TARA JAHPRANG 4:23 - Jinghpaw Common Language Bible 2009

²³ Dai Madu nanhte a Karai Kasang nanhte hte tawn da ai ga shaka hpe n malap kau myit ga, sadi nga mu; shi hkang da sai ga hpe hkan sa madat mara nhtawm nanhte a matu kaning re ai hpara sumla ni hpe mung hkum tawk myit;

Jinghpaw Hanson Version Bible

²³ Dai re ai majw, nanhte Karai Kasang Yehowa nanhte hte tawn da ai ga shaka hpe malap kau nna, nanhte a Karai Kasang Yehowa hkum da ai arai ni a hkrang hte bung ai tawk ai sumla n galaw hkrup myit ga, tinang dai tinang sadi nga mu.

TARA JAHPRANG 4:23 ပူးပေါင်းရင်းမြစ်များ

2 HKAWHKAM 17:38

Nanhte hte ngai shagrin da sai ga shaka hpe nanhte malap kau lu na myit dai n rai.

1 HKAWHKAM LABAU 16:15

Htani htana agrin nga na matu shi tawn da nu ai Karai Kasang a ga shaka ngu ai

PRU MAT 23:13

“Ngai Madu nan nanhte hpe tsun ai lam magup hpe madat mu; kaga hpara ni kaw akyu hpyi lu na myit dai n rai; shanhte a mying hpe pyi hkum tsun myit.

ESAIA 24:5

Mung masha ni gaw Karai Kasang a hkang da ai tara ni hpe jahten kau ai hku nna mung, prat dingsa agrin nga na matu shi jaw da ai ga shaka ni hpe shut hpyit kau ai hku nna mung, ginding aga hpe awu asin di kau manu ai.

YEREMIA 31:22

Sadi n dung ai amyu masha ni e, galoi aten du hkra kanung nga na ngu myit ni? Ngai gaw ningnan re ai hte shai ai lam lama mi hpe hpan da ni ai, dai gaw numsha gaw lasha hpe makawp maga nga ai zawn shai nga ai,” ngu nna tsun ai.

EZEKELA 16:59

Tsaw Htum ai dai Madu gaw, “Nang gaw na a ga sadi ni hpe hpa n sawn ya ai hte ga shaka hpe jahten kau nit dai majaw, nang hpe ging dan ai hku ngai nang hpe di na nngai.

EZEKELA 8:10

Dai rai nna, kata de ngai shang yu yang, lapu hte kaga n san n seng ai dusat ni hte Israela amyu masha ni nawku nga ai kaga hpara sumla ni hpe bunghku ni hta soi shakap da ai hpe ngai mu nngai.

MALAHKI 4:4

“Israela amyu masha ni yawng hkan sa madat mara na matu, Sina Bum e nye a shangun ma Mawshe hpe ngai jaw ya sai shi a sharin achyin ga, jep ai tara hte hkang da ai ga ni hpe adum nga u.

BU HKAWM 15:39

Dai banbyau ni gaw myit hpe adum nga shangun nga ai rai nna, dai ni hpe aten shagu nanhte mu jang, nye a hkang da ai ga matsun ni yawng hpe dum wa nna madat mara na rai myit dai; dai rai nna ngai kaw na nanhte myi man n kayin mat wa ai hte nanhte myit ra ai hku hkan lu na myit dai n rai.

MAHTE 24:4

Yesu gaw, “Kadai mung nanhte hpe n hkalem lu myit ga, sadi nga mu.

LUKA 12:15

Dai hpang shanhte yawng hpe mung, shi bai tsun mu ai gaw, “Nammak lawhpa lam amyu myu kaw na nanhte a hkum ni hpe makawp maga koi gam let yu sadi nga mu, hpa majaw nga yang, kadai wa gade sut su nga ti mung, shi a asak majing gaw sutgan law htam wa ai hta rawng nga ai n rai,” ngu mu ai.

LUKA 21:8

Yesu gaw, “Nanhte hkalem masu kau ai n hkrum myit ga, sadi nga mu, hpa majaw nga yang, masha law law wa nye a mying hte paw pru nna, ‘Ngai gaw shi rai nngai; Jahtum nhtoi du ra ai; nga nna tsun na mara ai. Shanhte a hpang hkum hkan nang myit.

TARA JAHPRANG 16:22

Hpara sumla nawku na nga, nlung shadaw shadun lu na n rai; dai Madu gaw dai ni hpe n dawng nga ai.

