai kau da na n rai; shanhte hpe shamyit kau na nngai n rai. Shanhte hte nye a ga shaka gaw dai hte hta jahtum kau na rai nga a ni? Ngai gaw dai Madu shanhte a Karai Kasang rai nga nngai.

JAW JAU 26:45

Ngai Madu nan shanhte a Karai Kasang tai na ngu nna Egutu mung kaw nna nye a amyu masha ni hpe woi shapraw wa ai daru magam n-gun, amyu baw ni yawng a man e ngai madun dan ai shaloi shanhte a kaji kawa ni hte tawn da ai ga shaka hpe ngai dum na we ai,” ngu nna tsun wu ai.

YONA 4:2

Dai rai nna shi gaw, “Madu e, ngai nta kaw na garai n pru sa wa yang, nang ndai hku galaw na nit dai ngu nna ngai tsun ni ai n rai ni? Dai re ai majaw nye a matu kaja htum ai lam rai u ga ngu nna Spain mung de hprawng mat wa nngai! Nang gaw tsaw ra ai, matsan dum ai, myit galu kaba ai, n gaw n wai ai hte galoi mung ari jaw na hkyen ai myit hpe galai kau na jin nga chyalu re ai Karai Kasang rai nga ndai.

MIHKA 7:18

Madu e, nang hte bung ai kaga karai kadai mung n nga nga ai; naw ngam nga ai na a amyu masha ni a yubak ni hpe raw dat kau ya nna htani htana masin kahtet nga ndai n rai tim, anhte hpe madun dan nga ai dinggrin tsaw ra myit hta nang awng sharawng nga ndai.

BU HKAWM 14:18

tsaw ra myit kaba hte sadi sahka ai hpe madun dan nhtawm yubak mara hte tara tawt nna gumlang ai lam hpe mara dat ya ai wa rai nga nngai. Rai ti mung kanu kawa ni shut kau ai yubak mara a majaw shanhte a kashu kasha ni hpe ban masum, ban mali du hkra ari n jaw ai sha nga na nngai n rai,’ ngu nna tsun nit dai.

LUKA 1:72

Shi gaw anhte a ji wa ni hpe shi a matsan dum lama ai lam madun dan nna, shi a chyoi pra ai ga shaka hpe dum nga na ra ai.

TARA JAHPRANG 31:6

Myit jahkut daw dan ai hte kam hpa nga mu. Shanhte hpe hkum hkrit myit. Dai Madu nanhte a Karai Kasang gaw nanhte hte rau anga nga ai; shi nanhte hpe kabai kau na n rai; nanhte hpe kau da na n rai,” ngu nna tsun wu ai.

TARA JAHPRANG 31:8

Dai Madu shi nan nang hte rau rai nga nna nang hpe woi awn na rai wu ai. Shi nang hpe kabai kau na n rai; nang hpe kau da na n rai; dai rai nna myit nden shaja u, hkum hkrit et,” ngu nna tsun wu ai.

HEBRE 13:5

Nanhte a asak hkrung lam hpe gumhpraw marin ai hta n lawm mat shangun ai sha lu ai made hte myit dik nga mu, hpa majaw nga yang, Karai Kasang gaw, “Ngai nang hpe galoi mung n kau da na nngai, ngai nang hpe galoi mung n kabai kau na de ai,” nga nna tsun ai.

YAWSHU 1:5

Yawshu e, nang ahkrung nga dingsa kadai mung nang hpe dang lu na ma ai n rai; ngai gaw Mawshe hte rau nga lai wa ai zawn nang hte mung rau nga nga na nngai. Ngai gaw nang hte tut nawng rau anga nga na nngai; ngai nang hpe galoi mung kau da na nngai n rai.