TARA JAHPRANG 4:1 - Jinghpaw Common Language Bible 2009

¹ Dai hpang Mawshe gaw amyu masha ni hpe, “Ngai nanhte hpe sharin ya nga ai tara ni yawng hpe madat mara nga mu; shaloi dai Madu nanhte a kaji kawa ni a Karai Kasang nanhte hpe jaw ya nga ai lamu ga hpe nanhte madu la nna nga nga lu na marin dai.

Jinghpaw Hanson Version Bible

¹ Ya, Israela amyu e, nanhte asak hkrung nga lu nna, nanhte a nji nwa ni a Karai Kasang Yehowa nanhte hpe jaw da ai mungdan hta shang madu sha lu hkra, nanhte hkan shatsup nga na matu ngai sharin achyin da ai matsun maroi ga hte hkang da ai tara ga hpe madat mara la mu.

TARA JAHPRANG 4:1 ပူးပေါင်းရင်းမြစ်များ

SHAKAWN KUNGDAWN 105:45

Shing rai, shi a amyu masha ni shi a tara ni hpe madat nna; shi a hkang da ai ga ni yawng hpe hkan shatup na mu ai. Dai Madu hpe shakawn nga mu law!

SHAKAWN KUNGDAWN 119:4

Madu e, nang anhte hpe na a hkang da ai tara ni hpe jaw ya nhtawm; dai ga matsun ni hpe kangka ai hte madat mara hkan sa na matu, nang anhte hpe tsun da nit dai.

PRU MAT 18:20

Nang shanhte hpe Karai Kasang a hkang da ai ga ni hpe sharin ya nna, shanhte kaning rai asak hkrung hkawm sa na lam hte hpa baw hpe galaw ang na lam, shanhte hpe nang tsun sanglang na rai ndai.

YEREMIA 11:6

Dai hpang, dai Madu gaw ngai hpe, “Yuda mare ni hte Yerusalem nmaw lam ni de sa su. Dai shara hkan e nye a mungga hkaw tsun ai hte amyu masha ni ga shaka mungga madat na hte dai ga ni hpe madat mara hkan sa na matu tsun u.

EZEKELA 11:20

Dai hpang, shanhte gaw nye a tara ni hpe shadik shatup lu na mara ai; nye a hkang da ai ga yawng hpe kangka ai hte madat mara hkan sa na mara ai. Shaloi, shanhte gaw nye a amyu masha ni tai wa ai hte ngai mung shanhte a Karai Kasang tai nga na nngai.

EZEKELA 20:11

Ngai gaw shanhte hpe nye a hkang da ai matsun maroi ga ni jaw ya ni ai; dai lam ni hpe hkan sa madat mara ai ni kadai rai ti mung, asak hkrung nga shangun lu na, nye a tara ni shanhte hpe sharin achyin ya ni ai.

EZEKELA 20:21

“Rai ti mung, dai ban na masha ni mung ngai hpe gumlau ninghkap ma ai. Shanhte gaw nye a tara ni hpe jahten kau ma ai hte dai lam ni hpe hkan sa madat mara ai ni kadai hpe mung asak hkrung shangun lu ai nye a hkang da ai matsun maroi ga ni hpe n hkan ma ai. Shanhte gaw dai Bansa Nhtoi hpe awu asin di kau ma ai. Shanhte yawng hpe dai nam mali e jahtum kau na matu nye a sindawng kahtet ai a n-gun hkam sha lu mu ga, ngai shajin da ni ai.

EZEKELA 36:27

Ngai gaw nanhte hta nye a wenyi bang ya na nngai, shaloi nanhte gaw ngai hkang da sai ga ni hpe shadik shatup nna nye a tara ni yawng hkan lu na rai myit dai.

EZEKELA 37:24

Nye a shangun ma Dawi hte bung ai hkawhkam langai mi mung shanhte a hkawhkam tai na ra ai. Shanhte yawng gaw up hkang ai du langai a npu hta taw nga nna nye a tara ni hpe kangka ai hte hkan sa madat mara na mara ai.

JAW JAU 18:5

Ngai nanhte hpe jaw da ai hkan sa lam ni hte tara ni hta hkan nang lu na rai myit dai. Dai hpe hkan galaw ai a jaw e, nanhte asak hkrung nga lu na rai myit dai; ngai gaw dai Madu nan rai nga nngai.”

JAW JAU 19:19

“Nye a hkang da ai ga ni hpe madat mara lu na rai myit dai; dinghku kata rem ai yam nga ni hpe amyu kayau nna uli hkum shalun myit; yi hkauna langai hta sha nli amyu lahkawng hkai lu na n rai; ri amyu lahkawng hte kayau da ai hpun palawng ni hpe hkum hpun myit.