TARA JAHPRANG 27:15

“ ‘Dai Madu gaw hpara sumla nawku ai htung hpe n dawng nga ai rai nna, nlung, hpun hte nhprang arai ni hte tawk nhtawm dai hpe makoi magap nawku ai wa kadai mung Karai Kasang kaw na dagam dala hkrum wu ga law.’ “Shaloi Amyu masha ni yawng gaw, ‘Amen!,’ ngu nna htan na rai ma ai.

TARA JAHPRANG 27:9

Dai hpang Mawshe gaw Lewi hkinjawng ni hte rau Israela amyu masha ni hpe, “Israela amyu masha ni e, atsin sha nga nna, nye a ga madat mu. Dai ni, nanhte gaw dai Madu nanhte a Karai Kasang a amyu masha ni tai nga manit dai;

TARA JAHPRANG 29:25

Shaloi de a mahtai gaw, ‘Dai Madu gaw shanhte hpe Egutu mung kaw nna woi shapraw wa mu ai shaloi, shanhte a kaji kawa ni a Karai Kasang hte tawn da ai ga shaka hpe amyu masha ni jahten sharun kau mu ai majaw mung,

TARA JAHPRANG 31:20

Ngai gaw shanhte a kaji kawa ni hpe ga sadi jaw da sai hte maren, dai ngamu ngamai ai sut hte hpring nna ningru ningja ai mungdan de shanhte hpe woi wa ai shaloi, dai mung e shanhte sha mayu, lu mayu ai lusha hkum dingnum sha lu nna, ngwi pyaw sim sa ai hte nga lu na mara ai. Rai ti mung, shanhte mahtang lam dam mat nhtawm hpara shaje ni hpe nawku daw jau mat na mara ai; ngai hpe ningdang kau ma ai majaw nye a ga shaka hpe jahten kau na mara ai;

TARA JAHPRANG 4:25

“Nanhte gaw kashu kasha shaprat nna dai mungdan e aten na na nga wa myit dai shaloi mung, nanhte a matu ngu nna lama ma a hkrang hte bung ai hpara sumla hpe tawk let yubak mara hkum galaw shapraw myit. Dai zawn re ai amu gaw dai Madu a man e n hkru ai amu rai nga ai hte dai gaw shi hpe masin pawt shangun na rai myit dai.

TARA JAHPRANG 4:9

Nanhte hkum nan sadi maja nga mu! Nanhte a myi hte chyaw mu lu sai lam hpe n malap kau ai sha ahkrung nga dingsa shangang shakang da myit; nanhte a myit masin hta a matsing nga mu. Shi gaw ngai hpe, ‘Amyu masha ni hpe jahpawng tawn u; shanhte hkrung nga dingsa nye a ga hpe madat mara hkan sa nhtawm dai hte maren shanhte a kashu kasha ni hpe sharin achyin ya lu hkra ngai tsun ai ga shanhte hpe na la shangun mayu nga nngai,’ ngu nna Sina Bum hta dai Madu nanhte a Karai Kasang a man e tsap nga ai shani na matsun maroi ga, nanhte a kashu kasha ni hpe tsun dan mu.

TARA JAHPRANG 5:2

Dai Madu anhte a Karai Kasang gaw Sina Bum e, anhte a kawa ni hte sha n rai;

TARA JAHPRANG 6:12

mayam tai nga ai Egutu mung kaw na nang hpe hkrang shaw wa ai dai Madu hpe n malap kau myit ga, sadi nga mu.

HEBRE 3:12

Kam sham ai hpu nau ni e, ahkrung nga ai Karai Kasang kaw na htak mat wa hkra n hkru n shawp kam shut chye ai myit masin rawng ai masha nanhte hta na langai mi mung n lawm malit ga, sadi nga mu.

YAWSHU 23:11

Dai re ai majaw sadi sahka hte dai Madu nanhte a Karai Kasang hpe tsaw ra nga mu.

YAWSHU 23:16

Dai Madu nanhte a Karai Kasang gaw nanhte hkan shatup na matu hkang da ai ga shaka hpe nanhte tawt lai nna, kaga hpara shaje hpe nawku daw jau myit dai rai yang, shi pawt sindawng ai a majaw nanhte hpe ari jaw na ra ai; shi nanhte hpe jaw da ai ndai kaja ai mungdan hta na kade n na yang, nanhte htum mat na rai myit dai,” ngu nna tsun mu ai.