TARA JAHPRANG 32:51 - Jinghpaw Common Language Bible 2009

⁵¹ hpa majaw nga yang, nan lahkawng mahtang Israela amyu masha ni a man e, ngai hta sadi n dung kau nga manit dai. Zin nam mali, Kadesha mare makau na Meriba hka e nanhte nga nga myit yang, amyu masha ni a man e, nanhte ngai hpe n sawn n sang di myit dai.

Jinghpaw Hanson Version Bible

⁵¹ kaning rai nme law, Zin nam mali, Kadesha shara na, Meriba hka kau e, Israela kashu kasha ni a hpawng ka-ang e nan ngai e n shagrau n sha-a myit dai.

TARA JAHPRANG 32:51 ပူးပေါင်းရင်းမြစ်များ

ESAIA 8:13

Chyahtum Chyalai N-gun rawng ai Ngai Madu gaw chyoi pra nga nngai hpe dum nga u; Ngai gaw nang hkrit kamyin ai wa rai nga nngai.

EZEKELA 47:19

“Dingda maga de na lamu ga jarit gaw sinna dingda maga Tamara kaw nna Kadesha Meriba hka hpawk pru ai shara du; dai hpang, sinna dingdung Egutu mung lamu ga jarit mayan kaw nna Ka-ang Panglai du hkra rai nga ai.

JAW JAU 10:3

Dai hpang Mawshe gaw Arun hpe, “Da ndai gaw, ‘Ngai hpe daw jau ai ni yawng nye a chyoi pra ai ban hpe hkungga lu na rai nna, nye a amyu masha ni hpe nye a hpung shingkang madun dan na we ai,’ nga nna dai Madu tsun ai gaw ndai zawn re ai lam hpe shi tsun ai re,’” ngu nna tsun wu ai. Rai ti mung Arun mahtang atsin sha nga nga wu ai.

BU HKAWM 20:24

“Israela ni hpe jaw na ngu nna ngai ga sadi tawn da ai mungdan de Arun shang lu na n rai; nan lahkawng mahtang Meriba shara e nye a hkang da ai ga hte nhtan shai nna gumlau manit dai majaw si na rai ndai.

BU HKAWM 27:14

Shawa hpung ting dai Meriba shara e ngai hpe aput angun nga nna nhtan shai hkat nga yang, shanhte a man e nye a chyoi pra ai daru magam n-gun hkam la na ningdang kau myit dai,” ngu nna tsun wu ai. (Meriba gaw Zin Nam Mali na Kadesha shara hta pru ai hka hpawk rai nga ai.)

YAWSHU 15:1

Yuda amyu bawsang hta na lakung lama ni lu la ai lamu ga sali gaw lawu de na hte maren rai nga ai. Dai lamu ga gaw dingda maga de Edom lamu ga jarit hte htep rai nga ai Zin nam mali dingda jahtum du hkra rai nga ai.

1 PETRU 4:17

Tara jeyang hpang na aten du ra ai rai nna Karai Kasang a nta masha ni hpe shawng jeyang daw dan ai hkrum na mara ai. Lama rai nna anhte dai tara jeyang daw dan ai hpe shawng hkrum ga yang gaw Karai Kasang a kabu gara shiga hpe n kam n sham ai ni a jahtum ai gaw kaning rai na rai ai kun?