TARA JAHPRANG 4:26 - Jinghpaw Common Language Bible 2009

²⁶ Ngai gaw sumsing lamu hte ginding aga a mying gang let, nanhte hpe sakse hkam da made ga, nye a ga hpe nanhte n madat n hkan sa ai rai yang, kade n na yang, dai mungdan hta htum mat na rai myit dai. Yawdan hka rap nna nanhte shang madu la hkyen ai mungdan hta grai na hkra hkrung nga lu na myit dai n rai. Nanhte gaw tsep kawp shamyit kau ai hkrum na rai myit dai.

Jinghpaw Hanson Version Bible

²⁶ Sumsing lamu hte ginding aga e gang nna dai ni ngai nanhte hpe madat tsun da made ga, Yawdan hka rap nna nanhte shang sha ai mungdan hta gade n na yang teng teng htum mat na myit dai; dai mung hta na na wa hkrung nga lu na myit dai n rai: atsai awai htum mat kaw du na marin dai.

TARA JAHPRANG 4:26 ပူးပေါင်းရင်းမြစ်များ

NINGPAWT NINGHPANG 19:13

hpa majaw nga yang, ndai shara hpe an jahten kau na saga ai. Ndai masha ni a hkrit hpa mara shagun ai lam ni hpe na ai majaw Sodom mare hpe jahten kau na matu dai Madu an hpe shangun dat nu ai,” ngu nna tsun mu ai.

1 HKAWHKAM 9:7

shanhte hpe ngai jaw da ai mungdan kaw nna nye a amyu masha ni hpe yeng kau nna, ngai hpe nawku na shara ngu nna ngai majai da sai ndai Nawku Htingnu hpe mung ngai kau da na nngai. Shara shagu hkan nga nga ai masha amyu baw ni mung Israela hpe asawng asang rai nna n gawn n sawn di kau na mara ai.

ESAIA 1:2

Dai Madu gaw, “Ginding aga hte sumsing lamu e, ngai hpa tsun nga nngai hpe madat ya e! Ngai bau maka nna kaba wa ai kashu kasha ni ngai hpe gumlau nga masai.

ESAIA 6:11

Ngai gaw, “Madu e, dai zawn re ai gaw kade daram na wa na rai ta?,” ngu nna san nngai. Shi gaw, “Mare ni hten run mat nna, kaman byin mat ai aten du hkra, dum nta ni katsi katsang tai mat nna lamu ga shi nan akrin akraw rai nna lamu ga hpe lahpawt lama di shakram da ai aten du hkra rai na rai nga ai,” ngu nna htan wu ai.

YEREMIA 16:13

Shaloi, ngai gaw nang hte na a nji nwa ni pyi n chye ai mung de ndai mung kaw nna nang hpe shaden kau na nngai. Dai mung hta nang gaw kaga hpara sumla ni hpe shani shana daw jau na myit dai; ngai gaw nang hpe matsan dum ai lam madun dan na nngai n rai.’”

YEREMIA 2:12

Dai rai nna, ngai gaw shamau kau na matu hte mau mahka mat na matu, ja ja hkrit gari ai hte ashun na matu sumsing lamu hpe hkang da nngai,

YEREMIA 22:29

O lamu ga e, lamu ga, lamu ga e, Dai Madu ning nga tsun sai ga hpe madat u:

YEREMIA 32:24

“Babelon masha ni gaw mare hpe gasat la na matu mare grup grup hkan kaduk ni htu da nna shanhte htim gasat ma ai. Hpyen majan, kawsi hpang gara ai hte ana zinli ni gaw dai mare hpe shanhte a hpyen ni a lata de hkrat sum shangun nga ai. Nang tsun ai hte maren, yawng mayawng byin mat wa nga ai hpe nang mu lu nga ndai.

