TARA JAHPRANG 4:19 - Jinghpaw Common Language Bible 2009

¹⁹ Nanhte mu lu ai lamu na ajan, shata hte shagan ni hpe nawku daw jau ai agung alau mung n hkrum nga myit ga; dai gaw kaga masha yawng a matu dai Madu nanhte a Karai Kasang san da ya ai ni rai nga ai.

Jinghpaw Hanson Version Bible

¹⁹ sumsing lamu de mada yu nna mung, na a Karai Kasang Yehowa gaw sumsing lamu a npu na shinggyim masha ni a matu san da ai ja, shata, shagan ni ngu ai sumsing lamu a zaw nawng zaw wa ni hpe mu lu myit dai shaloi, dai hpe nawku ga nga yang, nanhte n naw n ku na hte n hkan nang shut lu hkra, tinang dai tinang sadi nga mu.

TARA JAHPRANG 4:19 ပူးပေါင်းရင်းမြစ်များ

NINGPAWT NINGHPANG 1:14

Dai hpang Karai Kasang gaw, “Shani hte shana hpe karan ginhka na matu mung, shani nhtoi, shaning nhtoi hte du hkra ladaw a aten ladaw langa hpe madun dan na matu mung, lamu ntsa e nhtoi ni dan pru wa mu ga;

NINGPAWT NINGHPANG 2:1

Shaloi ninggawn tawa ting a amu gaw ngut kre nna hkum tsup nga sai.

2 HKAWHKAM 17:16

Shanhte gaw dai Madu shanhte a Karai Kasang a tara ni yawng hpe jahten sharun kau nhtawm shanhte nawku na matu nhprang arai hte shachyaw ai dumsu kasha sumla lahkawng hpe galaw ma ai. Shanhte gaw Ashera karai num a gawkngu sumla langai mi hpe galaw nna, shagan ni hpe nawku let Bala karai ni hpe daw jau nga ma ai.

2 HKAWHKAM 21:3

Shi a kawa Hezekia run jahten kau sai tara maigan masha ni a nawku shara ni hpe shi bai de da nna, Israela Hkawhkam Ahab galaw nu ai hte maren, Bala hpe nawku na tawn hkungri ni hpe shi galaw nna Ashera karai num a gawkngu sumla hpe mung galaw nu ai. Manashe gaw shagan ni hpe nawku wu ai.

2 HKAWHKAM 23:11

Shi gaw jan hpe nawku yang, Yuda hkawhkam ni e ap nawng da ai gumra ni hpe mung dawm kau ya wu ai. Bai nna nawku ai hta lang ai gumra leng ni hpe mung nat kau ya wu ai. (Dai ni hpe du kaba Nahtan Melek a nta kaw nna grai wa n tsan ai chyinghka makau hte htep re ai nawku htingnu wang kata hta tawn da nga ai.)

2 HKAWHKAM LABAU 33:3

Shi a kawa Hezekia e jahten sharun kau nu ai tara maigan masha ni a nawku shara ni hta nawku na tawn hkungri ni hpe mung, Ashera karai num a hkrang sumla ni hpe mung shi galaw nna shagan ni hpe nawku wu ai.

NEHEMIA 9:6

Dai hpang Israela amyu masha ni ndai kyu hpyi ga hte hpyi ma ai: “Nang, Madu, nang chyu sha Madu rai nga ndai; nang gaw sumsing lamu ni hte lamu na shagan ni hpe hpan da nga ndai. Nang gaw lamu ga hte panglai hte dai hta rawng marawng ni hpe hpan da nna; dai ni yawng hpe nang asak jaw ya nga ndai. Sumsing lamu na daru magam n-gun atsam ni nang hpe gum dagup ai hte nang hpe nawku ma ai.

SHAKAWN KUNGDAWN 19:3

N-gup aga hte n shaga ai sha, hpa nsen mung n na lu nga ai;

YEREMIA 19:13

Nta numgaw hkan e, shagan ni hpe manam pyaw ai baw wan nat nawng nna, kaga hpara ni hpe hkungga nawng jau ai zawn sabyi ru jaw ma ai majaw, Yerusalem mare nta ni hte Yuda hkawhkam ni a nta ni gaw Tohpet shara zawn teng teng awu asin tai mat na ra ai nga nna shanhte hpe htawn tsun u,” ngu nna tsun ai.

YEREMIA 31:35

Dai Madu gaw shani nhtoi a matu ajan, shana e htoi ya na matu shata hte shagan ni hpe tawn da nga ai. Shi gaw panglai ni hpe kabrawng dat nna dai hpe wu kadu shangun nga ai; shi a amying gaw Chyahtum Chyalai N-gun Rawng ai dai Madu rai nga ai.

