TARA JAHPRANG 4:2 - Jinghpaw Common Language Bible 2009

² Ngai nanhte hpe hkang da ai lam hta hpa mung jat bang lu na n rai; dai hta na hpa mung shaw kau lu na n rai. Ngai nanhte hpe jaw da sai dai Madu nanhte a Karai Kasang a hkang da ai ga matsun ni hpe madat mara na rai myit dai.

Jinghpaw Hanson Version Bible

² Dai ngai nanhte hpe hkang da ai hte hta ga ningnan jat lu na n rai, ndai hta na langai mi muk lai kau lu na n rai: ngai nanhte hpe hkang da sai nanhte a Karai Kasang Yehowa a tara matsun ni hpe nanhte hkan shatsup nga lu na rai myit dai.

TARA JAHPRANG 4:2 ပူးပေါင်းရင်းမြစ်များ

SHAKAWN KUNGDAWN 78:7

Ndai lam hku nna, shanhte mung Karai Kasang hpe kam hpa na mara ai; shi galaw dan sai amu ni hpe shanhte malap kau na mara ai n rai, dai sha n ga, shi a hkang da ai tara ni hpe tut nawng madat mara na mara ai.

GA SHAGAWP 30:6

Shi galoi mung n tsun yu ai lam lama mi hpe, shi tsun nu ai ngu nna hkrak tsun ai rai yang chyawm gaw nang masu ai wa rai nga ai hpe, shi madun nna nang hpe daru sharin na ra ai,”

HPAJI NINGLI 12:13

Ya ndai lam yawng mayawng shapraw ngut ai hpang, tsun dan na lama mi sha nga sai: Karai Kasang hpe hkrit hkungga u, shi a hkang da ai lam ni hpe madat mara nga u, hpa majaw nga yang dai gaw anhte hpan da hkrum nga ga ai a lam madung rai nga ai.

YEREMIA 26:2

Dai Madu gaw ngai hpe, “Nawku Htingnu wang kata e tsap let Yuda mare ni kaw na du sa wa ai amyu masha ni nawku na matu ngai nang hpe hkang da ni ai lam yawng shanhte hpe htawn tsun u. Ngai tsun shangun ai ga hpa hpe mung hkum shangam kau et.

MAHTE 5:18

Nanhte hpe ngai teng teng tsun made ga, lamu hte aga she anga nga dingsa gaw, dai jep ai tara hta na ga kanu langai mi hte kaji dik ai ga madin langai mi pyi n dik n tup ai sha lai mat wa lu na n rai.

MAHTE 5:43

‘Na a jinghku ni hpe tsaw ra nna, na a hpyen ni hpe n dawng n yawt lu na n dai,’ nga ai hkang da ai ga hpe nanhte na yu manit dai.

GALATI 3:15

Nye a hpu nau ni e, nanhte shani shagu hkrum kadup nga ai lam ni hta ga shadawn langai mi hpe la nna ngai tsun na; masha lahkawng gaw lam lama mi hta myit hkrum nna ga sadi masat laika ka da ngut ai shaloi, dai hpe kadai mung tawt lai lu ai n rai, shing n rai jat bang lu ai n rai.

TARA JAHPRANG 1:3

Egutu mung kaw nna shanhte pru mat wa ai hpang, mali shi ning a shata shi langai a praw langai ya ngu na shani e, dai Madu shi hpe hkang da mada hte maren, Israela amyu masha ni hpe tsun na lam Mawshe htawn tsun wu ai.

TARA JAHPRANG 12:32

“Ngai nanhte hpe hkang da made ai hte maren, lam magup hte hpe hkan galaw nga mu; dai tara hta kaga hpa mung jat la lu na myit dai n rai; shayawm mung shayawm kau lu na myit dai n rai.

TARA JAHPRANG 13:1

“Myihtoi langai ngai shing n rai yup mang htai chye ai wa langai ngai gaw shawng de nanhte garai n nawku yu ai karai ni hpe nawku daw jau wa hkra lam woi na nga, mauhpa lamik kumla amu galaw shapraw dan na ga sadi jaw wa na ra ai. Dai rai nna shi tsun ai ga sadi teng wa tim pyi, dai wa a ga hkum madat ya myit. Nanhte gaw dai Madu hpe nanhte a myit masin mahkra hte tsaw ra nga myit dai hpe chye lu hkra nga, dai Madu nanhte a Karai Kasang gaw nanhte hpe chyam yu na matu shanhte hpe lang nga ai.

TARA JAHPRANG 33:4

Anhte amyu baw ni a matu grau reng htum ai sali wunli ngu ai, Mawshe anhte jaw ya ai Tara hpe anhte madat mara hkan sa ga ai.

TARA JAHPRANG 4:14

Nanhte hpe sharin achyin ya na matu dai Madu ngai hpe hkang da ai tara ga ni yawng hpe nanhte shang madu la hkyen ai mungdan hta nanhte hkan sa madat mara lu na rai myit dai.

TARA JAHPRANG 4:40

Nanhte hte nanhte a amyu matu ni yawng ngamu ngamai wa lu myit ga, dai ni, ngai nanhte hpe jaw da sai shi a tara ni yawng hpe madat mara hkan sa nga mu; shaloi dai Madu nanhte a Karai Kasang nanhte hpe htani htana a matu jaw ya nga ai mungdan hta prat tup jaw lup matut nna nga lu na rai myit dai,” ngu nna tsun wu ai.

TARA JAHPRANG 4:5

“Dai Madu nye a Karai Kasang ngai hpe tsun ai tara ni yawng ngai nanhte hpe sharin achyin ya mani ai. Nanhte shang madu la hkyen nga ai mungdan hta dai matsun maroi ga hte hkang da ai tara ni hpe madat mara nga mu.

TARA JAHPRANG 5:29

Shanhte dai zawn tut nawng hkam sha nga ma hka! Ngai hpe tut nawng shagrau sha-a nna nye a hkang da ai ga yawng hpe hkan galaw mu ai rai yang chyawm gaw, shanhte hte shanhte a matu mara ni a lam magup hta htani htana ngamu ngamai wa na rai ma ai.

TARA JAHPRANG 5:32

“Israela amyu masha ni e, dai Madu nanhte a Karai Kasang nanhte hpe hkang da manit dai hte maren, lam magup hpe hkrak hkrak hkan galaw lu na rai myit dai. Shi a hkang da ai tara hpa hpe mung n madat n mara hkum rai myit.

YAWSHU 1:7

Myit jahkut daw dan nna kam hpa u; nye a shangun ma Mawshe nang hpe jaw ya sai Tara mahkra hpe teng teng madat mara hkan sa na rai ndai. Dai tara daw chyen mi hpe pyi n gawn n sawn hkum di kau et; shing rai jang, nang du hkawm ai shara shagu hta awng dang ai chyeju hkam la lu na rai ndai.

YAWSHU 8:35

Yawshu mung Mawshe hkang da mada hpe shawa hpung ting hte shanhte hta na numsha ni hte ma kaji ni, shanhte hta hkan nang ai maigan masha ni yawng a man e hti dan wu ai.