YEREMIA 44:22

Nanhte a n hkru n shawp ai hte matsat shabat re ai arawn alai ni hpe dai Madu gaw loi mi pyi n lu sharang nu ai majaw, nanhte a mungdan gaw dai ni rai nga ai hte maren shingran sharat katsi mat ai hte dai mung hta kadai mung shanu nga ai n rai. Dai gaw yu hkrit hpa shara tai mat nna dai mungdan a mying hpe mung masha amyu ni dagam dala ga tsun ai hta lang nga ma ai.

YEREMIA 6:19

Ginding aga e, madat u! Shanhte gaw nye a sharin shaga ai ga ni hpe shinggan kau ya ai hte nye a matsun maroi mungga ni hpe n hkan ma ai majaw, shanhte a myit mang yaw shada ai lam yawng a matu ari, ndai amyu masha ni a ntsa e sharun shabyak ai tsin-yam tsindam shapraw dan na we ai.

EZEKELA 33:28

Ngai gaw dai mungdan hpe katsi katsang shara shatai kau nna shanhte a gumrawng ai daru magam n-gun hpe jahtum kau ya na nngai. Israela a bum ni gaw grai htat ai mali tai mat nna kadai mung dai lam hku n lai lu na mara ai.

EZEKELA 36:4

Dai rai nna, bum ni hte kawng ni, hkaraw hkamwam ni hte kadit ni, jahten sharun tawn da sai shara ni, hte grup yin masha amyu baw ni yawng e lanep hta nna n kaw n law di hkrum let jahkam da sai mare ni hte seng nna Tsaw Htum ai dai Madu ngai nan tsun ai mungga madat la mu.

JAW JAU 18:28

Shaloi nanhte a shawng e shanu nga yu sai tara maigan masha ni matsat shabat lam hkan galaw kau ai zawn dai lamu ga gaw nanhte hpe awu asin di na ra ai.

MIHKA 1:2

Masha amyu baw ni yawng hte e, ndai lam na la mu; Ginding aga ntsa e nga ai ni yawng hte e, ndai lam madat la mu! Tsaw Htum ai dai Madu gaw nanhte hpe sakse madun na ra ai. Madat mu! Shi gaw shi a sumsing htingnu kaw nna mungga tsun nga ai.

MIHKA 6:2

Bum ni hte dinggrin anga nga ai mungkan ga na npawt nhpang ni e, dai Madu a amu madat mu! Dai Madu gaw shi a amyu masha ni hte dangrang na amu langai lu nga ai. Shi gaw Israela hpe mara shagun na ra ai.

LUKA 21:24

Nkau mi gaw nhtu hte sat kau hkrum nna, kaga ni gaw bawng hku masha amyu shagu ni e mungdan kaga ga de rim woi mat wa ai hkrum na mara ai rai nna, maigan amyu ni a matu Karai Kasang ladaw da ai nhtoi htum ai shani du hkra, Yerusalem mare gaw maigan amyu ni e kabye dip up da ai hkrum na ra ai.

TARA JAHPRANG 11:17

Dai hpe nanhte galaw myit dai rai yang, dai Madu gaw nanhte hpe masin pawt nna nanhte a lamu ga hpe nai mam n tu mat u ga nga, ja ja hkun hkraw mat hkra marang n jahtu ya na rai wu ai. Shi nanhte hpe jaw ai mungdan gaw kaja nga tim pyi kade n na yang nanhte gaw dai mung e si mat na rai myit dai.

TARA JAHPRANG 28:20

“Nanhte gaw dai Madu hpe ningdang kau nhtawm n hkru ai amu galaw myit dai rai yang, nanhte tsep kawp hten byak mat nna alawan hten run mat ai aten du hkra, nanhte galaw ai lam magup hta tsin-yam tsindam, kaming kamawng kashuk kashak hte ru yak shoihpa shoirang amu, nanhte a ntsa e du shangun na ru ai.

