TARA JAHPRANG 4:28 - Jinghpaw Common Language Bible 2009

²⁸ Dai shara hkan e, myi n mu, na n na, n lu n sha chye ai hte manam n chye ai hpara ni ngu ai shinggyim masha a lata hte tawk da ai hpun hpara, nlung hpara ni hpe nanhte daw jau na marin dai.

Jinghpaw Hanson Version Bible

²⁸ Dai hkan e myi n mu, na n na, n lu n sha chye ai hte manam n chye ai, masha lata hte tawk la ai hpun hpara nlung hpara re ai ni hpe nanhte nawku lu na marin dai.

TARA JAHPRANG 4:28 ပူးပေါင်းရင်းမြစ်များ

2 HKAWHKAM 17:40

Rai ti mung ndai masha ni n madat n mara ai sha shanhte a moi na htunghking dingsa lailen ni hta matut hkan nga ma ai.

ESAIA 26:14

Ya chyawm gaw shanhte si mat masai, bai hkrung wa lu na ma ai n rai; shanhte a minla ni rawt wa na mara ai n rai, hpa majaw nga yang nang gaw shanhte hpe ari jaw nna shanhte hpe jahten kau nit dai. Kadai mung shanhte hpe galoi mung dum nga ai n rai.

ESAIA 44:11

Dai hpe nawku ai masha shagu mung shagrit kau ai hkrum na mara ai. Hpara sumla tawk ai amyu masha ni gaw shinggyim masha ni rai nga ma ai, dai hta na hpa mung n jan lu nga ai. Shanhte dinglik yu ai hkrum mu ga-shanhte gaw hkrit gari ai hkrum nna kaya kahpa hkrum sha na mara ai.

ESAIA 44:12

Ndup wa gaw hpri daw hpri chyen ni la nna wan hta ju nhtawm, shi ra ai hkrang pru wa na matu shi a lata lahpum n-gun dat let, sumdu hte adup nga ai. Shi dai amu galaw ai shaloi, shi gaw kawsi hpang gara ai hte pu ba mat nga ai.

ESAIA 44:9

Hpara sumla tawk ai ni gaw kaman lila rai nga ma ai, shanhte manu shadan ai hte tawk da ai karai ni gaw asung n shang nga ai. Ndai karai ni hpe nawku ai ni gaw myi kyaw ai hte hpa mung n chye ma ai-shanhte gaw kaya kahpa hkrum na mara ai.

ESAIA 45:20

Dai Madu gaw, “Hkrat mat ai hkawseng mungdan hta naw ngam nga ai masha amyu baw ni e, sa hpawng marit; jep sagawn na matu nanhte nan du marit! Shanhte a hpun hpara sumla ni hte hpai madun ai ni hte shanhte hpe n hkye lu ai karai ni kaw akyu hpyi ai ndai amyu masha ni gaw hpa nan n chye nga ma hka!

ESAIA 46:7

Shanhte gaw dai hpe lahpa hta mara nna hpai ma ai; shanhte gaw dai hpe san da ai shara hta tawn da ai rai nna dai shara e n htawt ai sha tsap nga ai. Marai langai ngai dai kaw akyu hpyi yang, htan ya ai n rai, shanhte hpe tsin-yam tsindam kaw na hkye la lu ai n rai.

YEREMIA 10:3

Dai amyu baw ni a nawku htung gaw kaman lila rai nga ai. Dai hpe maling na hpun kran nhtawm; lasama wa dai hpe nwa hte tawk nna

YEREMIA 10:5

Dai zawn tawk da ai hpara sumla ni gaw ginshau yi hta u ni hpe jahkrit ai u shari sumla ni zawn rai nna, shanhte ga lu shaga ai n rai; shanhte n lu hkawm ai majaw, shanhte hpe hpai hkawm ra nga ai. Dai ni hpe hkum hkrit et, shanhte nang hpe ru yak jahkrum lu ma ai n rai, shanhte na a matu kaja ai amu hpa mung n galaw ya lu ma ai,” ngu nna tsun ai.

YEREMIA 10:9

Shanhte a hpara sumla ni hpe Spain mung na gumhpraw, Uhpaza shara kaw na pru ai aja ni hte sup da nhtawm, dai ni yawng gaw sumla maka soi ai ni a lata amu ni rai nga ai; shanhte gaw kung kyang ai ni da sama da ai sumpan mut hte mang ai ni hpe bu hpun da ma ai.