JAW JAU 19:37

Nye a tara ni hte hkang da ai ga ni yawng hpe madat mara nga mu. Ngai gaw dai Madu rai nga nngai,” ngu nna tsun wu ai.

JAW JAU 20:8

Nye a tara ni hpe hkan sa madat mara mu; ngai gaw nanhte hpe shachyoi shapra ai dai Madu rai nga nngai.

JAW JAU 22:31

Dai Madu gaw, “Nye a hkang da ai ga ni hpe madat mara hkan sa nga mu; ngai gaw dai Madu rai nga nngai.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, lamu ga aprat htum hkra ngai nanhte hte rau dinggrin anga nga na nngai law,” ngu nna shanhte hpe matsun dat mu ai.

LUKA 1:6

Dai yan gaw Karai Kasang a man e ding hpring ai yan rai nga ma ai. Shan gaw Madu a jep ai tara nga manga hte hkang da mada yawng hpe htep lahti hkan nang ma ai.

YAWHAN 15:14

Nanhte hpe ngai hkang da ai ga hkan shatup myit yang gaw nanhte nye a jinghku ni rai nga myit dai.

ROMA 10:5

Jep ai Tara hkan shatup ai hte Karai Kasang a man e ding hpring ai masha tai lu ai lam hte seng nna Mawshe gaw, “Jep ai Tara hkan shatup ai wa gaw hkrung nga na ra ai,” nga nna ka da nu ai.

TARA JAHPRANG 1:3

Egutu mung kaw nna shanhte pru mat wa ai hpang, mali shi ning a shata shi langai a praw langai ya ngu na shani e, dai Madu shi hpe hkang da mada hte maren, Israela amyu masha ni hpe tsun na lam Mawshe htawn tsun wu ai.

TARA JAHPRANG 1:8

Dai yawng gaw nanhte a kaji kawa Abraham, Isak, Yaku hte shanhte a amyu matu mara ni hpe Ngai Madu nan jaw na ngu nna ga sadi tawn da ai lamu ga rai nga li ai. Dai rai nna pru sa nhtawm dai mung hpe madu la masu,’” ngu nna anhte hpe tsun mi ai.

TARA JAHPRANG 11:1

“Dai Madu nanhte a Karai Kasang hpe tsaw ra let, shi a tara ni yawng hpe tut nawng madat mara hkan sa na rai myit dai.

TARA JAHPRANG 13:1

“Myihtoi langai ngai shing n rai yup mang htai chye ai wa langai ngai gaw shawng de nanhte garai n nawku yu ai karai ni hpe nawku daw jau wa hkra lam woi na nga, mauhpa lamik kumla amu galaw shapraw dan na ga sadi jaw wa na ra ai. Dai rai nna shi tsun ai ga sadi teng wa tim pyi, dai wa a ga hkum madat ya myit. Nanhte gaw dai Madu hpe nanhte a myit masin mahkra hte tsaw ra nga myit dai hpe chye lu hkra nga, dai Madu nanhte a Karai Kasang gaw nanhte hpe chyam yu na matu shanhte hpe lang nga ai.

TARA JAHPRANG 16:20

Dai Madu nanhte a Karai Kasang nanhte hpe jaw ai mungdan madu la nna, dai mung e matut asak hkrung nga lu myit ga gaw, rap ra ai hte teng man ai tara hku tut nawng jeyang lu na rai myit dai.

TARA JAHPRANG 30:16

Dai ni, ngai nanhte hpe jaw ai, dai Madu nanhte a Karai Kasang a hkang da ai ga hpe madat mara nna, shi hpe tsaw ra ai hte shi a ga hpe madat mara let shi a tara ni yawng hpe hkan shatup myit dai rai yang, nanhte gaw ngamu ngamai wa nhtawm masha amyu baw law law a amyu tai wa lu na marin dai. Shing rai nanhte madu la hkyen ai mungdan hta dai Madu nanhte a Karai Kasang nanhte hpe shaman ya na ra ai.

TARA JAHPRANG 30:19

Ngai gaw nanhte hpe asak hkrung lam hte si hkrung si htan lam, Karai Kasang a chyeju hte Karai Kasang a dagam dala lam hpe lata la na lam, jaw ya nga nngai. Dai rai nna shing re ai lam hpe lata la nna sumsing lamu hte ginding aga hpe sakse da ya nngai. Dai majaw asak hkrung lam hpe mahtang lata la mu.

