TARA JAHPRANG 32:41 - Jinghpaw Common Language Bible 2009

⁴¹ tu ala ai nye a nhtu hpe ngai galaw garang nna, teng man rap ra ai amu galaw nga sai hpe mu na mara ai. Nye a gumlau hpyen ni hpe ngai matai htang nna, ngai hpe n ju n dawng ai ni hpe ari jaw na mawe ai.

Jinghpaw Hanson Version Bible

⁴¹ Nye a tu kabrim ai nhtu hpe ngai galaw karang nna, Nye a lata hpe tara dara na hkyen lang let, Gumlau ni hpe ngai matai htang nna, Ngai n dawng ai ni hpe ari jaw na mawe ai.

TARA JAHPRANG 32:41 ပူးပေါင်းရင်းမြစ်များ

SHAKAWN KUNGDAWN 31:23

Shi a kangka ai amyu masha ni yawng hte e, dai Madu hpe tsaw ra nga mu. Dai Madu gaw kangka ai ni hpe makawp maga nga ti mung, gumrawng gumtawng ai ni hpe chyawm gaw shanhte hkam la ging ai hte maren ari jaw ya nga ai.

SHAKAWN KUNGDAWN 7:12

Shanhte gaw shanhte a lam ni hta n galai shai ai rai yang, Karai Kasang gaw shi a nhtu hpe garang shadai ya wu ai. Shi gaw shi a ndan hpe shachyen nna dai hpe gap na matu jin jin rai nga na ra ai;

SHAKAWN KUNGDAWN 7:13

shi gaw shi a si shangun lu ai laknak ni hpe hta lang nna, ju jahkyeng da ai shi a pala ni hte shading da nga ai.

PRU MAT 20:5

Kaning re ai hpara sumla hpe mung hkum kadawng, hkum nawku et. Ngai gaw dai Madu na a Karai Kasang rai nga nngai majaw shingjawng kashun ai hpe ngai hkam sharang nngai n rai; ngai hpe n dawng n yawt ai amyu matu ni hpe ban masum mali du hkra ngai ari jaw nngai.

ESAIA 1:24

Dai rai nna, ya chyawm gaw, Chyahtum Chyalai N-gun rawng ai dai Madu Israela a daru magam n-gun hte hpring ai Karai Kasang tsun nga ai ga hpe madat mu: “Nye a gumlau hpyen ni e, ngai nanhte hpe matai htang na we ai, nanhte gaw ngai hpe ru yak tsin-yam tsindam loi mi mung shabyin lu na myit dai n rai.

ESAIA 27:1

Dai shani e, dai Madu gaw hkram shingkun ai hte magyi magaw re ai baren numraw Lewihtan hpe ari jaw na matu mung, panglai kata rawng ai numraw hpe sat na matu mung shi a daru magam n-gun hte si shangun lu ai nhtu hpe lang na ra ai.

ESAIA 59:18

Shi gaw shi a gumlau hpyen ni hpe shanhte galaw sai amu hte maren ari jaw na ra ai, sumtsan mungdan hkan nga ai ni hpe du hkra pyi ari jaw na ra ai.

ESAIA 66:16

Shi mara tam mu ai mungkan ga na masha yawng mayawng hpe wan hte mung nhtu hte mung ari jaw na ra ai-law law wa sat kau ai hkrum na mara ai.

ESAIA 66:6

Madat mu! Mare kaw na ja ja garu ai nsen, dai Nawku Htingnu na nsen gaw shi a gumlau hpyen ni hpe ari jaw nga ai dai Madu a nsen rai nga a hka!

YEREMIA 44:26

Rai ti mung, ya chyawm gaw Egutu mung hta nga ai Israela amyu masha ni yawng hte e, dai Madu ngai nan nye a chyalai n-gun rawng ai amying hta ga shaka da sai ga hpe madat mu: ‘Ahkrung nga ai hte Tsaw Htum ai Madu a mying hte ngai dagam nngai,’ nga nna nye a mying gang let nanhte hta na langai wa mi mung dai ga shaka hpe galoi mung bai n tsun lu myit ga, ngai gaw nye a daru magam mying gang let dagam da ni ai.

YEREMIA 50:18

Dai lam a majaw, Chyahtum Chyalai N-gun rawng ai dai Madu Israela a Karai Kasang ngai gaw Asuri hkawseng wa hpe ari jaw sai zawn, Hkawhkam Nebuhkadneza hte shi a mungdan hpe ari jaw na nngai.

YEREMIA 50:28

(Babelon mung kaw na hprawng lawt wa ai tsin-yam hkrum sha ai masha ni gaw Yerusalem de du wa nna, dai Madu anhte a Karai Kasang gaw shi a Nawku Htingnu hpe Babelon masha ni shaza kau mu ai majaw, kaning rai matai dawp nga ai lam, shanhte tsun ma ai.)

