TARA JAHPRANG 32:9 - Jinghpaw Common Language Bible 2009

⁹ rai ti mung shi chyawm gaw Yaku amyu matu mara ni hpe shi a matu lata la nu ai.

Jinghpaw Hanson Version Bible

⁹ Yehowa a kamhtaw chyawm gaw, shi a mayu rai nga ai, Yaku gaw shi a sali wunli rai nga ai.

TARA JAHPRANG 32:9 ပူးပေါင်းရင်းမြစ်များ

2 SAMUELA 14:16

Karai Kasang gaw shi a amyu masha ni hpe jaw ya ai lamu ga kaw na anhte hpe htawt kau na kaw na mung, nye a kasha hte ngai hpe sat kau na matu shakut nga ai wa a lata kaw na mung, ngai hpe hkye la na lam mung, ngai tsun ai ga hpe nang madat ya na rai nga ndai hpe mung ngai myit nawn da we ai.

2 SAMUELA 20:19

Anhte a mare gaw kaba ai mare langai mi rai nna Israela mung hta grau nna ngwi pyaw sim sa htum ai hte sadi dung htum ai mare langai mi rai nga ai. Nang gaw ndai mare hpe hpa majaw jahten sharun kau mayu nga n ta? Dai Madu madu da ai mare hpe nang sharun jahten kau mayu nga n ni?,” ngu nna tsun wu ai.

1 HKAWHKAM 8:51

Shanhte gaw Egutu mung grung nga ai wan htung kaw na nang woi shapraw wa ai na a amyu masha majing ni rai nga ai.

1 HKAWHKAM 8:53

Anhte a kaji kawa ni hpe Egutu mung kaw nna nang woi wa ai shaloi, na a shangun ma Mawshe hku nna nang shanhte hpe tsun nit dai hte maren, na a amyu masha majing tai na matu masha amyu ni yawng hta na nang shanhte hpe lata la nga nit dai.”

SHAKAWN KUNGDAWN 106:40

Shing rai, Madu gaw shi a amyu masha ni hpe pawt sindawng nga nna; shanhte hpe shi matsat kau wu ai.

SHAKAWN KUNGDAWN 106:5

Na a amyu masha ni a ngamu ngamai ai lam hpe mung, na a amyu baw a kabu gara ai lam hpe mung, nang madu da ai amyu masha ni a kabu gumrawng ai lam hpe mung ngai hpe mu mada shangun e law.

SHAKAWN KUNGDAWN 135:4

Shi gaw Yaku hpe shi a matu, Israela amyu masha ni hpe shi madu na matu, lata la nu ai.

SHAKAWN KUNGDAWN 28:9

Madu e, na a amyu masha ni hpe hkye hkrang la u, na a amyu masha ni hpe shaman ya u. Shanhte hpe yu ai sagu rem wa tai nga nna, shanhte hpe htani htana lanu lahku nga u law.

SHAKAWN KUNGDAWN 33:12

Dai Madu hpe shanhte a Karai Kasang shatai ai amyu baw gaw a nga ai; shi e lata la hkrum ai amyu masha ni gaw a lu nga ai!

SHAKAWN KUNGDAWN 74:2

Moi moi kaw nna, na a matu nang nan lata la ai amyu masha ni hte; na a amyu masha ni tai nga na matu mayam kaw nna hkrang shaw la hkrum sai na a amyu masha ni hpe dum nga u. Nang lang mi nga lai wa sai Ziun bum hpe dum nga u.

SHAKAWN KUNGDAWN 78:71

Israela amyu masha ni a hkawhkam, Karai Kasang a amyu masha ni a sagu rem wa tai nga na matu, shi hpe san da nu ai.

PRU MAT 15:16

Hkrit kajawng ai hte hkrit gari ai gaw shanhte a ntsa e du sai. O Madu e, shanhte gaw na a n-gun hpe mu ma ai shaloi, na a amyu masha ni lai mat wa nna, amyu masha ni hpe mayam prat kaw na nang shalawt kau dat ai aten du hkra, hkrit ai hte atsin sha nga nga ma ai.

PRU MAT 34:9

Shi gaw, “Madu e, nang ngai hpe teng teng awng sharawng ndai rai yang, anhte hte rau sa wa na matu ngai nang hpe lajin nngai. Ndai amyu masha ni du ja nga ma ti mung, anhte a n hkru n hkra ai hte shut hpyit ai yubak mara hpe dat kau ya nna, na a amyu masha majing ni zawn anhte hpe hkap la mi law,” ngu nna tsun wu ai.

