TARA JAHPRANG 4:22 - Jinghpaw Common Language Bible 2009

²² Ngai gaw ndai ga e si na ni ai; hka hpe galoi mung rap lu sana ni ai n rai; rai ti mung nanhte chyawm gaw rap lu nna dai ga sau hte hpring nna ningru ningja ai mungdan hpe madu la lu na rai myit dai.

Jinghpaw Hanson Version Bible

²² Dai rai nna, ndai ga e ngai si na ni ai; Yawdan hka ngai rap lu sa na n rai; nanhte chyawm gaw rap sa wa nna dai mai kaja ai mungdan shang sha lu na manit dai.

TARA JAHPRANG 4:22 ပူးပေါင်းရင်းမြစ်များ

AMO LAIKA (AMOS) 3:2

“Ginding aga ntsa na masha amyu baw yawng hte e, nanhte gaw ngai chye nna lanu lahku la yu sai ni chyu sha rai nga myit dai. Dai gaw nanhte a yubak mara hpe grai hkrit tsang shangun nga ai, dai re ai majaw, ngai gaw de a matu nanhte hpe ari jaw na nngai.”

BU HKAWM 27:13

Dai hpe nang mada la ngut jang, na a nhpu Arun zawn si na rai ndai; hpa majaw nga yang, Zin Nam Mali e nan lahkawng nye a hkang da ai ga hpe gumlau kau myit dai.

BU HKAWM 27:14

Shawa hpung ting dai Meriba shara e ngai hpe aput angun nga nna nhtan shai hkat nga yang, shanhte a man e nye a chyoi pra ai daru magam n-gun hkam la na ningdang kau myit dai,” ngu nna tsun wu ai. (Meriba gaw Zin Nam Mali na Kadesha shara hta pru ai hka hpawk rai nga ai.)

BU HKAWM 31:2

“Israela amyu masha ni hpe shanhte woi galaw shut ai a matu, Midian masha ni hpe ari jaw mu. Dai bungli hpe nang galaw shangut da lu ai hpang, nang si lu na rai ndai,” ngu nna tsun wu ai.

TARA JAHPRANG 1:37

Dai Madu gaw nanhte a majaw ngai hpe mung pawt ai hte, ‘Mawshe e, nang pyi dai mungdan de shang lu na n rai.

TARA JAHPRANG 3:25

Madu e, Yawdan hka wora hkran de nga ai dai namhpun rawng nna kaja tsawm ai bum ga hte Lebanon Bum ni hpe mu lu n-ga, ngai hpe Yawdan hka rap shangun e law,’ ngu nna akroi anoi hpyi nem wu ai.

TARA JAHPRANG 3:27

Pisga bum pungding de lung wa nhtawm sinpraw, sinna, dingdung dingda maga de yu la u. Nang gaw Yawdan hka galoi mung rap lu na n rai nit dai majaw nang mu mamu hpe atsawm sha mada la u.

TARA JAHPRANG 31:14

Dai hpang dai Madu gaw Mawshe hpe, “Nang gaw aten na na wa naw hkrung nga lu na ndai n rai. Yawshu hpe shaga la nhtawm Sum de woi sa wa rit, ngai shi hpe ga matsun ni tsun we ga,” ngu nna tsun wu ai. Mawshe yan Yawshu mung dai Sum de sa wa ma ai;