TARA JAHPRANG 4:13 - Jinghpaw Common Language Bible 2009

¹³ Shi nanhte hte tawn da ai ga shaka hpe shatup nna hkan galaw nga na matu mung, nlung lungpa lahkawng hta shi ka da nu ai Tara Kanu Shi hpe nanhte madat mara hkan sa lu na lam mung, shi shanhte hpe tsun nu ai.

Jinghpaw Hanson Version Bible

¹³ Nanhte hkan nga lu na matu, hkang da ai ga shaka ngu na tara ga kanu shi mung, shi nan nanhte hpe tsun dan nna, lungpa lahkawng hta ka da nu ai.

TARA JAHPRANG 4:13 ပူးပေါင်းရင်းမြစ်များ

1 HKAWHKAM 8:9

Israela amyu masha ni Egutu mung na pru wa yang, dai Madu gaw Sina Bum e shanhte hte ga shaka tawn da nhtawm Mawshe tawn da ai lung pa lahkawng hta kaga, dai Ga Shaka Sumpu e hpa mung n rawng nga ai.

SHAKAWN KUNGDAWN 119:4

Madu e, nang anhte hpe na a hkang da ai tara ni hpe jaw ya nhtawm; dai ga matsun ni hpe kangka ai hte madat mara hkan sa na matu, nang anhte hpe tsun da nit dai.

PRU MAT 19:5

Ya chyawm gaw nanhte nye a ga madat nna, nye a ga shaka hpe mung shadik shatup myit dai rai yang, nye a amyu masha majing tai na myit dai. Lamu ga ting nye a rai nga li ai, nanhte mahtang ngai lata la ai amyu masha ni tai na rai myit dai,

PRU MAT 24:12

Dai Madu gaw Mawshe hpe, “Ngai nga ai bum de lung wa rit; ndai yang e nang nga nga ai shaloi, amyu masha ni hpe sharin achyin ya lu na matu, ngai ka da ai tara ni yawng lawm ai lungpa lahkawng ngai nang hpe jaw dat na we ai,” ngu nna tsun wu ai.

PRU MAT 31:18

Karai Kasang gaw Sina Bum ntsa e Mawshe hte ga shaga ngut jang, Karai Kasang shi nan ka ai hkang da ai ga kap ai lungpa lahkawng shi hpe ap dat ya wu ai.

PRU MAT 34:1

Dai Madu gaw Mawshe hpe, “Shawng na lungpa yan zawn re ai lungpa lahkawng ga la u; nang agrawp kau ai shawng na lungpa yan hta ka da ai ga hte maren, dai lungpa yan hta ngai bai ka da na we ai.

PRU MAT 34:28

Mawshe gaw dai yang e shat mung n sha, ntsin mung n lu ai mali shi ya, mali shi na tup dai Madu hte rau nga nga wu ai. Dai lungpa yan hta ga shaka ngu na Tara Kanu Shi hpe ka da wu ai.

ROMA 9:4

Shanhte gaw Karai Kasang e lata la ai amyu rai nga ma ai; Karai Kasang gaw shanhte hpe kasha yin la nna, shi a hpung shingkang shadan dan mu ai hte shanhte hte ga shaka tawn da nna jep ai Tara jaw mu ai. Shanhte gaw teng man ai nawku daw jau ai lam hte Karai Kasang a ndat ga ni hpe mung hkam la lu ma ai.

2 KORINHTU 3:7

Lungpa hta ka da ai jep ai tara hpe jaw ai shaloi, Karai Kasang a hpung shingkang htoi kabrim dan pru nga ai. Dai hpung shingkang a htoi ahkung ai gaw Mawshe a myi man kaw na yat yat hkoi mat wa magang nga ai. Rai ti mung nachying wa naw htoi kabrim nga ai majaw Israela amyu masha ni shi a myi man hpe n azi yu lu ma ai. Si hkrung si htan hpe byin shangun ai jep ai tara hpe dai zawn re ai hpung shingkang hte jaw ya ai rai yang gaw,

TARA JAHPRANG 4:12

Dai Madu gaw wan kata kaw na nanhte hpe kaning rai ga shaga myit dai hpe mung, shi a hkum hkrang hpe n mu lu ti mung shi shaga ai ga hpe nanhte kaning rai na lu myit dai lam hpe mung, shanhte hpe tsun mu.

TARA JAHPRANG 4:14

Nanhte hpe sharin achyin ya na matu dai Madu ngai hpe hkang da ai tara ga ni yawng hpe nanhte shang madu la hkyen ai mungdan hta nanhte hkan sa madat mara lu na rai myit dai.

TARA JAHPRANG 5:22

Ndai ni gaw bum e nanhte hpawng nga myit dai shaloi, wan hte htat ai sumwi ni a kata kaw nna nsen kaba hte tsun nhtawm nanhte yawng hpe jaw ya ai hkang da ai ga ni rai nga ai. Dai rai nna lungpa lahkawng hta Jep ai Tara ni hpe ka nna ngai hpe ap ya ai hta lai nna shi hpa mung jaw ya nga ai n rai.

HEBRE 9:4

Dai hta e manam pyaw ai baw nat ai aja hkungri hte hkum ting ja hte sup tawn ai Ga Shaka Sumpu rawng nga ai. Dai Sumpu kata e manna muk rawng ai ja dibu mung, alap hkalung ni prut pru wa ai Arun a dawhkrawng mung, jep ai Tara hpe ka tawn ai lungpa 2 mung, rawng nga ai.