YEREMIA 16:13

Shaloi, ngai gaw nang hte na a nji nwa ni pyi n chye ai mung de ndai mung kaw nna nang hpe shaden kau na nngai. Dai mung hta nang gaw kaga hpara sumla ni hpe shani shana daw jau na myit dai; ngai gaw nang hpe matsan dum ai lam madun dan na nngai n rai.’”

EZEKELA 20:32

Nanhte gaw kaga masha amyu baw ni zawn byin mayu myit dai; maigan mungdan hkan shanu nga ai amyu masha ni zawn hpun, nlung hpara ni hpe nawku na matu nanhte myit makun da nga myit dai. Rai ti mung, dai zawn re ai maw mawn ai lam galoi mung byin wa na ra ai n rai.

EZEKELA 20:39

Dai Tsaw Htum ai Madu gaw, “Israela amyu masha yawng hte e, nanhte pyaw pyaw rai nga mu! Shing rai matut nna nanhte a hpara sumla ni hpe daw jau mu! Rai ti mung nanhte a hpara sumla ni hpe kumhpa ni hte nawng jau ya ai hte nye a chyoi pra ai amying hpe jahpoi ai amu, ndai kalang a hpang jahkring kau nhtawm nye a ga hpe madat na rai myit dai, ngu nna ngai nanhte hpe sadi jaw nngai.

KASA 19:26

Rai ti mung ya ndai Pawlu ngu ai wa gaw Ehpesu mare e sha n rai sa, ganoi Asi mung ting ngu na wa masha lata hte galaw ai karai ni gaw Karai Kasang n re nga nna masha law law hpe gunglau ai hte myit shayit kau ya manu ai gaw, nanhte nan mu lu na lu nga myit dai.

KASA 7:42

Dai rai nna myihtoi laika hta, “Israela amyu masha ni mali shi ning tup nam mali e nanhte a dusat hkungga ni hpe sat nna nawng jau ai gaw ngai hpe jaw ai n rai myit dai!

TARA JAHPRANG 28:36

“Nanhte mung, nanhte a nji nwa ni mung shawng de garai n sa nga yu ai maigan mung de nanhte hte nanhte a hkawhkam wa hpe dai Madu woi mat wa na ra ai; shing rai dai mung e, hpun hte mung, nlung hte mung galaw ai hpara ni hpe nanhte nawku daw jau na marin dai.

TARA JAHPRANG 28:64

Dai Madu gaw ginding aga htum maga mi kaw nna, ginding aga a maga mi de du hkra masha amyu ni yawng hpang de nanhte hpe shabra kau na ra ai. Shing rai nang hte nanhte a nji nwa ni pyi shawng de galoi mung n nawku yu ai dai hpun nlung hte galaw ai hpara ni hpe nawku daw jau na marin dai.

TARA JAHPRANG 29:17

Hpun, nlung, aja gumhpraw ni hte galaw tawn ai shanhte a matsat shabat re ai hpara sumla ni hpe nanhte mu manit dai.

SHINGRAN 9:20

Ndai tsin-yam tsindam hta na lawt lu nna naw ngam nga ai shinggyim masha ni gaw, shanhte galaw ai amu kaw na myit malai n lu ma ai. Shanhte gaw jinat ni hpe mung, myi n mu, na n na lu ai hte n chye hkawm ai, ja, gumhpraw, magri, nlung hte hpun sumla ni hpe nawku ai lam hpe mung n jahkring kau ma ai.

1 SAMUELA 26:19

Nye a madu hkawhkam wa e, ngai tsun na ga madat u. Dai Madu nan ngai hpe nhtang gumlau na hku nang hpe shadut ai rai yang, shi hpe nawng ya ai hkungga a majaw shi a myit hpe galai shai kau shangun nga u ga; rai ti mung masha e dai hpe galaw ai rai yang chyawm gaw dai Madu a dagam dala gaw shanhte a ntsa e hkrat bun nu ga. Dai Madu a lamu ga kaw nna maigan hpara ni hpe chyu sha nawku ai shara de ngai hpe gawt shapraw kau nga myit dai.