TARA JAHPRANG 32:8 - Jinghpaw Common Language Bible 2009

⁸ Tsaw Htum ai Wa gaw amyu baw ni hpe shanhte a lamu ga ni hpe jaw ya nna, amyu masha ni hpe karan ya ai shaloi; shi gaw Israela a kasha ni a numbat hte maren, amyu masha ni a lamu ga jarit ni hpe masat ya nga ai;

Jinghpaw Hanson Version Bible

⁸ Tsaw Htum ai Wa gaw amyu ni hpe ninghtawn karan na, Shinggyim masha ni hpe hpajang tawn ai shaloi; Israela amyu ni a nambat sawn nna, Mungkan amyu ni a lamu ga jarit tawn da nu ai.

TARA JAHPRANG 32:8 ပူးပေါင်းရင်းမြစ်များ

NINGPAWT NINGHPANG 10:15

Hkanan a shadang sha ni hta alat Sidon hte Het rai ma ai. Shan a amying hta hkan nna amyu bawsang ni a kaji kawa ni tai wa masai.

NINGPAWT NINGHPANG 10:25

Ebera mung shadang sha lahkawng lu wu ai; langai wa a mying gaw Hpelek rai nga ai, hpa majaw nga yang shi a prat hta mungkan ga na masha ni ga karan mat nga ma ai. Kaga langai wa a mying gaw Yoktan rai nga ai.

NINGPAWT NINGHPANG 10:5

Shanhte gaw zunlawng ni hte panglai hkin-gau mayan hku shanu nga ai amyu masha ni a kaji kawa ni rai ma ai. Dai ni gaw Yahpet a aru arat ni rai nna, tinang mungdan ni hta abaw asang kaga ga rai shanu nga nhtawm, shaga ai ga mung kaga ga rai nga ai.

1 HKAWHKAM LABAU 16:18

Shi mahtang, “Nang hpe ngai Hkanan mung jaw na nngai; dai gaw nanhte a sut gan tai na ra ai,” ngu nna tsun wu ai.

YOBA 15:19

Shanhte a mungdan gaw maigan ni a lata kaw na lawt wa nga ai; kadai mung shanhte hpe Karai Kasang a lata kaw nna woi shadam kau lu nga ai n rai.

SHAKAWN KUNGDAWN 115:16

Sumsing lamu hpe dai Madu chyu sha madu nga ai; ginding aga hpe chyawm gaw shinggyim masha ni hpe ap ya nu ai.

SHAKAWN KUNGDAWN 50:14

Chyeju dum shakawn ai gaw Karai Kasang hpe na a shagu hkungga nawng jau ai lam rai nga u ga; Chyahtum Chyalai n-gun rawng ai Madu hpe nang ndat da ai ga sadi yawng hte hpe jaw ya u.

SHAKAWN KUNGDAWN 7:17

Shi a teng man rap ra ai tara a majaw, Madu hpe ngai chyeju dum nga nngai; Ngai gaw Tsaw Htum ai dai Madu hpe mahkawn shakawn na nngai.

SHAKAWN KUNGDAWN 74:17

Mungkan ga a jarit ni hpe nang shadawn ya nga ndai; ginhtawng hte nshung ta ni hpe nang hpan da nga nit dai.

SHAKAWN KUNGDAWN 82:6

‘Nanhte gaw karai ni rai nga myit dai, nanhte yawng gaw Tsaw Htum ai Wa a kasha ni rai nga myit dai,’ ngu nna ngai tsun ni ai.

SHAKAWN KUNGDAWN 91:1

Shim nga lu na matu, Madu hpang de du sa wa ai wa kadai rai ti mung; Chyahtum Chyalai n-gun rawng ai Wa a makawp maga ai npu hta shanu nga ai wa kadai rai ti mung,

SHAKAWN KUNGDAWN 92:8

Madu e, nang chyawm gaw htani htana agrau nga ai wa rai nga ndai.

ESAIA 14:14

Nang gaw Chyahtum Chyalai N-gun rawng ai wa zawn sumwi ni a ntsa de lung na tsun nit dai.

Daniela 4:17

Ndai gaw maja let sin yu nga ai lamu kasa ni a daw dan ai lam rai nga ai. Dai rai nna Tsaw Htum ai Karai Kasang gaw masha mungdan ni a ntsa e daru magam n-gun rawng nga ai mung, n ahkyak htum ai masha ni pyi shi lata la ai rai yang, dai ni hpe shi jaw ya nga ai lam mung, shara shagu hkan na masha ni chye la lu mu ga,’ ngu nna tsun ndau wu ai.

Daniela 5:18

“Tsaw Htum ai Karai Kasang gaw na a nwa Nebuhkadneza hpe hkawhkam kaba shatai nna hpung rawng ai sari sadang hte daru magam hpung dagu jaw ya nu ai.

MIHKA 2:5

Dai re ai majaw, dai Madu a amyu masha ni a lata de lamu ga bai nhtang jaw na matu aten du ai shaloi, dai shara hta nanhte langai hte langai a matu gambum lu la na n rai nga myit dai.

BU HKAWM 23:9

Tsaw ai lunghkrung ni kaw na ngai shanhte hpe mu nngai; Ngai gaw shanhte hpe kawng ni kaw na mada lu nngai; Shanhte gaw alak mi re ai amyu baw langai mi rai nga ai; Shanhte gaw kaga amyu baw ni hta shaman chyeju grau nna lu la nga ma ai hpe shanhte chye ma ai.

BU HKAWM 24:16

Karai Kasang kaning nga tsun nga ai hpe kadai wa na lu ai hte, Tsaw Htum ai wa kaw na machye machyang hpe kadai wa lu la nga a ni? Ngai chyawm gaw Chyahtum Chyalai N-gun rawng ai Karai Kasang kaw na shingran hpe dinghkren mu lu ai myi hte shingran hku mu chye nngai.

KASA 17:26

Madu gaw shawng nnan masha langai mi hpe hpan da nna dai wa hta nna masha amyu danghta hpe mayat maya hkrat wa shangun nhtawm, mungkan shara shagu hta nga pra shangun ma ai. Shanhte asak hkrung nga pra ai du hkra ladaw ni hte buga jarit ni hpe mung tau hkrau masat da ya mu ai.

KASA 7:48

“Rai ti mung Tsaw Htum ai Karai Kasang gaw masha a lata hte sha gap da ai nta kaw rawng ai n rai, dai lam myihtoi wa htawn tsun ai gaw,

TARA JAHPRANG 33:28

Shing rai, lamu de na numri hkrat ai hte ga kata na hka hpawk ni pru nhtawm, nai mam hte sabyi ntsin ing ai lamu ga hta, Yaku amyu matu ni ngwi pyaw sim sa ai hte shim ai hku nga lu na rai ma ai.