YEREMIA 50:29

“Babelon mung hpe gasat na matu, ndan gap ai ni hpe tsun mu. Ndan chye lang, pala chye gap ai masha shagu hpe shangun dat mu. Dai mare kata na masha langai mi mung n hprawng lawt lu hkra, wang shinggrup da mu. Ndai masha ni gaw Israela a Chyoi Pra ai Wa ngu ai ngai hpe gumrawng gumtawng ai arawn alai shapraw dan manu ai majaw shanhte galaw ai hte maren bai tai mu, kaga masha ni hpe shanhte pagawn para di mu ai hte maren shanhte hpe mung di mu.

EZEKELA 21:20

Lam langai mi gaw hkawhkam wa hpe Amon masha ni shanu ai Raba mare de sa wa ai lam hpe madun na ra ai; kaga lam langai mi gaw Yuda mung na ngang kang ai mare bunghku ni hte kum gawan da ai Yerusalem de hkrang ai lam hpe madun dan na ra ai.

EZEKELA 25:14

Nye a amyu masha Israela ni gaw Edom masha ni hpe nye a matu matai dawp ya na mara ai; shanhte gaw Edom masha ni hpe nye a masin kahtet ai hpe hkam sha shangun na mara ai. Edom gaw nye a matai dawp ai lam kaning re ai majaw rai nga ai hpe shanhte chye lu na mara ai,” ngu nna tsun wu ai. Tsaw Htum ai dai Madu tsun nu ai.

EZEKELA 32:10

Ngai nang hpe galaw ai amu a jaw e, masha amyu baw law law ni mau kajawng mat na mara ai. Ngai gaw nye a nhtu hpe ningwat dat ai shaloi, hkawhkam ni hkrit gari mat na mara ai. Nang kadawng taw ai shani e, shanhte yawng gaw tinang a asak a matu mara, hkrit gari nga na mara ai.”

NAHUM 1:2

Madu Karai Kasang gaw shingjawng kashun ai amu hpe hkam sharang ai n rai; shi gaw shi hte ninghtan shai ai ni hpe ari jaw nga ai. Shi a masin kahtet ai a majaw, shanhte hpe matai htang nga ai.

ZEHPANI 2:12

Dai Madu gaw Ehtiopi masha ni hpe mung si wa na myit dai, ngu wu ai.

BU HKAWM 10:35

Dai Ga Shaka Sumpu rawt pru wa na rai jang, Mawshe gaw, “Madu e, rawt u, na a gumlau hpyen ni hpe shabra kau nna nang hpe n dawng ai ni hpe jahtaw kau u law!,” ngu nna tsun wu ai.

MARKU 1:2

Myihtoi Esaia a laika hta ka da nga ai hte maren: “Karai Kasang gaw, ‘Na lam lajang magang na matu nye a kasa hpe na a shawng e ngai shangun dat na we ai.’

ROMA 1:30

Shanhte gaw ga shaga baw law ai ni, kaga wa a sari jahpoi ai ga, kadum kahte ai ni, Karai Kasang hpe n dawng ai ni, manang wa hpe n kaw n law rai aroi ara re ai ni, gumrawng gumtawng ai ni, shakawng shakat rai grang dakat ai ni, n hkru n kaja ai amu amyu myu hpe myit shapraw nna galaw ai ni, kanu kawa ni a ga n madat ai ni,

ROMA 8:7

Dai rai nna masha langai mi gaw hkum shan myit e up hkang kau ai shaloi Karai Kasang a Tara hpe n madat n mara lu sai majaw shi gaw Karai Kasang a hpyen tai wa ai; kaja wa nan shi n madat n mara lu nu ai.

TARA JAHPRANG 32:35

Dai Madu gaw shanhte hpe matai htang nna, ari jaw na rai wu ai; shanhte hkrat sum ai aten du wa nna, kyindut hkrum na nhtoi ni wa nga sai.

TARA JAHPRANG 5:9

Kaning san ai hpara sumla hpe mung hkum kadawng hkum naw myit; Ngai gaw dai Madu nanhte a Karai Kasang rai nga nngai majaw shingjawng kashun ai hpe hkam sharang lu na nngai n rai. Dai rai nna ngai hpe n dawng n yawt ai ni hte shanhte a matu mara ni hpe prat ban masum mali du hkra ari jaw na mawe ai.

TARA JAHPRANG 7:10

rai ti mung shi hpe n dawng n yawt ai ni hpe chyawm gaw dai shaloi jang ari jaw na rai wu ai.

2 TIMOHTI 3:4

mayun gumlau ai ni, sadi n dung nna kam mara re ai ni, myit tsaw myit dap nna gumrawng myit kaba ai ni rai nna, shanhte gaw Karai Kasang hpe tsaw ra na malai tinang a pyaw daw lam hpe grau ra sharawng ai ni rai na mara ai.