TARA JAHPRANG 28:22

Dai Madu gaw nanhte hpe hpyi shan hta bum akawng nna machyi ai, kap chye ai ana ahkya hte nanhte hpe hkra shangun na ra ai; nanhte a nsi naisi ni hpe jahten kau ya ai jan gri ai hte kahtet kang ai nbung ni hpe shangun dat na ra ai. Dai tsin-yam tsindam ni gaw nanhte si htum mat ai aten du hkra nanhte kaw hkan nang na mara ai.

TARA JAHPRANG 28:45

“Nanhte gaw dai Madu nanhte a Karai Kasang a ga hpe n madat ai hte nanhte hpe jaw ya ai tara ni yawng hpe n hkan shatup nga myit dai majaw nanhte hpe jahten sharun kau ai aten du hkra ndai tsin-yam tsindam ni yawng nanhte a ntsa e du nna nanhte hte rau anga nga na ra ai.

TARA JAHPRANG 28:61

Shi gaw Karai Kasang a tara ni hte sharin shaga ai laika hta n ka shalawm yu ai ana ahkya hte ana zinli hkum sumhpa yawng hpe mung dat dat na ra ai; nanhte gaw shamyit kau ai hkrum na rai myit dai.

TARA JAHPRANG 29:28

Dai Madu a masin kahtet let pawt sindawng ai gaw grung wa ai rai nna, de a majaw shanhte hpe mungdan kaw nna shaw shapraw kau nhtawm maigan mung de gawt shapraw kau wu ai rai nna dai yang e dai ni du hkra nga nga ma ai,’ ngu nna htan na rai ma ai.

TARA JAHPRANG 31:28

Nanhte a amyu bawsang ni yawng hte seng ai ningbaw ni hte du salang ni yawng hpe nye a man e jahpawng tawn mu; shaloi ndai ga ni shanhte hpe tsun dan lu n-ga, shanhte a matu nye a sakse tai na, sumsing lamu hte ginding aga hpe ngai shatai na we ai.

TARA JAHPRANG 32:1

“Sumsing lamu hte ginding aga e, nye a ga ni hpe na la u, ngai kaning nga tsun nga ai ga hpe ani sha madat la u.

TARA JAHPRANG 7:4

hpa majaw nga yang, dai Madu kaw na yit mat wa nhtawm kaga hpara shaje ni hpe nawku shangun na nga, nanhte a ma ni hpe shanhte lam shayit kau na mara ai. Dai hku byin wa ai rai yang, dai Madu nanhte hpe masin pawt nna akajawng sha shamyit kau na ra ai.

TARA JAHPRANG 8:19

Dai Madu nanhte a Karai Kasang hpe galoi mung hkum malap kau myit; kaga karai ni hpe nawku daw jau na dai de galoi mung hkum kayin mat myit. Nanhte rai nna hkan nang myit yang chyawm gaw teng teng shamyit kau ai hkrum na rai myit dai ngu nna, dai ni ngai nanhte hpe sadi jaw nga nngai.

TARA JAHPRANG 8:20

Nanhte mahtang dai Madu a ga hpe n madat myit dai rai yang, nanhte rawt lung wa myit dai shaloi amyu baw ni hpe shi shamyit kau ai zawn nanhte mung shamyit kau ai hkrum na rai myit dai.

YAWSHU 23:16

Dai Madu nanhte a Karai Kasang gaw nanhte hkan shatup na matu hkang da ai ga shaka hpe nanhte tawt lai nna, kaga hpara shaje hpe nawku daw jau myit dai rai yang, shi pawt sindawng ai a majaw nanhte hpe ari jaw na ra ai; shi nanhte hpe jaw da ai ndai kaja ai mungdan hta na kade n na yang, nanhte htum mat na rai myit dai,” ngu nna tsun mu ai.

YAWSHU 24:20

nanhte shi hpe kau da nna maigan hpara ni hpe daw jau dam myit dai rai yang, shi nanhte hpe nhtang tai nhtawm, ari jaw na rai wu ai. Shawng de nanhte hpe mai kaja ai hku galaw wu ti mung, shi nanhte hpe shamyit kau na rai wu ai,” ngu nna tsun wu ai.