TARA JAHPRANG 32:47 - Jinghpaw Common Language Bible 2009

⁴⁷ Ndai sharin shaga ai ga ni gaw kaman nmai nhkai re ai ga ni sha n rai; dai gaw nanhte a asak hkrun lam rai nga ai; nanhte madu la hkyen ai dai Yawdan hka wora hkran na mungdan hta asak galu nga malit ga gaw, dai ga ni hpe madat mara hkan sa nga mu,” ngu nna tsun wu ai.

Jinghpaw Hanson Version Bible

⁴⁷ Kaning rai nme law, ndai gaw nanhte a matu amai ahkai ga sha n rai; dai gaw nanhte a asak hkrung lam rai nga malit dai: Yawdan hka rap nna shang sha na marin dai mungdan hta nde a marang e nanhte aprat galu wa na rai malit dai,” ngu nna tsun da wu ai.

TARA JAHPRANG 32:47 ပူးပေါင်းရင်းမြစ်များ

GA SHAGAWP 3:18

Hpaji byeng-ya chye chyang ai ni gaw a lu ma ai; hpaji byeng-ya gaw shanhte hpe asak jaw ya na ra ai.

GA SHAGAWP 3:22

Dai ni gaw nang hpe ngwi pyaw ai hte kabu gara ai asak hkrung lam jaw ya na ra ai.

GA SHAGAWP 4:13

Nang sharin hkam la lu sai lam hpe tut nawng e adum nga u; na a hpaji gaw na a asak rai nga ai majaw, dai hpe atsawm sha sin da u.

GA SHAGAWP 4:22

Shanhte gaw dai lam ni hpe chye na hkawn hkrang ai masha kadai hpe mung asak hkrung ai lam hte hkam kaja ai lam jaw ya na ra ai.

ESAIA 45:19

Ngai gaw machyi shim ai hku n tsun yu nngai, nye a yaw shada ai lam hpe makoi magap n galaw yu nngai. Katsi katsang re ai shara hta ngai hpe tam na matu, Israela amyu masha ni hpe ngai n lajin yu nngai. Ngai gaw dai Madu rai nga nngai, ngai gaw teng man ai ga hpe tsun nngai; Teng man ai amu hpe ngai chye shangun nngai.”

JAW JAU 18:5

Ngai nanhte hpe jaw da ai hkan sa lam ni hte tara ni hta hkan nang lu na rai myit dai. Dai hpe hkan galaw ai a jaw e, nanhte asak hkrung nga lu na rai myit dai; ngai gaw dai Madu nan rai nga nngai.”

AMO LAIKA (AMOS) 5:4

Dai Madu gaw Israela amyu masha ni hpe, “Ngai hpang de sa marit, nanhte hkrung nga na rai myit dai.

MAHTE 6:33

Shing rai na malai nanhte gaw, shi a mungdan hte shi a ding hpring ai lam hpe shawng tam nga mu; shaloi dai kaga ra ai nlang hte hpe shi nanhte hpe kahtap jaw na marin dai.

KASA 7:38

Nam mali e hpawng nga ai Israela amyu masha ni hte mung, anhte a ji wa ni hte mung, Sina bum e shingran jaw ai lamu kasa hte mung rau rai nga ai wa gaw shi nan rai nga ai. Anhte hpe bai htawn tsun na ap ya ai Karai Kasang kaw na asak hkrung ai mungga hkap la ai wa mung shi rai nga ai.

TARA JAHPRANG 30:16

Dai ni, ngai nanhte hpe jaw ai, dai Madu nanhte a Karai Kasang a hkang da ai ga hpe madat mara nna, shi hpe tsaw ra ai hte shi a ga hpe madat mara let shi a tara ni yawng hpe hkan shatup myit dai rai yang, nanhte gaw ngamu ngamai wa nhtawm masha amyu baw law law a amyu tai wa lu na marin dai. Shing rai nanhte madu la hkyen ai mungdan hta dai Madu nanhte a Karai Kasang nanhte hpe shaman ya na ra ai.

TARA JAHPRANG 31:13

Dai hku rai yang, dai Madu nanhte a Karai Kasang a tara hpe galoi mung garai n na yu ai nanhte a amyu matu mara ni na lu na mara ai. Shing rai nanhte madu la hkyen nga ai Yawdan hka wora hkran na mungdan hta nanhte nga nga dingsa shi a ga madat mara hkan sa na matu shanhte sharin la lu na mara ai,” ngu nna tsun wu ai.

TARA JAHPRANG 33:25

Shi a mare ni hpri chyinghka hte makawp maga da na rai wu ai; Shi gaw prat dingsa shim lum ai hte nga lu na rai wu ai.”

TARA JAHPRANG 4:40

Nanhte hte nanhte a amyu matu ni yawng ngamu ngamai wa lu myit ga, dai ni, ngai nanhte hpe jaw da sai shi a tara ni yawng hpe madat mara hkan sa nga mu; shaloi dai Madu nanhte a Karai Kasang nanhte hpe htani htana a matu jaw ya nga ai mungdan hta prat tup jaw lup matut nna nga lu na rai myit dai,” ngu nna tsun wu ai.

TARA JAHPRANG 4:6

Dai tara ni hpe sadi sahka hte hkan shatup nga mu; shing rai jang, nanhte gaw hpaji byeng-ya hta kade wa kunghpan nga myit dai lam masha amyu baw ni hpe madun dan lu na rai myit dai. Shanhte mung dai matsun maroi tara ni hpe na yang, ‘Ndai amyu baw ni gaw hpaji byeng-ya hte chye na hkawn hkrang ai nyan marai lu la nga manu hka!,’ ngu nna tsun na rai ma ai.

TARA JAHPRANG 8:3

Shi gaw nanhte hpe kawsi jahkrum nhtawm nanhte hte nanhte a nji nwa ni galoi mung garai n lu sha yu ai Manna nanhte hpe jaw nu ai. Masha gaw muk hte sha asak hkrung nga lu ai n rai; lam magup hta dai Madu tsun ai mungga hte sha asak hkrung lu nga ai hpe sharin la lu myit ga nga, ndai lam shi galaw nu ai.

1 TIMOHTI 4:8

Hkum hkrang hte seng nna sha shaman shakyang ai lam gaw akyu loi sha mi nga ai; rai ti mung wenyi makam masham lam hta shaman shakyang ai gaw lam shagu hta akyu nga nga ai; hpa majaw nga yang dai gaw ndai prat hte htawm hpang prat a matu ga ndat rawng nga ai.

2 PETRU 1:16

Anhte a Madu Yesu Hkristu a hpung shingkang atsam hte du sa ai lam nanhte hpe chye shangun na matu anhte gaw masha e gyin shalat la ai maumwi hta shamyet shanat ai lam n galaw saga ai. Anhte a myi hte nan shi a galu kaba hkik hkam ai lam hpe mu lu saga ai.

2 PETRU 1:3

Shi a hpung shingkang hte mai kaja ai lam hpe garan hkam la na matu anhte hpe shaga la ai Hkristu hpe chye chyang ai a marang e Karai Kasang a n-gun atsam gaw teng man ai nawku htung makam masham hta asak hkrung nga lu na matu anhte hta ra kadawn nga ai lam yawng mayawng jaw ya mani ai.

SHINGRAN 22:14

Asak jahkrung ai hpun a asi sha lu na hte, mare chyinghka hku shang lu na ahkang lu la na matu, tinang a hpun palawng hkrut jasan kau ai ni gaw a lu ma ai.