TARA JAHPRANG 4:30 - Jinghpaw Common Language Bible 2009

³⁰ Nanhte hta ndai lam ni yawng byin wa nna ru yak kyin dut hkrum sha myit dai shaloi, kaning n di, dai Madu hpang de kayin wa nhtawm shi a ga madat lu na marin dai.

Jinghpaw Hanson Version Bible

³⁰ Htawm hpang prat e ndai lam yawng mayawng hte katut nna ruyak kyin dut ai hkrum sha ai shaloi, na a Karai Kasang Yehowa hpang de bai wa nna, shi a nsen madat lu na marin dai:

TARA JAHPRANG 4:30 ပူးပေါင်းရင်းမြစ်များ

NINGPAWT NINGHPANG 49:1

Yaku gaw shi a shadang sha ni hpe shaga la nna, “Nang e grup rai wa hpawng yu mu; du na ra ai aten nanhte hta hpa byin wa na lam, ngai nanhte hpe tsun dan made ga:

NEHEMIA 1:9

Rai ti mung nanhte ngai kaw bai kayin wa nna nanhte hpe ngai hkang da ai amu galaw myit dai rai yang, lamu ga htum de nanhte shabra kau ai hkrum myit ti mung, ngai hpe nawku na matu lata san da ai shara de ngai nanhte hpe bai woi la na nngai.

SHAKAWN KUNGDAWN 107:13

Shaloi shanhte gaw ru tsang hkrum ai aten hta, dai Madu hpe hpyi jahtau mu ai rai nna; shi gaw shanhte a shoichyum shoirang kata kaw nna shanhte hpe hkrang shaw la nu ai.

SHAKAWN KUNGDAWN 107:6

Shaloi, shanhte ru tsang hkrum ai aten hta Madu hpe hpyi jahtau mu ai; shi shanhte a nni nkri kaw nna shanhte hpe hkye hkrang la nu ai.

SHAKAWN KUNGDAWN 18:6

Nye a ru tsang ai hta, ngai gaw Madu hpe shaga nna; karum la na matu, nye a Karai Kasang hpe ngai shaga we ai. Shi a Htingnu hta, nye a nsen hpe shi na ya nna; karum la na matu, ngai hpyi jahtau ai nsen hpe shi madat ya ni ai.

SHAKAWN KUNGDAWN 59:16

Rai ti mung, na a n-gun atsam a lam hpe ngai mahkawn mangoi nga na nngai; na a dinggrin tsaw ra myit a lam hpe jahpawt manap shagu ngai ja ja mahkawn shakawn na nngai. Nang gaw nye a langchyi rai nga nna, ngai ru tsang hkrum ai aten hta na shingbyi shara rai nga nit dai.

PRU MAT 18:8

Mawshe gaw Yehtru hpe dai Madu mahtang Israela amyu masha ni hpe hkye mawai la na matu, Egutu hkawhkam wa hte shi a amyu masha ni hpe shi galaw dan nu ai amu nlang hte hpe tsun dan wu ai. Shi gaw amyu masha ni hkrun lam e hkrum sha ai mayak lam ni hte Karai Kasang shanhte hpe kaning rai hkye hkrang la sai lam ni hpe mung tsun dan wu ai.

ESAIA 1:19

Nanhte gaw nye a ga hpe sha madat mara nga myit dai rai yang, dai lamu ga na pru ai nsi naisi kaja ni hpe nanhte sha lu na marin dai.

YEREMIA 23:20

dai bungsha gaw shi galaw na matu myit shatawng da ai arai yawng mayawng hte hpe shi myit dik ai aten du hkra ahpawt nga nna, sim mat na ra ai n rai. Shi a amyu masha ni gaw du wa na aten ni hta dai lam hpe dan dan leng leng chye wa na mara ai,” ngu nna tsun ni ai.

YEREMIA 4:1

Dai Madu gaw, “Israela amyu masha ni e, nang kayin wa mayu ai rai yang, ngai hpang de kayin wa marit. Nang ngai hta sadi dung ai rai yang ngai n dawng ai hpara sumla ni hpe htawt kau u,

YEREMIA 4:2

dai gaw nye a mying gang let dagam ai gaw, na a matu ding man ai amu tai na ra ai. Masha amyu baw ni yawng mung shanhte hpe shaman ya na matu ngai kaw hpyi na mara ai, shanhte gaw ngai hpe shakawn kungdawn na mara ai,” ngu nna tsun ai.

YEREMIA 7:23

Rai ti mung, nye a ga madat na matu shanhte hpe ngai hkang da ni ai, ngai gaw shanhte a Karai Kasang tai nna, shanhte gaw nye a amyu masha ni tai na mara ai. Ngai shanhte hpe hkang da sai asak hkrun lam hta hkawm sa na lam ngai tsun ni ai, shaloi, shanhte gaw lam shagu hta ngamu ngamai wa na mara ai.

SHARUNG SHAYAWT 3:40

Anhte hkan nga ai lam ni hpe sagawn yu ga; dai Madu hpang de nhtang kayin wa ga.