ESAIA 19:25

Chyahtum Chyalai N-gun rawng ai dai Madu gaw shanhte hpe shaman ya nna, “Egutu mung na nye a amyu masha ni, ngai hpan shalat dat hkrum ai Asuri hte ngai lata la sai Israela amyu masha ni hpe ngai shaman ya na we ai,” nga nna tsun nga ai.

ESAIA 34:17

Dai Madu gaw mungdan dai hpe shanhte a lapran e karan ya nna shanhte langai hte langai hpe kumhtaw karan ya na ra ai. Shanhte gaw dai mung e prat mi hte prat mi shanu nga na mara ai, shanhte gaw dai mung hpe htani htana madu la na mara ai.

ESAIA 43:21

Shanhte gaw nye a matu ngai lata san da ai amyu masha ni rai ma ai, shanhte gaw nye a shakawn kungdawn ga ni hpe mahkawn na mara ai!,” ngu nna tsun ai.

YEREMIA 10:16

Yaku a Karai Kasang chyawm gaw shanhte hte n bung nga ai; shi gaw yawng mayawng hpe hpan da ai wa rai nna, Israela hpe shi a amyu masha majing shatai na matu lata la nu ai. Chyahtum Chyalai N-gun Rawng ai dai Madu gaw shi a mying nsang rai nga ai.

YEREMIA 2:7

Ngai gaw shanhte hpe ga sau kaja ai mung de woi jashawn nna dai mung na nsi naisi ni hte kaga kaja ai sut rai ni hta kabu gara shangun ni ai. Rai ti mung shing rai na malai, shanhte gaw nye a mungdan hpe jahten sharun kau nna; ngai shanhte hpe jaw sai mungdan hpe shanhte awu asin di kau manu ai.

YEREMIA 51:19

Yaku a Karai Kasang gaw shanhte hte bung ai n rai; shi gaw ngayawng danghta hpe hpan da ai wa rai nna, shi gaw Israela hpe shi a amyu tai na lata la nu ai. Chyahtum Chyalai N-gun rawng ai dai Madu gaw shi a amying rai nga ai.

MIHKA 2:5

Dai re ai majaw, dai Madu a amyu masha ni a lata de lamu ga bai nhtang jaw na matu aten du ai shaloi, dai shara hta nanhte langai hte langai a matu gambum lu la na n rai nga myit dai.

ZEHKARIA 2:12

Yuda gaw shi a chyoi pra ai mungdan hta dai Madu lang mi bai lak san madu la ai hkrum na ra ai. Yerusalem gaw yawng hta shi tsaw ra htum ai mare tai na ra ai.

EHPESU 1:18

Madu gaw nanhte hpe hpa baw myit mada ai lam hta shaga la sai hpe mung Madu a amyu masha ni hpe ndat da ai mauhpa chyeju sali wunli ni gaw, kade wa n taw n tsang rai nga ai hpe mung,

TARA JAHPRANG 9:29

Kaja wa tsun ga nga yang, na a galu kaba ai daru magam n-gun atsam hte Egutu mung kaw na nang woi shapraw wa nhtawm na a amyu masha ni majing tai na matu nang lata san da ai amyu masha ni she rai nga ma ai,’ ngu nna hpyi nem wu ai.

YAWSHU 24:17

Dai Madu anhte a Karai Kasang gaw anhte hte anhte a kawa ni hpe Egutu mung e mayam tai nga ai kaw na woi shapraw wa mani ai rai nna, shi galaw dan sai mauhpa lamik kumla ni hpe anhte mu saga ai. Dai rai nna amyu baw ni yawng a man e anhte lai hkawm ai shara shagu hkan shi anhte hpe shim lum ai hte makawp maga da mi ai.

1 SAMUELA 10:1

Dai hpang Samuela gaw tsanlun sau rawng ai di bu langai la nna Shawlu a baw ntsa e ru jaw nna shi hpe pup let, “Shi a amyu masha Israela hpe up hkang ai du tai na matu, dai Madu gaw nang hpe namman jaw ya nga ai. Dai rai nna shi a amyu masha ni hpe nang up hkang nna shanhte a gumlau hpyen ni yawng a lata kaw nna mung shanhte hpe makawp maga ya na rai ndai. Ndai gaw dai Madu nang hpe lata la nna shi a amyu masha ni hpe up hkang na du tai na matu nang hpe madun ai sakse rai nga ai.