TARA JAHPRANG 32:34 - Jinghpaw Common Language Bible 2009

³⁴ “Shanhte a gumlau hpyen ni kaning rai galaw manu ai hpe, dai Madu dum ya nga ai; shanhte hpe ari jaw na htuk ai aten hpe shi ala nga ai.

Jinghpaw Hanson Version Bible

³⁴ Ndai lam yawng ngai kaw htun da sai, Nye a sutdek hta dazik hte htep rai nga ai, n rai ni?

TARA JAHPRANG 32:34 ပူးပေါင်းရင်းမြစ်များ

YOBA 14:17

Dai ni hpe nang mara dat ya nna dai ni hpe yeng seng ya na ndai; ngai galaw shut kau sai lam yawng mayawng hpe mung nang katsut kau ya na rai ndai.

YEREMIA 2:22

Kaja htum ai sabya hte nang kashin kau tim pyi, na a mara numsha hpe ngai naw mu nngai.

YEREMIA 32:10

Ngai gaw ga sadi laika hta lata masat kumla ka ai hte dazik dawk da nhtawm de a matu sakse hkam ai hte gumhpraw hpe joi hte shen ya ni ai.

YEREMIA 44:21

“Nanhte hte nanhte a nji nwa ni, nanhte a hkawhkam ni hte nanhte a du salang ni hte mung masha ni, Yuda mare ni hte Yerusalem mare lam ni hta nanhte nawng jau ai shagu hkungga lam ni hpe dai Madu n chye ai hte malap kau na wu ai ngu nna nanhte myit nawn da mu ni?

HOSEA 13:12

“Israela a shut hpyit yubak mara ni hpe ka matsing da nga ai, dai ka matsing hpe shim hkra mahkawng da ni ai.

ROMA 2:5

Rai ti mung nang gaw myit ja ai hte myit malai n lu ndai majaw, Karai Kasang a pawt bu nga ai hpe ding man ai hku tara dara ai lam dan pru ai nhtoi e nang gaw grau nna kaba ai ari hkrum lu na rin dai.

1 KORINHTU 4:5

Dai re ai majaw, aten hkrak garai n du yang, kadai hpe mung hkum jeyang myit. Hpang jahtum na jeyang daw dan ai lam hpe, dai Madu bai du sa ai nhtoi shani du hkra la nga lu na rai nga ai; Shi gaw nsin hta makoi magap da ai nga manga hte hpe mung, masha a myit kraw lawang kata hta makoi magap da ai myit mang yaw shada ai lam ni hpe mung, shapraw shadan dan na ra ai. Dai shaloi e langai hte langai gaw tinang hte ging dan ai hte maren Karai Kasang kaw na shakawn shagrau ai hpe hkam la na ra ai.

TARA JAHPRANG 29:28

Dai Madu a masin kahtet let pawt sindawng ai gaw grung wa ai rai nna, de a majaw shanhte hpe mungdan kaw nna shaw shapraw kau nhtawm maigan mung de gawt shapraw kau wu ai rai nna dai yang e dai ni du hkra nga nga ma ai,’ ngu nna htan na rai ma ai.

TARA JAHPRANG 32:33

lapu atuk hte galaw ai sabyi ntsin hte mung bung nga ai.