Daniela 10:14

Na a amyu masha ni du na ra ai aten hta hpa byin wa na mara ai lam nang hpe chye na shangun na matu ngai sa du nngai. Da ndai gaw du wa na aten hte seng ai shingran langai rai nga ai,” ngu nna tsun wu ai.

HOSEA 3:5

Ndai lam zawn, Israela amyu masha ni gaw dai Madu shanhte a Karai Kasang hte shanhte a Hkawhkam Dawi a amyu matu na langai, hpang de lang mi bai kayin wa ai aten du wa na mara ai. Dai hpang shanhte gaw dai Madu hpe hkrit hkungga wa nna, shi kaw na chyeju kumhpa ni hkam la lu na mara ai.

ZEHKARIA 6:15

Sumtsaw sumtsan hkan nga nga ai masha ni mung dai Madu a Nawku Htingnu gaw gap ai amu hta sa karum la na mara ai. Dai hpe gaw gap da ngut jang, Chyahtum Chyalai N-gun rawng ai dai Madu gaw nanhte hpang de ngai hpe shangun dat ai lam, chye lu na rai myit dai. Dai Madu nanhte a Karai Kasang a hkang da ai ga hpe tup hkrak hkan sa madat mara myit dai rai yang, ndai lam yawng byin wa na ra ai.

BU HKAWM 24:20

Dai hpang Balam gaw shi a shingran hta Amalek masha ni hpe mu nna, ndai myihtoi ga tsun shapraw wu ai: “Amalek gaw yawng hta daru magam n-gun ja htum ai amyu rai nga ai; Rai ti mung jahtum e, dai amyu gaw htani htana hten run mat na mara ai.”

KASA 26:20

Dai lam hpe shawng nnan Damasku mare, dai hpang Yerusalem mare hte Yuda mung ting na masha ni hte maigan amyu masha ni myit malai lu nna Karai Kasang hpang de kayin wa nhtawm myit malai hte gingdan ai arawn alai shachyen mu ga, ngai hkaw dan nngai.

KASA 3:19

Dai rai nna Karai Kasang gaw nanhte a yubak mara ni hpe raw dat kau ya myit ga myit malai lu mu, nanhte shing rai myit yang gaw,

TARA JAHPRANG 30:10

rai ti mung shi a sharin shaga ai ndai laika hta ka da ai tara ni yawng hpe hkan shatup nhtawm shi a ga hpe madat mara na rai myit dai. Shaloi nanhte a myit masin kraw lawang mahkra hte shi hpang de kayin wa na myit dai.

TARA JAHPRANG 30:2

Nanhte hte nanhte a amyu matu mara ni dai Madu hpang de kayin wa nhtawm dai ni, ngai nanhte hpe jaw ya ai hkang da ai ga ni hpe nanhte a myit masin mahkra hte madat mara myit dai rai yang,

TARA JAHPRANG 31:17

Dai zawn byin wa ai shaloi, ngai gaw masin pawt wa nna shanhte hpe kabai kau na mawe ai. Shaloi shanhte hten byak ai hkrum na mara ai. Hkrit hpa ru yak tsin-yam tsindam law law gaw shanhte a ntsa e du pru wa nna shanhte a Karai Kasang ngai nan shanhte hte rau n nga ai a majaw dai tsin-yam tsindam ni pru wa nga ai hpe shanhte myit dum wa na mara ai.

TARA JAHPRANG 31:21

shaloi hkrit hpa ru yak tsin-yam tsindam law law shanhte hkrum kadup na mara ai. Rai ti mung ndai mahkawn mangoi ga hpe naw mahkawn na ra ai rai nna dai gaw shanhte a matu sakse tai nga na ra ai. Shanhte hpe jaw na ngu nna ga sadi jaw da sai mungdan de garai n woi shang ai kaw nna pyi, shanhte kaning rai myit mang nga ma ai hpe ngai chye nga nngai,” ngu nna tsun wu ai.

TARA JAHPRANG 31:29

Ngai si mat ai hpang, amyu masha ni n hkru n shawp wa nhtawm ngai shanhte hpe sharin ya sai lam ni hpe shanhte ningdang kau na ma ai. Dai Madu hkum pat da ai amu galaw let shanhte shi hpe masin pawt shangun nga ma ai majaw htawm hpang prat e ru yak tsin-yam tsindam hte hkrum kadup na rai ma ai,” ngu nna tsun dan wu ai.

HEBRE 1:2

Rai ti mung ndai hpang jahtum na nhtoi ladaw ni hta chyawm gaw shi a Kasha a n-gup hte anhte hpe shi a mungga jaw da mani ai. Dai Kasha wa hte nan nga yawng nga pra hpe hpan tawn da nu ai hte jahtum e mungkan yawng mayawng hpe up madu ai wa tai wa na shi hpe lata san da nu ai.

HEBRE 5:9

Shi hpe hkum tsup ai wa shatai la ngut jang, shi gaw madat mara ai ni yawng mayawng a matu htani htana hkye hkrang la ai lam a npawt tai wa sai.