YEREMIA 33:25

Rai ti mung, dai Madu ngai nan shani hte shana hpe ga shaka ai hte mung, ginding aga hte sumsing lamu hpe up hkang na tara ni hpe mung ngai tawn da ni ai.

YEREMIA 8:2

Sumpum da na hte lup kau na malai, shanhte a nrut nra ni gaw ga ntsa e namhpun zawn taw nga na mara ai. Shanhte gaw shanhte tsaw ra ai hte daw jau yu nna shanhte bawng ban jahkrup ai hte nawku yu sai ajan, shata hte shagan ni a man e lam da ai hkrum na mara ai.

EZEKELA 18:6

Shi gaw Israela a hpara sumla ni hpe n nawku, hkum da ai hkungri ni hta nawng jau ai shagu hkungga shan n sha rai nga ai. Shi gaw kaga masha jan hpe n shut ai hte hking sa ai aten hta dai numsha hte n kanawn nga ai.

EZEKELA 8:16

Dai rai nna, shi gaw ngai hpe Nawku Htingnu wang kata de matut nna woi sa wa wu ai. Dai chyoi pra ai Nawku Htingnu a chyinghka lam makau na npan hte tawn hkungri lapran e masha hkun manga daram nga nga ma ai. Shanhte gaw chyoi pra ai Nawku Htingnu hpe shingdu dat kau nhtawm, sinpraw maga de gum dagup let, rawt lung wa nga ai ajan hpe nawku nga ma ai.

ZEHPANI 1:5

Kadai mung tinang nta ntsa de lung wa nna ajan, shata hte shagan ni hpe nawku nga ai ni hpe ngai jahten kau na we ai. Ngai hpe nawku daw jau ai hte ngai hta ga sadi dung nga na nga nna dagam da ai ni ngai kaw nna htak mat wa nhtawm Molek hpara a mying nsang hta ga shaka la ai ni hpe ngai shamyit kau na we ai.

MAHTE 5:45

Shing rai yang gaw, sumsing lamu e nga ai nanhte a Kawa a kasha ni nanhte tai na marin dai; hpa majaw nga yang, shi gaw n kaja ai ni hte kaja ai masha ni a ntsa e maren sha shi a jan hpe shi mai ya nga ai rai nna, kaja ai galaw ai ni hte n kaja ai galaw ai ni a ntsa e marang jahtu ya mu ai.

KASA 7:42

Dai rai nna myihtoi laika hta, “Israela amyu masha ni mali shi ning tup nam mali e nanhte a dusat hkungga ni hpe sat nna nawng jau ai gaw ngai hpe jaw ai n rai myit dai!

ROMA 1:25

Shanhte gaw Karai Kasang a teng man ai lam hpe masu ai hte galai kau mu ai rai nna, Hpan da ai Wa a malai Karai Kasang e hpan da ai arai ni hpe nawku daw jau ma ai. Hpan da ai Wa a hpung shingkang hpe htani htana shagrau sha-a shakawn kungdawn nga mu ga law! Amen.

TARA JAHPRANG 13:10

Shi gaw nanhte mayam tai nga ai Egutu mung kaw na hkrang shaw la ai dai Madu nanhte a Karai Kasang kaw na lam woi shadam na hku shakut nga ai majaw shi hpe nlung hte kabai sat kau mu.

TARA JAHPRANG 13:5

Rai ti mung, nanhte mayam tai nga ai Egutu mung kaw na hkrang shaw la ai dai Madu hpe gumlau na hku tsun ai myihtoi shing n rai yup mang hkai chye ai wa kadai mung sat kau ai hkrum na rai wu ai. Dai zawn re ai wa gaw n hkru n shawp nga ai rai nna dai Madu nanhte hpe hkang da nu ai hte maren hkrung nga ai asak hkrung lam kaw na nanhte hpe lam woi shadam shakut nga ai. Ndai n hkru n shawp ai amu kaw na seng kau na matu shanhte si lu na rai ma ai.

TARA JAHPRANG 17:3

dai Madu a hkang da ai ga hte nhtan shai nna kaga karai ni hte jan, shata hte shagan ni hpe nawku let daw jau ai rai yang,

TARA JAHPRANG 4:18

ga ntsa gumrawt hkawm ai dusat amyu a hkrang, hka kata e rawng ai nga amyu baw a hkrang ni hte bung ai tawk la ai sumla ni galaw lu na n rai.