TARA JAHPRANG 30:20

Dai Madu nanhte a Karai Kasang hpe tsaw ra mu; shi a ga madat mara let shi hta sadi dung nga mu. Nanhte a nji nwa Abraham, Isak hte Yaku hte hpe shi jaw ai ga sadi mungdan hta nanhte hte nanhte a amyu matu mara ni anga nga lu na marin dai,” ngu nna tsun wu ai.

TARA JAHPRANG 4:40

Nanhte hte nanhte a amyu matu ni yawng ngamu ngamai wa lu myit ga, dai ni, ngai nanhte hpe jaw da sai shi a tara ni yawng hpe madat mara hkan sa nga mu; shaloi dai Madu nanhte a Karai Kasang nanhte hpe htani htana a matu jaw ya nga ai mungdan hta prat tup jaw lup matut nna nga lu na rai myit dai,” ngu nna tsun wu ai.

TARA JAHPRANG 4:45

Ndai gaw Shanhte Egutu mung na pru mat wa ai hpang, Heshbon mare e hkaw dung ai Amori Hkawhkam Sihon a lamu ga, Yawdan hka a sinpraw hkran Betpeora hte tawtap na kadit e shanhte hpe jaw ya ai tara ni rai nga ai. Shanhte gaw Egutu mung na pru wa ai shaloi Mawshe hte Israela amyu masha ni shi hpe dang kau ma ai.

TARA JAHPRANG 4:8

Dai ni ngai nanhte hpe sharin achyin ya ni ai matsun maroi ga ni gaw kaning re ai amyu kaba gale ni hta mung, dai zawn re ai mi n lu nga ma ai.

TARA JAHPRANG 5:1

Mawshe gaw Israela masha ni yawng hpe shaga jahpawng nna shanhte hpe, “Israela amyu masha ni e, dai ni, ngai nanhte hpe jaw ya nga ai hkang da ai tara ni hpe madat mu; dai ni hpe sharin la nna nanhte hkan galaw na rai myit dai.

TARA JAHPRANG 5:33

Nanhte madu la na mungdan hta tut nawng ashanu nga nna lam magup hta ngamu ngamai wa malit ga; hkang da ai lam yawng mayawng hpe hkan sa madat mara nga myit law.

TARA JAHPRANG 6:1

“Ndai ni gaw nanhte hpe sharin achyin ya na matu, dai Madu nanhte a Karai Kasang ngai hpe hkang da ai tara ni yawng rai nga ai. Nanhte shang madu la hkyen nga ai mungdan hta dai ni hpe hkan sa madat mara lu na rai myit dai.

TARA JAHPRANG 6:24

Dai hpang ndai tara ni yawng hpe hkan sa madat mara nhtawm shi hpe shagrau sha-a na matu dai Madu anhte a Karai Kasang hkang da mi ai hte maren anhte hkan sa ga ai rai yang chyawm gaw anhte a amyu hpe shi tut nawng bau sin ya ai hte ngamu ngamai shangun na ra ai.

TARA JAHPRANG 7:11

Dai re ai majaw dai ni ngai nanhte hpe jaw made ai tara ni yawng hpe mung, nanhte sharin achyin hkam la lu sai matsun maroi ga ni yawng hpe mung madat mara hkan sa na rai myit dai.

TARA JAHPRANG 8:1

“Dai ni ngai nanhte hpe jaw ya sai tara ni yawng hpe sadi sahka let hkan sa madat mara nga mu; shaloi nanhte hkrung nga nna law htam wa nhtawm dai Madu nanhte a nji nwa ni hpe ga sadi jaw da sai mungdan hpe madu la lu na myit dai.

TARA JAHPRANG 8:11

“Dai ni ngai nanhte hpe jaw ya ai shi a hkang da ai tara hpa hpe mung n hkan kau nna, dai Madu nanhte a Karai Kasang hpe malap kau ai kaw n du myit ga, sadi nga mu.

TARA JAHPRANG 9:1

“Israela amyu masha ni e, madat mu! Nanhte hta grau kaba nna n-gun grau ja ai masha amyu baw ni madu da ai mungdan hpe dai ni, nanhte Yawdan hka rap nhtawm sa madu la na sha rai manit dai. Shanhte a mare ni hpe lamu dep bunghku ni hte kum shinggrup da nga ai.

YAWSHU 3:9

Dai hpang Yawshu gaw amyu masha ni hpe, “Ndai de sa wa marit; dai Madu nanhte a Karai Kasang tsun ai ga hpe madat la mu.